Thãgbaa Thɔ̃thɔnaa Thɔ̃ 23
23
1Sɩ Pol na‐n hɩɩn so gʋʋrdara kirkirkir sa so: Omɩna, ɩ̃ fɩlɩkɛ mɩ hananɩ Thãgbaa ƴɛra a dana nɛnɛ̃kɛ na hana sɩ paaraˈ. 2Dɩ Ananɩasɩ gbõdaar so wɩrɛraakɛ wɔrɔnɛɛnɩ aa, wɩ bɩɛ nʋɔra. 3Dɩ Pol sʋʋraa: Thãgba na be fer, fɛrkɛ hɔnɩ go biseekɛ wɩ calnɩ mɩlɛ. Fɩ ka toore fa‐n kɩɩlna mɩ mɔ̃ jɔfʋ sonɩ, sɩɩ do jɔfʋ fɩ ka fa‐n kʋɛ a ˈlaa hʋɛ wɩ bɛ mɩ.#Mat 23:27–28 4Dɩ wɩrɛ wɔrɔnaanɩ sʋʋraa: Thãgbaa gbõdaar fɩ nɩɩrɩɩ? 5Dɩ Pol so: Omɩna, ma kɔɔ jɩ dɩ gbõdaar ga, gɩdonɩ gɩ kherere Thãgbaa sɛbɛra ayɩ: Fa‐n mɩɩ puure afɩ tibilsɔɔ kɔ̃tɩna ga.#Thɩɩ 22:28
Gɩrɛ Pol hananɩ da‐n wena jɔfʋ bʋ dʋdarasɔ na Sadʋsɛ̃ɛsɔ
6Mɔ̃ Pol jɩnɩ dɩ tɩɩ jɔɔle wɩrɛ n yɛnɩ khi ɩɩrɛ na halaˈ har kho bɩɛl, jɔfʋ bʋ dʋdara kho bɩɛl, a hulene so gʋʋrdaraa thɩ̃thɩɩn aa: Omɩna, jɔfʋ bʋ dʋdaar ha mɩ, dɩ jɔfʋ bʋ dʋdara kɔna mɩ, nũu pɛrɛɛkɛ mɩ hananɩ khi ɩɩrɛra dɔ kɩrʋ dɩ wa‐n kɩɩlna mɩ gɩrɛ.#Th t t 26:5; Fili 3:5 7Ɔbɔɔkɛ a sonɩ gele, thɩ̃ banaa kɔɔ ɩɩrɛ jɔfʋ bʋ dʋdarara na wɩrɛraakɛ n yɛnɩ khi ɩɩrɛ na halaˈ, dɩ tibil jɔɔle lee kha. 8Gɩdonɩ Sadʋsɛ̃ɛsɔ n yɩ: Khi ɩɩrɛ na hale, dɩ thɔ̃thɔ̃daar thu gɩ, dɩ thue ga; sɩɩ do jɔfʋ bʋ dʋdara wer n ture gelela fɛʋ.#Mat 22:23; Mar 12:18; Lu 20:27 9Dɩ khʋ̃ɛ ɩɩr dakɔ̃tɩ̃ɩ, dɩ ɩkhaa jɔfʋ dɩɩrdaraakɛ dɔnɩ bɩɛl na jɔfʋ bʋ dʋdara ɩɩrɛ, a lã dɩɩ khɩɩr ka sa yɩ: Sa yɩ puure kuunnaakaˈ; agakpaana gɩ do thue, agɩbo thɔ̃thɔ̃daar thu kɔɔ mɩanaa. 10Dɩ mɔ̃kɛ khʋ̃ɛ bonɩ dɩ a‐n pɛr, maar fʋrɛ sɔrasɛɛ sɛfʋ dɩ kpɩɛr agakpaana tɩbɩlaale na cɛcɛbɛrɛ Pol. Dɩ a sor sɔrasɛra wɩ jala a taa Pol awɩ thɩ̃thɩɩn a lonanaa sɔrasɛɛ cɔ.
Kɔ̃tɩn kɔɔ ther Polla dɩtɩnɔ
11Ga dɩtɩnɔɔlera, Kɔ̃tɩn pɔr a jɩɩl Pol gɛllɔ sa sʋʋraa: Pɩɛr ˈlar, gɩdonɩ mɔ̃kɛ fɩ mɩɩnɩ ɩ̃ sobɔ so jɩ thɩmɩɩr Jerujalɛm dɔ fɩ mɩɩ gɩ mɛ̃ dakha Rɔm dɩɩra.
Mɔ̃ Juifisɔ kɔɔ gʋʋrnɩ sɩ wɩ kʋ Pol
12Ɔbɔɔkɛ dɩɩ wɩlnɩ, Juifisɔ n gʋʋrɛ kha sɩ wɩ nɔ Pol a ʋlfɛ awɩbara ayɩ, dɩkor na lõ nɩ nɔɔ dɩ nyʋɔn ga phaphapha ɩnɩ‐n kʋʋ. 13Wɩrɛ kɔɔ gʋʋrɛnɩ kha wɩ nʋɔ, wɩ kar tɩbɩla kpalanyɔra; 14dɩ wɩ jaal a yɩ bonɩ jidaar kɔ̃tɩna na kɔ̃tɩnasɔ a so war: Sɩ ʋlfɛrɛ ʋlfɛrɛ a pɛ asɩbara ayɩ: Dɩkor na lõ sɩ nɔaˈ phaphapha sɩ kʋ Pol. 15Gɛr gɩ nɛrɛ dakha nɛnɛ̃kɛ, nɩ dɔ bɩɛl na so gʋʋrdara sa so sɔrasɛɛ sɛfʋra a kpaa a ɛna anɩ ƴɛra, gɩ ho nɩ‐n jɩɛ ƴaal nɩ gʋʋr ɔɔ sora bɔɔbɔɔ; sɩ sɛrɛ, sɩ gbɛbɩrɛ pɩ sɩ kʋʋ sɩ a na dã kɛ paˈ.
16Sɩ Polɩ õkhɛrɩ bikuun kɔɔ nɩɛrɛ mɔ̃ wɩ gʋʋrnɩ sɩ wɩ nʋɔ, a jal sɔrasɛɛ cɔ a lõ a so Polla. 17Dɩ Pol we sɔrasɛ tamaa kɔ̃tɩ̃ bɩɛl a sʋʋraa: Kpa daɓolbirikɛ a jalana sɔrasɛɛ sɛfʋra, gɩdonɩ a hananɛ thɩ̃ɛ a na sʋʋraa. 18Dɩ sɔrasɛ tamaa kɔ̃tɩ̃ kpa daɓolbirile a jalna sɔrasɛɛ sɛfʋra a sʋʋraa: Pol khaɩdaar kɔɔ we mer a bɩɛl mɩ ɩ̃ kpa daɓolbirikɛ a ɛna far aa: A hananɛ thɩ̃ɛ a na so far. 19Dɩ sɔrasɛɛ sɛfʋʋle fʋ daɓolbirile nyɔ̃ɔ a kpaa kana pa kpɩɩ, a bulee: Anye fɩ hana dɩ fa‐n so mar? 20Dɩ birsee: Juifisɔ kɔɔ gʋʋrɛ kha, sɩ ɩnɩ‐n bɩɛl fɩ fɩ kpa Pol fɩ pɔna cʋɔ so gʋʋrdaraa ƴɛra, gɩ ho thɩ̃ɛ fɩ‐n ƴaal fɩ jɩɩ bulee bɔɔbɔɔ. 21Fa‐n pɛ wɩ nũəˈ, gɩdonɩ tɩbɩla kpalanyɔ na dɛbɩrɛ awɩ thɩ̃thɩɩn nɔr dɩ wa‐n pɩɛrʋʋ; wɩ kɔɔ ʋlfɛrɛ a pɛ awɩbara ayɩ, dɩkor na lõ nɩ nɔɔ dɩ nyʋɔn ga phaphapha ɩnɩ‐n kʋ Pol; wɩ gbɛbɩrɛ gɩrɛ pɩ sɩɩ do afɩ tuur wɩ‐n pɛ nũu. 22Dɩ sɔrasɛɛ sɛfʋ faa daɓolbirile a kɔna sa sʋʋraa, a na‐n so tibillə dɩ a mɩɛ nɛr thɩ̃ɛɛlaˈ.
Wɩ jalnanɛ Pol Felɩsɩɩ ƴɛra
23Dɩ le sɔrasɛɛ sɛfʋ we sɔrasɛ tamaa kɔ̃tɩ̃sɔ yenyɔ a so war ayɩ: Nɩ gbɛbɩrɛ a te sɔrasɛ taanyɔ, na sɔrasɩ gãgodara kpalãther yʋɔr, na kpɩladara taanyɔ, nɩ jal Sejare phɩɩn bɔɔ. 24A sor, wɩ hana Pol dakha gãgʋʋsɔɔkɛ a na jʋʋnnɩ, wɩ kpaa pɔlpɔlpɔl wɩ jalna Felɩsɩ gobanɛrɩ pa. 25Dɩ a kherere sɛbɛ thakɛ ayɩ:
26Mɛr, Kʋloodɩ Lɩjɩasɩ khera sɛbɛɛkɛ fɛr Felɩsɩ gobanɛr bʋɔra, dɩ ma‐n ha fɩ fʋɔrɛ. 27Kuunikɛ Juifisɔ fʋɔnɛɛ wɩ kʋra, sɩɩ do mɩ pɔnanɛ sɔrasɛsɔ a tagʋʋ na pɩ gɩdonɩ mɩ kɔɔ nɩɛrɛ Rɔmɛ̃ a do. 28Dɩ mɩ kɔɔ ƴaalɛ ɩ̃ jɩ gɩrɛ dɔnɩ kɩrʋ dɩ wɩ pɩɛraa sor; gɛr gɩ dɩ ɩ̃ kpaa a jalna awɩ so gʋʋrdarasɔɔ ƴɛra. 29Dɩ le mɩ yɩɛ dɩɩ do sorɩkɛ wɩ‐n pɩɛraanɩ, awɩ jɔfʋ gɩ‐n hɩɩn, sɩɩ do aa cʋʋ thɩ̃ bɩɛllakɛ kɛ teananɩ khir dɩ khaɩ tʋʋr ga. 30Mɩ kɔɔ nɩɛrɛ dakha dɩ Juifisɔ kɔɔ gʋʋrɛ kha sɩ wɩ nʋɔ; gɛr gɩ dɩ ɩ̃ thɔnaa dapaara sa so ɔɔ so pɛdarara wɩ pɔ far le a pɩɛraa sorra. Nɩ tɔɔ bɔɔ.
31Mɛ̃ sɔrasɛsɔ kpa Pol dɩtɩnɔ a jalna Ãtɩpatɩrɩsɩ mɔ̃kɛ wɩ kɔɔ so warnɩ. 32A dɩɩ wɩl, wɩ sɩrɛ sɔrasɩ gãgodarara wɩ kpaa jalana, sa kɛr bir sɔrasɛɛ cɔ. 33Dɩ ɔbɔɔkɛ sɔrasɩ gãgodara danɩ Sejare, wɩ gbaar sɛbɛɛle a ha gobanɛr a kpana Pol dakha a haa. 34Dɩ ɔbɔɔkɛ gobanɛr hɩɩnnɩ sɛbɛɛle pɩ, a bulele Pol dɩ ʋrɛra a thenɩ; dɩ ɔbɔɔkɛ a jɩnɩ dɩɩ do Silisi a the, 35a sʋʋraarɛ ayɩ: Ado afɩ so pɛdarasɔ ɩ̃, gɛr ma bule far thɩ̃ɛ. Sɩ a sor wa‐n hɩnɛɛ Ɛrɔɔdɩɩ cɔ kɔ̃tɩna.
Currently Selected:
Thãgbaa Thɔ̃thɔnaa Thɔ̃ 23: LOBIRI
Highlight
Copy
Compare
Share
Want to have your highlights saved across all your devices? Sign up or sign in
Bible Society of Burkino Faso 1985.
