Korɛ̃tɩdara 9
9
Mɔ̃ Thãgba n nanɩ wɩrɛ n ˈlaanɛnɩ na daʋ
1Ado gɩrɛraakɛ dɔnɩ tɩɩ phuusɔɔ bul thɔ̃ gɩ, ma laar ˈlo na khere nar sɛbaˈ. 2Gɩdonɩ mɩ jɩrɛ anɩ ƴaal bɔ, dɩ gɛr mɩ‐n məbiro anɩdara Masedʋandaraa thɩ̃thɩɩn a so war ayɩ: Akaɩdara kɔɔ gbɛbɩrɛ pɩ kɛkɛkɛ ƴakhɛrɔ. Dɩ anɩ gbɛ̃gbɛrɛna kɔɔ jaa tibil jɔjʋɔ. 3Mɩ‐n thʋɔn omɩna dɩ mɛ̃ anɩdaakɛ mɩ‐n məbironi gelelala na do mɔlɔaˈ, dɩ dakha wɩ yɩ nɩ nɩ gbɛbɩrɩ nɩ pɩ mɔna mɩ kɔɔ sonɩ. 4Ado mɛ̃ ga, sɩ dɩ sɩ pɔ kha na Masedʋandara dɩ na gbɛbɩ a paˈ, ga dor mɔ̃ sɩ yɩnɩ sɩ jɩrɛ anɩ ti, na dor asɩ yicur na anɩda. 5Mɩ kɔɔ kpɩɛrɛ gɩ bɔrɛ gɛr gɩ dɩ ɩ̃ kɔɔ bɩɛl omɩna wɩ kʋʋl nɩ ƴɩɛ wɩ pɔ anɩ pa, wɩ kɔɔ gbɛbɩ ha bulo khaardaakɛ nɩ kɔɔ ˈlini sor na ˈlaarɛ; mɩ‐n ƴaalɛ gɩ dɔ ha bulo khaardaa ga‐n ho bɩ̃ puudaa ga.
6Nɩ jɛ ʋrɛ direni fɩɩʋ, fɩɩʋra a na kha, sɩ ʋrɛ direni jɔɔ, jɔɔra a na kha. 7Tɩbɩla fɛʋ bɩɛlbɩɛl na‐n ˈlaanɛ mɔ̃ ntɛɛ bɩ̃ kpɩɛr hanɩ, wa‐n ˈlaa na gbobiraˈ, ga‐n ho tɔ pɛr gɩ woaˈ; gɩdonɩ Thãgba n nar ʋrɛɛkɛ n ˈlaanɛnɩ na kãkar. 8Thãgba hananɛ punone a na bɔna nɩ na bɔna caar fɛʋ dɩɩdɩɩ, dɩ mɛ̃ na‐n hana wire fɛʋ gɩrɛ fɛʋʋkɛ na‐n dana nɩnɩ, na hana gɛr dɩ a jɔr na ka, na‐n cʋʋna thɔ̃ bʋɔ fɛʋ, 9mɔ̃kɛ gɩ kherenɩ Thãgbaa sɛbɛra ayɩ:
“Ha bulole a‐n ˈlaana khaardaa jɔɔ bɔdarara,
ɔɔ fɩl sar khorr gɩ too.”#Khɩ 112:9
10Ʋrɛ n ˈlaanɛnɩ be bi jaldaarra na dɩkɔ a khɔ, ɔr na ˈlaanɛ be na ha nɩ dɩ a dɛbɩrɔ, dɩ ɔr na cʋɛ dɩ ha bulo be na se nar ga‐n pɛr.#Eja 55:10 11Dɩ mɔ̃ nɩ hananɩ thɩ̃ɛ jɔɔ na punone na‐n ˈlaa thɩ̃ɛ na ha bulole, dɩ anɩ khaardasɔɔkɛra sɩ‐n ˈlaanɩ ga ˈlaarɛ Thãgba khɩɩrɛ. 12Gɩdonɩ bul thɩ̃ɛɛkɛra n ˈlaanɛnɩ, ga do tɩɩ phuusɔ gɩ‐n bul thɩ̃ ɓɔrɛra dɩbara ga, sɩ dakha ga tɔr Thãgba khɩɩrɛ jɔɔ ga‐n pɛr. 13Ga bul thɔ̃ɔkɛ n nɛna mɔ̃ nɩ hanɩ, dɩ wa‐n khɩɩ Thãgba anɩ nũ nɩra mɔ̃kɛ nɩ tuni Kirisitii tutugo bɔ thɩmɩɩ, na ha bulo thɩ̃ ˈlaarɛraakɛra n nɛnanɩ anɩ kũu bɩnɔ do na wɛr, na tɩbɩla fɛʋ. 14Dɩ wɩ‐n bɩɛlɛ Thãgba dɩ wa‐n pɛ nar gɩdonɩ nɩ lõ wer haar, dɩɩ the bɔ jɩɩrraakɛ thʋnanɩ kar, kɛ Thãgba jɩ nɩnɩ. 15Thãgba hɩna khɩɩrɛ ɔɔ khaardaraakɛ na hanɩ mɩɛrɛra ga.
Currently Selected:
Korɛ̃tɩdara 9: LOBIRI
Highlight
Copy
Compare
Share
Want to have your highlights saved across all your devices? Sign up or sign in
Bible Society of Burkino Faso 1985.
