Galasɩdara 6
6
Bul kha
1Omɩna wei, ado nɩ yɩ tibilikɛ hanɩ sopugo cʋʋrɔ, nɛrɛɛkɛ dʋɔnnɩ Thu Phuudara nɩ naarɛɛ na hɛlɛlɛ fɩlɛ, sɩ jɩɛ hɩɩn afɩbara a mɛ̃ gaa fa ˈlɛr fifiləle fer. 2Na‐n dea kha heendaasɔ, thale dɔ Kirisitii jɔfʋ hɩɩnɛ. 3Ado tibil na kpɩɛr dɩ ɩnɩ dor thɩ̃ɛ sɩɩ do aa do thɩ̃aˈ, dɩbara a‐n fɩɩl. 4Tɩbɩla fɛʋ bɩɛlbɩɛl n jʋrɛ awɩ thɛthɛɛ thɔ̃ a na hɩnɛ, dɩ mɛ̃ tibil na hana ɔɔ thɛthɛɛ məbida dɩbara, sɩ a na‐n too na barana haanɩda ga; 5gɩdonɩ gɩrɛ telenenɩ tibil, dɔ a na‐n hɩɩn gɛr.
6Dɔ ʋrɛ wɩ‐n dɩɩrnɩ Thãgbaa thɩmɩɩ na‐n bɔna ʋrɛ n dɩrɛɛnɩ na ɔɔ thɩ̃sɔ fɛʋʋkɛ a hananɩ.
Mɔ̃ tibil na khanɩ gɩrɛ a diirni
7Na‐n fɩɩl dɩbara ga; wa‐n ɓoɓoro Thãgbara ga, gɩrɛ tibil n diirni gɛrra a na kha. 8Ʋrɛɛkɛ direni dɩɩ ha mɔ̃kɛ tibili tibil do pa n ƴaalnɩ, tibili tibil do padara a na kha gɩ do kʋɛrɛ, sɩ ʋrɛɛkɛ direni dɩɩ do Thu Phuudaa gɩ, Thu Phuudaara a na kha gɩ do yire khorr. 9Sa‐n do nyɛ̃ɛ n khiir si bɔ cʋʋrɛra ga, gɩdonɩ ado bɔɔ dã sa khar ado sa kɔɔ pɛr dokhʋʋraˈ. 10Mɛ̃ gɩ nɛnɛ̃ bɔɔkɛ sɩ yɩnɩ hʋɛ, sa‐n cʋɛ tɩbɩla fɛʋ bɔɔ, sɩ cacaca wɩrɛ dɔnɩ ha pɛdara.
Mɔ̃ kʋkʋ thɩrʋ donɩ məbi thɩ̃ɛ Polla
11Nɩ hɩnɛ mɛrɛɛ thɛthɛ khera nar sɛbɛ beekɛ gbõgbõo na ɩ̃ nyɛ̃. 12Wɩrɛ n ƴaalɛnɩ i bɔ wer gɩrɛraakɛ tibil yinə n yɩnɩ, wɛr n yɩrana nɩ nɩ kuro khʋ̃ʋ, kɩrʋ dʋɔn kpoore wa‐n ƴaal Kirisitii kʋkʋ thɩrdara ga. 13Gɩdonɩ welela yɛnɩnakɛ khʋ̃ʋ ɩnɩ kur, sɩ wa‐n hɩɩn jɔfʋaˈ, sɩ wɩ‐n ƴaalɛ nɩ kuro khʋ̃ʋ wɩ yɩ hʋɛ wa‐n məbi jɩɩnnaale wɩ pɛ narnɩ tomɩrra. 14Sɩ ado merra wer, thɩ̃ kpɩɩ na hale ma‐n məbironi saagado asɩ Kɔ̃tɩ̃ Jeju Kirisitii kʋkʋ thɩrdara gaaga. Kʋkʋ thɩrʋra dʋɔn gɩrɛ cʋɛnɩ dɩɩ do thɩɩkɛɛda do marɛ thɩ̃ khire dɩ mɛrɛ dakha mɩ khire gɩrɛraakɛ dɔnɩ thɩɩkɛɛda. 15Gɩdonɩ a fɩ kurre khʋ̃ʋ yo, a fa kur khʋ̃a yo, ga‐n cʋʋ thɩ̃aˈ, gɩrɛ dɔnɩ thɩ̃ɛ gɛr dʋɔn tɩɩ pha dʋʋr. 16Wɩrɛ fɛʋʋkɛ na tuonni dɩɩrɛɛkɛ kɛ dɔnɩ Thãgbaa Ɩjɩrayɛlɩda, Thãgba na‐n hana wɩ ha ɩɩ a na‐n dɔna wɩ dakha bʋɔ. 17Nɛnɛ̃ dɩphã tibil na‐n thʋ̃ na pɛ mar nɩwɛra bã, Jejuu i dɔ nɔɔ mɩ ˈlɛrɔnɩ pɔnaakɛ ɩ̃ tomɩra. 18Omɩna wei, asɩ Kɔ̃tɩ̃ Jeju Kirisiti na‐n jɛ nɛrɛ fɛʋ bʋɔra. Amɛn.
Currently Selected:
Galasɩdara 6: LOBIRI
Highlight
Copy
Compare
Share
Want to have your highlights saved across all your devices? Sign up or sign in
Bible Society of Burkino Faso 1985.
