Korɛ̃tɩdara 7
7
1Nɛrɛɛkɛ mɩ‐n nanɩ, mɔ̃kɛ sɩ hananɩ ʋlfɛ ca gɩrɛ, sɩ phʋɔlɛ khorr gɩrɛ fɛʋʋkɛ n biseneni tomɩr na thue, a na bãbanɛ na asɩ kpɩɩ lee Thãgba maarra.
Daʋʋkɛ Pol hananɩ nɩwɛɛ thɩ̃thɩɩn
2Nɩ tea sɩ na haar. Sa dɩ tibillə ga, sa kʋɛ tibiləˈ, sa phʋʋn tibil woaˈ. 3Ga do sor mɩ‐n heen nɩ mɩ mɩɩnɩ thakaa koe. Gɩdonɩ mɩ kɔɔ ˈlire sor ayɩ: Sɩ fʋ nɛr na haar, a sɩ har kha kɛ na yire, a sɩ‐n khire kha. 4Mɩ hana narɛ ha pɛrɛ jɔɔ ka. Mɩ hananɛ məbidaa ka nɛrɛra, ha yɔllɛ ha marɛ vʋ̃ʋ, daʋ thʋnɛ ka mar asɩ bɔ gaar fɛʋʋ thɩ̃thɩɩn. 5Gɩdonɩ a fʋna bɔɔkɛ sɩ kɔɔ danɩ Masedʋan sa kɔɔ yɩ hɩɩrɛ fɩɩʋrakaˈ, sɩ sɩ kɔɔ gaarɛ bʋɔ thɩ̃ɛ dɩɩdɩɩra. Kɛ̃kɛrɛnɛ jɩɛra, maar bɩnɔ.#2 Kor 2:13 6Sɩ Thãgbaakɛ n cʋɛnɩ wɩrɛ kpɩɛrɛ nyanyaanɩ dɩ wa‐n faa haar, ɔr kɔɔ cʋɛ dɩ Tɩtɩɩ ɩ̃ do nɔɔ dɩ sɩ faa haar. 7Sɩrakɛ ga do ɔɔ ɩ̃ɩle dɔ nɔɔ dɩbara ga, sɩ gɩdonɩ Tɩtɩɩ thɛthɛ ˈlɛr ha faarɛ anɩdara, a mɩɛ sɛr mɔ̃ nɩ‐n ƴaal mɩnɩ ka, a mɩɛna anɩ gbobi, na mɔ̃ anɩ gbɛ̃gbɛrɛ̃ mɛrɛra hanɩ, dɩ mɛ̃ daʋ fʋ mɩ dɩphã waa a ka.
8Sɩrakɛ ɩ̃ sɛbɛ cʋʋ nɩnɩ dɩ nɩ gbobi sɩ ma so a ma jaˈ, gɩdonɩ mɩ yɩɛrɛ dɩ sɛbɛɛle cʋʋ nɛr dɩ nɩ gbobi, sɩ bɔɔ gbe gɩ. 9Dɩ adorakɛ mɩ kɔɔ sor a ma jɩ, sɩ nɛnɛ̃kɛ gɩ da marɛ, ga do gɩdonɩ nɩ gbobire ga, sɩ gɩdonɩ anɩ gbobi thɔɔ nɛr pɛ ha debirera. Gɩdonɩ mɔ̃ Thãgba ƴaalnɩ nɩ kɔɔ gbobi, dɩ mɛ̃ ga do sɛr pɛ nar ga soole fɩɩʋrakaˈ. 10Gɩdonɩ gbobire mɔ̃ Thãgba tuni n ɩnanɛ ha debire, kɛ n thɔɔnɩ tibil dɩ pɛ taarɛra, dɩ ha debi ca ole na hana tibil n soro a ma jaˈ; sɩ gbobireekɛ dɔnɩ thɩdaa khir gɩ‐n ɩna. 11Gbobi ca ʋrɛ hanɩ mɔ̃ Thãgba tuni, nɩ hɩnɛ gɩrɛ gɩ cʋʋ narnɩ ɓoɓo dɩ nɩ pər waa gel, na mɔ̃ nɩ gbuuni thɩmɩɩrraale yʋʋ, na mɔ̃ gɩ hel nɩnɩ haar, na mɔ̃ maar fʋ nɩnɩ, na mɔ̃ anɩ ƴaal kɔ̃tɩ̃ hanɩ, na mɔ̃ anɩ gbɛ̃gbɛrɛ̃ hanɩ, na mɔ̃ anɩ thɩ̃ naar hanɩ. Dɩ thɩ̃ɛ fɛʋraakɛ nɩ nɩna dɩ na hana dɩɩ thɩmɩɩrraalaˈ.
12Ado mɩ kɔɔ khere narɛ ga do ʋrɛ cʋɛnɩ puureele, agɩbo dɩ ʋrɛ wɩ cʋʋrɔnɩ puureele mɩ khereroaˈ, sɩ gɩ do nɔɔ nɩ jɩ anɩbara Thãgbaa ƴɛra mɔ̃ anɩ pər sɛrɛra hanɩ. 13Gɛr dɔ kɩrʋ dɩ sɩ kɔɔ faa haar; sɩ asɩ ha faarara kãkar n pɛrɛ jɔɔ, dɩɩ the daʋraakɛ kɔɔ fɔnɩ Tɩtɩ, gɩdonɩ nɛrɛ fɛʋ kɔɔ cʋgʋʋrɛ dɩ daʋ fʋʋ. 14Sɩ ado anɩda dɩkha kɔɔ dor nɔɔ dɩ ɩ̃ məbiro Tɩtɩɩ ƴɛra, yicuru na kɔɔ fʋ maˈ, gɩdonɩ mɔ̃kɛ thɩ̃ɛ fɛʋʋkɛ sɩ kɔɔ mɩɩ nɩnɩ donɩ sobɔr, mɛ̃ asɩ məbi Tɩtɩɩ ƴɛra ha, dɩ sobɔrra wɩ yɩ gɩ dɩɩ do. 15Naʋʋkɛ a hananɩ nɛrɛra n pɛrɛ jɔɔ, mɔ̃ a‐n jɩnanɩ nɛrɛ fɛʋʋ nũ nɩ, na teereekɛ nɩ kɔɔ teguuni na maar na jẽu. 16Gɩ da marɛ mɔ̃ mɩ hana narnɩ tu jɩɩr thɩ̃ɛ fɛʋra.
Currently Selected:
Korɛ̃tɩdara 7: LOBIRI
Highlight
Copy
Compare
Share
Want to have your highlights saved across all your devices? Sign up or sign in
Bible Society of Burkino Faso 1985.
