Thãgbaa Thɔ̃thɔnaa Thɔ̃ 24
24
Pol Felɩsɩ gobanɛrɩ ƴɛra
1A wire yemɔɩ ka, Ananɩasɩ gbõdaar pɔr na wɩ̃ kɔ̃tɩ̃sɔ, na kuunikɛ wɩ‐n wenɩ Tɛrtul, kɛ n heenenɩ tɩbɩla sor mɔ̃ awɩ jɔfʋ hanɩ. Dɩ wɩ pɛrɛ Pol sor gobanɛrɩ ƴɛra. 2Dɩ wɩ wer Pol, dɩ pɔ dã dɩ Tɛrtul ma da‐n pɩɛraa sor thakɛ ayɩ:
Felɩsɩ bʋɔ, fɛr n cʋɛ sɩ dɩ sɩ toona ha ie bʋɔ; afɩ kpɛsɛ thɔ̃ɔkɛ fɩ donɩ dɔ nɔɔ dɩ thɩ̃ɛ bir debi dɩphã a bɔr asɩ cara. 3Sɩ‐n fʋɔr fɛr ka gɩrɛ fɛʋraakɛ sɩ‐n ˈlɛnɩ thakɛ paar fɛʋ. 4Sa‐n ƴaal sɩ vɔɔ faˈ, gɛr gɩ sɩ‐n bɩɛl fɛr pɛ sɩ nũu bɔɔ fɩɩʋ gɩrɛraakɛ sɩ hananɩ sɩ so far, gɩdonɩ tɩɩ bʋɔ fɩ do. 5Sɩ yɩrɛ kuunikɛ dɩɩ do khaakhaardaar gɩ; ɔr n ɩrɛna nyanyaanɛ Juifisɔra fɛʋ thɩɩra ɓibi, ɔr dʋɔn dakha kɔ̃tɩn wɩrɛraakɛ dɔnɩ Najarɛtɩdara#24:5 Najarɛtɩdara: Kɩɛr kɩrʋ dʋɔn Najarɛtɩ Jejuu too, i bɩɛl gɩɩkɛ wɩ kɔɔ dʋnɩ caca we gbɛbɩdara. awɩ ƴɛra kpɩɩ. 6Dɩ a kɔɔ ƴaalɛlakɛ dakha a ƴɔ̃ƴɔ̃ɔ Thãgba fʋɔr cɔ kɔ̃tɩ̃ɩ, gɛr gɩ dɩ sɩ fʋʋ. [Dɩ sɩ kɔɔ ƴaalɛla sɩ kɩɩlnaa mɔ̃ asɩ jɔfʋ hanɩ. 7Sɩ Lɩjɩasɩ sɔrasɛɛ sɛfʋ pɔr a taa sar na fãga, 8sa so ɔɔ so pɛdarara wɩ ɩna afɩ ƴɛra.] Fɩ punone bule kuunikɛra dɩbara a jɩɩ jɩ gɩrɛra dɔnɩ kɩrʋ dɩ sɩ pɩɛraa sor. 9Dɩ Juifisɔ kɔɔ ture so pɛrɛɛle aa: Mɛna gɩ ha.
Polɩ so hɛl kɛ̃kɛrɛ̃ɛkɛ a kɛ̃kɛrɛnɩ Felɩsɩɩ ƴɛra
10Dɩ gobanɛr ˈlaa Polla nyɔ̃ɔ a mɩa, dɩ Pol sʋʋraa: Mɩ jɩrɛ dɩ fɛr dʋɔn so kɩɩldaar ga caraakɛ yɛna jɔɔ; gɛr gɩ mɩ hananɛ ˈlar a na mɩɩna ɩ̃ so hɛl kɛ̃kɛrɛ̃ thɩmɩɩ afɩ ƴɛra. 11Jaalɩkɛ mɩ kɔɔ jalnɩ Jerujalɛm a fʋɔr Thãgba, ga ka wire yʋɔr yenyɔaˈ, fɩ punone a jɩ gɩ. 12Sɩ wa kɔɔ yɩ mɩ Thãgba fʋɔr cɔ kɔ̃tɩɩna dɩ ma‐n bana thɩ̃ banaa na tibiləˈ, dɩ wa yɩ mɩ wo dɩ ɩ̃ bɛɛ tibil jɔ Juifisɔɔ Thãgba fʋɔr cɔnanɔ, dɩ le dɩɩra ga. 13Gɩrɛ dɔnɩ kɩrʋ wɩ pɛ marnɩ sor gɩrɛ, wa puno na ti kɩrʋ kpɩɩrakɛ a na nɩna faˈ. 14Ma mʋ̃ faraˈ, asɩ mama thɩ kɔ̃tɩ̃sɔɔ Thãgba mɩ‐n fʋɔr, dɩ ma‐n kpana Kɔ̃tɩnɩ hʋraakɛ wɩ‐n wenɩ sõso hʋɛ, a pɛrna haar gɩrɛ fɛʋraakɛ kherenenɩ Mʋɩjɩɩ jɔfʋra na Thãgbaa bobonasɔɔ sɛbɛra. 15Dɩ mɩ hananɛ nũ pɛrɛ Thãgbara mɔ̃kɛ wɛr thɛthɛ hana gɩnɩ wer, dɩ tɩɩ sara na wɩrɛ na saranaˈ na ɩɩrɛ na the khirera. 16Gɛr dɔ kɩrʋ dɩ ma‐n do bʋɔ bɔɔ fɛʋ, dɩ ma‐n hana kpɩɛrnɔɔkɛ na heene mɩnɩ sor Thãgbaa ƴɛra dɩ tɩbɩlala ga. 17Yɛna jɔɔ kɔɔ kar sɩ ma kɔɔ jal Jerujalɛmaˈ, sɩ bubul mũsumo mɩ gba jalna a ha ɩ̃ too sa ji bonɩɛ Thãgbara.#Th t t 21:17–28 18Dɩ thale wɩ yɩ mɩ Thãgba fʋɔr cɔ kɔ̃tɩɩna ɔbɔɔkɛ mɩ phʋɔlnɩ pɩ, sɩ ga do tɩɩ jɔ wɩ kɔɔ yɩna maˈ, dɩ khʋ̃ɛ na kɔɔ hale dakha woaˈ. 19Ɩkha Juifisɔɔkɛ thɛnɩ Ajɩ, wɛr teana wɩ jɩlɛ afɩ ƴɛra a pɛ mar sor, ado wɩ hana mɛr sor. 20A mɛ̃ gaa, wɛr n sɔ dɩbara gɩrɛɛkɛ wɩ yɩnɩ dɩɩ do dɩ paar, ɔbɔɔkɛ mɩ kɔɔ jɩɩlnɩ so gʋʋrdaraa ƴɛra, 21saagado huleneekɛ dɩbara mɩ kɔɔ huleni awɩ thɩ̃thɩɩn ayɩ, khi ɩɩrɛ dɔ kɩrʋ dɩ wa‐n kɩɩlna mɩ afɩ ƴɛra gɩrɛ nĩ gaaga.#Th t t 23:6
22Dɩ gɩdonɩ Felɩsɩ jɩɛ jɩ bɔɔbɔɔ mɔ̃ Kɔ̃tɩnɩ hʋra n mɩɩnɩ, a so warɛ wɩ tɔɔ, a Lɩjɩasɩ sɔrasɛɛ sɛfʋ ɩ̃ gɛr ɩna gʋʋrɔ awɩ so. 23Dɩ a sor sɔrasɛ tamaa kɔ̃tɩna a na‐n hɩnɛ Pol sɩ a hanaa hʋɛ, dɩ a na‐n pɩɛr dakha ɔɔ too wa‐n pɔ a na buluu na thɩ̃aa ga.
Pol Felɩsɩ na Durusili ƴɛra
24A wire gbe kɔɔ ka, Felɩsɩ pɔr nakha ɔɔ khɛr Durusilikɛ dɔnɩ Juifi, a thɔ̃ a we Pol dɩ pɔ a mɩɩ ha pɛrɛɛkɛ tibil na hananɩ Jeju Kirisitira, dɩ wɩ pɛ nũu. 25Sɩ mɔ̃kɛ Pol n mɩɩnɩ fɩl sardaa, na dɩbara fʋdaa, na Thãgbaa kɩɩlɩkɛ na ɩnanɩ, maar fʋrɛ Felɩsɩ dɩ so aa: Kɔna mɛ̃ nɛnɛ̃; a mɩ yɩ hʋɛ, ma bire na we fɩ. 26A‐n kpɩɛrɛra Pol na ha nɛr war, gɛr gɩ dɩ thɔ̃ tɔ̃tɔ̃tɔ̃ dɩ wɩɩ dɩ wa‐n khʋɛ kha.
27Sɩ a yɛna yenyɔ ka pɩ, Pɔrsiyusi Fɛsɩtusi kɔɔ deere Felɩsɩ. Sɩ gɩdonɩ Felɩsɩ ƴaalɛ ɩnɩ‐n da Juifisɔ haar, gɛr gɩ dɩ sɩrɔ Pol le khaɩra.
Currently Selected:
Thãgbaa Thɔ̃thɔnaa Thɔ̃ 24: LOBIRI
Highlight
Copy
Compare
Share
Want to have your highlights saved across all your devices? Sign up or sign in
Bible Society of Burkino Faso 1985.
