Korɛ̃tɩdara 10
10
Mɔ̃ Pol lanɩ gɩrɛraakɛ wɩ‐n mɩɩraanɩ
1Mɛr Pol, mɩ‐n phʋʋr nɛr na hɛlɛlɛ fɩlɛ na bɩ̃ bʋɔraakɛ dɔnɩ Kirisitiida, mɛrkɛ n hanɩ hɛlɛlɛ a mɩ ha anɩ thɩ̃thɩɩn, sɩ a mɩ hʋnɔ ma‐n ˈla nɩ kpãkpalã ga. 2Mɩ‐n ƴɛɛ nɛr dɩ na‐n do ɔbɔɔkɛ ma hanɩ anɩ pa, ma ɩɩrna narɛ ˈlarɩkɛ mɩ hananɩ a kpɩɛr ma ɩɩrnanɛ ɩkhasɔraakɛ n kpɩɛrɛnɩ aa, mɔ̃kɛ tibili tibil do pa hanɩ sɩ‐n ɩɩraˈ. 3Tibil sɩ do wer, sɩ ga do mɔ̃kɛ tibili tibil do pa hanɩ sɩ‐n kɛ̃kɛrãˈ. 4Gɩdonɩ ko ke thɩ̃ɛsɔɔkɛ sɩ‐n kɛ̃kɛrɛnanɩ ga do tibildaa ga, sɩ Thãgba dɔ nɔɔ dɩɩ hana fãga ka, a na puno gɩrɛ na dɔnɩ datutugonaa ga a na wɩɛl. Sɩ‐n bũburonanɛ mɔlɔ kpɩɛrɛsɔ, 5na gɩrɛ fɛʋʋkɛ n ɩrɛnɩ na gũ tir dɩ a‐n kɛ̃kɛrɛna Thãgba jɩɩr, sɩ‐n fʋrɛ kpɩɛrɛ fɛʋ dɩ sɩ khɩmɩnɔ ga‐n nɛ Kirisiti nũu. 6Sɩ gbɛbɩrɛ pɩ dɩ sa heen nũ nʋra sor ɔbɔɔkɛ anɩ nũ nɩ danɩ.
7Nɩ hɩnɛ mɔ̃ thɩ̃ɛ hanɩ. A tibil n kpɩɛrɛ Kirisitiida ɩnɩ do, dɔ a bir a kpɩɛr ɔɔ bɩnɔ a hɩɩn, mɔ̃ a donɩ Kirisitiida, sɛrɛ dakha Kirisitiida sɩ do ser. 8Gɩdonɩ adorakɛ ma məbire dɩ a kãasɩ gbe hʋ hananɛnaakɛ Kɔ̃tɩn kɔɔ ha sɩnɩ, gɩ cʋʋ nɩ nɩ khɔ̃ na‐n pɛr ga do gɩ kʋɛ naˈ, yicuru na fʋ maˈ. 9Ga do mɩ‐n ƴaalɛ ɩ̃ ho mɩ‐n phərə ner na ɩ̃ sɛbaˈ. 10Wɩ‐n sor dɩ wɩ yɩ, ɔɔ sɛbɛ khɩɩrɛ ka, ga‐n gɔ kpãkpalã ga, sɩ a fɩ yɩ ɔɔ thɛthɛ, sʋmʋmʋ̃ a ha dɩ ɔɔ nɔ thɩmɩɩ mɔlɔ thɩmɩa yɛ. 11Dɔ ntɛɛle n mɩanɩ thale n jɩ: Mɔ̃ asɩ thɩmɩɩ n hanɩ sɛbɛra ado sa halaˈ, mɛ̃ dakha asɩ thɩ̃ cʋʋ n ha ado sɩ hale.
12Sa ˈla na gba asɩbara na mɩɛna tibil ɩkhasɔɔkɛ n kpãganɛnɩ dɩbara ga, agɩbo sɩ yɩ sɩ jɛ ʋrɛ jɔnaˈ, mɔ̃ wɩ‐n mɩɛnɩ dɩbara na awɩ mɩɛda awɩ ha wɩ jɩ ʋrɛ jɔnɩ, fɩlɛ ɓɔra wɩ. 13Sɩ sɛrɛ, asɩ məbi na kãasɩ gɩrɛraakɛ sɩ kɔɔ cʋʋnaˈ, sɩ ka Thãgba yɩnɩ sɩ dɔ asɩ thɔ̃ kho, le sɩ khu, dɩ anɩ pa gɩ khu. 14Sa‐n kãasɩ asɩ pɛlaˈ, gɩ ho sa kɔɔ pɔ a dã anɩ pa gaaga, gɩdonɩ sɛr dɔ wɩrɛ kɔɔ dana nɩnɩ waa gel na Kirisitii tutugo bʋɔ. 15Asɩ məbi na kãasɩ gɩrɛraakɛ sɩ cʋʋnaˈ, dɩ sa məbi haanɩ thɔna ga, sɩ sɩ hananɛ nũ pɛrɛ anɩ ha pɛ n khɔna pɩɛr, sɩ yɩ hʋɛ asɩ thɔ̃ pɛl n tɔ gɩ pɛr, 16dɩ sa mɩɩ tutugo bʋɔ anɩ billo, sɩ sa too sa‐n məbi thɔmanaakɛ ʋkha kɔɔ ˈlini cʋʋraˈ, gɩ ha mɔna gɩ kherenɩ Thãgbaa sɛbɛra ayɩ: 17“Dɔ ʋrɛ n məbəni, a na‐n məbi gɩrɛraakɛ Kɔ̃tɩn cʋʋnɩ.”#Jer 9:24 18Gɩdonɩ ga do ʋrɛ n kpãganɛnɩ dɩbara ɔr wɩ‐n we tibiləˈ, sɩ ʋrɛ Kɔ̃tɩn n kpãganɩ gɩ.
Currently Selected:
Korɛ̃tɩdara 10: LOBIRI
Highlight
Copy
Compare
Share
Want to have your highlights saved across all your devices? Sign up or sign in
Bible Society of Burkino Faso 1985.
