Korɛ̃tɩdara 8
8
Khaarda ˈlaarɛ na haar
1Omɩna, sɩ cʋʋ nɛr nɩ jɛna Thãgbaa bɔ jɩɩkɛ yɩranɩ Masedʋan we gbɛbɩdaraa thɩ̃thɩɩn.#Rɔm 15:26 2Bɔ gaarɛɛ mɩɛ kɔ̃tɩnaakɛ wɩ kɔɔ hanɩ, awɩ daakɛ jʋɔnɔnɩ na awɩ bɔdaar do phuphuphul, pɛ warɛ ha bulo thɩ̃ ˈlaarɛ dɩɩ kãasɩ. 3Mɩ punone so wɩ kɔɔ ˈlaarɛ na haar kpẽgelẽ mɔ̃ awɩ puno hanɩ, wɩ kɔɔ ˈlaarɛrakɛ dɩɩ ka jɔ mɔ̃ awɩ puno hanɩ. 4Wɩ kɔɔ bɩɛl sɛr na haar fɛʋ aa, hʋɛ n hanale ɩnɩ‐n puno iner ɩnɩ‐n har tɩɩ phuusɔɔ bul thɔnana. 5Wɩ kɔɔ cʋʋrɛ dɩɩ jɔ gɩrɛ sɩ kanɩ kɔɔ kpɩɛr, sɩ awɩbara wɩ kɔɔ faa a ha Kɔ̃tɩn ɓo, dɩ mɔ̃kɛ Thãgba tuni wɩ kɔɔ faa awɩbara dakha a ha sɩ. 6Gɛr gɩ sɩ kɔɔ bɩɛlɛ Tɩtɩ dɩ na pɩɩr anɩ pa ga ha bulo thɔ̃ caale mɔ̃kɛ a kɔɔ ɩɩrna gɩnɩ.
7Mɔ̃kɛ gɩdonɩ thɩɛna fɛʋ nɛr n jɔ, ha pɛrɛra, thɩmɩɩrra, jɩɩrra, na pərre dɩɩdɩɩra fɛʋ, na anɩ naʋraakɛ thɛnɩ asɩ pa, ɔmɛ̃ nɩ dɔ wɩrɛ na jɔnɩ ga ha bulo thɔ̃ caraale. 8Mɩ sonɩ thakɛ ga do jɔfʋ mɩ‐n pɛ naraˈ, sɩ ɩkhasɔɔ pər mɩ gba a bena nɩ bɩnɛ dɩ ma‐n hɩɩn ado anɩ naʋra sobɔr gɩ do. 9Gɩdonɩ nɩ jɩrɛ asɩ Kɔ̃tɩ̃ Jeju Kirisitii bɔ jɩ, mɔ̃ a kɔɔ donɩ lẽledaar sa tu a do bɔdaar anɩ sora, dɩ ɔɔ bɔdaar dora na cʋɛ nɩ dɩ na le. 10Ɩ̃ kpɩɛrnɔ mɩ ha nɩ dɩbara dɔrɔɔm gɩdonɩ gɩ teere kha, gɩdonɩ a fʋna ƴakhɛrɔ nɛr kɔɔ kʋlɛ ƴɩɛ, ga do thɔ̃ cʋʋrɛra dɩbara ga, sɩ ƴaalɛla dakha. 11Gɛr gɩ nɩ pɩrɛ gɩrɛra nɩ kɔɔ cʋʋnɩ, dɩ mɔ̃kɛ nɩ kɔɔ gʋʋrnɩ na haar fɛʋ gɩ hana, nɩ cʋɛ gɩ gɩ pɩ mɔ̃kɛ anɩ puno hanɩ. 12Ado tibil ˈlaa thɩ̃ɛ na haar fɛʋ mɔ̃ ɔɔ puno hanɩ, gɛr n da Thãgba haar, sɩ ga do gɩrɛ ntɛ na hananaa wɩ soaa dɛ. 13Ga do dɩ ga pɛ nar bʋɔ sɩ gɩ ba ɩkhasɔra ga, sɩ gɩ cʋʋ thɩ̃ɛ gɩ mãkha kha. 14Nɛnɛ̃ bɔɔkɛ anɩ thɩ̃ jɔ hana n bulle awɩ thɩ̃ ɓɔr, dɩ mɛ̃ dakha awɩ thɩ̃ jɔ hana na bul anɩ thɩ̃ ɓɔr, dɩ mɛ̃ mãkhar na hale, 15mɔ̃kɛ gɩ kherenɩ Thãgbaa sɛbɛra ayɩ: “Ʋrɛɛkɛ kɔɔ khɩanɩ jɔɔ na hana thɩ̃ɛ dɩɩ karaˈ, dɩ ʋrɛɛkɛ kɔɔ khɩanɩ gbe thɩ̃ɛ na ɓɔrʋaˈ.”#Thɩɩ 16:18
16Thãgba hɩna fʋɔrɛ, gɩrɛraakɛ a kɔɔ pɛrnɩ Tɩtɩɩ hara dɩ hana nar ga pər ca bɩɛlɩkɛra. 17Gɩdonɩ a ture asɩ bɩɛl, sɩ ɔɔ ƴaalla gɩ kɔɔ therakɛ mɔ̃ a‐n pərni jɔɔ ka dɩ a na pɔ le na yɩ nɩ. 18Sɩ‐n thɔnaanɛ kha omineekɛ hananɩ i bʋɔ we gbɛbɩdara fɛʋʋ thɩ̃thɩɩn tutugo bʋɔɔ thɩmɩɩra. 19Wo, we gbɛbɩdara kɔɔ phiiruure a dɔ asɩ kpakpaar ga ha bulo thɔ̃ cʋʋraakɛra sɩ‐n cʋʋnɩ, ga‐n dʋba Kɔ̃tɩnɩ thɛthɛɛ i, ga‐n nɩnana dakha mɔ̃ asɩ ƴaal bɔ hanɩ. 20Gɩdonɩ sa ƴaal tibil n pɛ sar sor mũsũ jɔraakɛ wɩ dʋ sɩnɩ nyɔ̃kɔaˈ. 21Gɩdonɩ sɩ‐n ƴaalɛ gɩrɛ bʋɔnɔnɩ, ga do Kɔ̃tɩnɩ ƴɛra dɩbara ga, sɩ dakha tɩbɩlaa ƴɛra.#Sokp 3:4 22Sɩ‐n thɔna wɛr dakha asɩ omi ʋrɛ sɩ kɔɔ jɩɩnɩ jʋʋr ɔɔ pər thɩ̃ɛ dɩɩdɩɩra a hɩɩn, kɛ n nɛnanɩ nɛnɛ̃kɛ dakha mɔ̃ ɔɔ pərra jɔɔ hanɩ, dɩɩ the ha pɛrɛraakɛ a hananɩ nɛrɛra. 23Sɩ ado Tɩtɩ gɩ, ɔr dʋɔn ɩ̃ bubul na ʋrɛ sɩ‐n donanɩ kha thɔma anɩ pa. Sɩ ado asɩ omisɔ wɛ, we gbɛbɩdaraa thɔ̃thɔna ha wɩ na Kirisitii i dʋbɩdara. 24Dɩ gɛr gɩ nɩ nɛna wɩ we gbɛbɩdaraa ƴɛra mɔ̃ anɩ naʋ hanɩ, na hʋɛɛkɛ sɩ kɔɔ hananɩ anɩdara dɩ sa‐n məbi.
Currently Selected:
Korɛ̃tɩdara 8: LOBIRI
Highlight
Copy
Compare
Share
Want to have your highlights saved across all your devices? Sign up or sign in
Bible Society of Burkino Faso 1985.
