Korɛ̃tɩdara 6
6
1Dɩ mɔ̃kɛ sɩ‐n donɩ kha thɔma na Thãgba, sɩ‐n phʋʋr nɛr dɩ na‐n do Thãgbaa bɔ jɩ na do nar thɩ̃aa ga. 2Gɩdonɩ a sor ayɩ:
“Bɔɔkɛ gɩ teenɩ kha
mɩ kɔɔ pɛ fɛr nũu,
tataa wire
mɩ kɔɔ bul fer.”
Hɩnɛ, nɛnɛ̃ dʋɔn bɔɔkɛ gɩ teenɩ kha. Hɩnɛ, nɛnɛ̃ dʋɔ#Eja 49:8
3Sa‐n pɛ nɛ baradaa tibillə thɩ̃ɛ wo thɩ̃ bɩɛllalakaˈ, gɩ ho thɔmaakɛ na hananɛ kpɛ paaraˈ. 4Sɩ thɩ̃ɛ fɛʋra, asɩ fɩl n nɩna dɩ Thãgbaa thɔ̃dara sɩ do, ha fʋrɛraakɛ sɩ‐n hananɩ jɔɔ nɩwɛra, na gɩrɛraakɛ telene sɩnɩ, na mɔ̃ sa‐n yɩnɩ fɛfɛɛ paaraˈ, 5na bɩɩrɛra, na khaɩ pɛrra, na dɩ nyanyaanɛna, na thɔ̃ khe dʋʋrra, na yi cɔnanɛna, na kɔmɛr cɔnanɛna,#Th t t 16:23 6dɩɩ the dakha fɩl phuurə, na jɩɩrra, na ha fʋ yɩrrɛra, na ha bulo fɩlɛla, na Thu Phuurə, na naʋ bʋɔra, 7na sobɔ thɩmɩɩrra, na Thãgbaa fãgara, na fɩl sar ko ke thɩ̃ɛɛkɛ sɩ‐n pɩɛrnanɩ a dona gɩrɛ sɩ‐n phinəni tomɩr; 8na dakha i dʋbɩrɛra, na beesirera, kuerera na i bɔ werra; fɩfɩla wɩ‐n we sɩ, sɩrakɛ sobɔ so tɩbɩla ha sɩ. 9Wa jɩ saˈ, sɩrakɛ tɩɩ jɩnanɛ bɔɔbɔɔ ha sɩ; wɩ yɩ sa jɩ paar na pɔaˈ, sɩ sɛrkɛ na yire; wɩ yɩ sɩ‐n yɩrɛ naarɛ, sɩ ga do sa khirəˈ; 10wɩ yɩ gbobire wɔɔ sarɛ, sɩ wire fɛʋ daʋ n fʋ sɛr; wɩ yɩ bɔdara ha sɩ, sɩ sɛr n lɛ tɩbɩla jɔɔ; wɩ yɩ sa hana thɩ̃aˈ, sɩ sɛr hɩna thɩ̃ɛ fɛʋ.
Kpɩɩ lee thɩmɩɩr
11Korɛ̃tɩdara wei, sa mʋ̃ nar dɩkha ga, sɩ faarɛ haar yala a ha nɩ. 12Asɩ naʋ na ˈlũəˈ, sɩ anɩda ˈluno. 13Nɩ faa haar yala a ha sɩ mɔ̃ sɩ faanɩ asɩda a ha nɩ, mɩ mɩɩna nɛr mɔ̃ nɩ donɩ ɩ̃ bɩsãsɔ.
14Na‐n tu kpele bɩɛl tʋʋr na wɩrɛ dɔnɩ ha pɛ ˈleedara ga. Gɩdonɩ anyee bɔ ca fɩl sarʋ na fɩl gõgolõ na‐n bɔ kha? Anye dahɩrɛ na dabirə ha kha? 15Anyee ˈli ca Kirisiti na ˈlinə kha Belɩal?#6:15 Belɩal: Satã gɩ‐n so, kɛ puu cʋʋ caar fɛʋ n theronɩ. Anyera ʋrɛ pɩɛrnɩ haar na ʋrɛ na pɩɛrnɩ haaraˈ na bul kha? 16Anyee gbɛbɩ ca Thãgbaa cɔ na gbɛbɩ na thɩla? Gɩdonɩ sɛr dʋɔn cʋɔr Thãgba yidaarra, mɔ̃kɛ Thãgba kɔɔ sonɩ ayɩ:
“Ma toore awɩ bɩnɔ,
ma‐n kpaarɛ awɩ thɩ̃thɩɩn.
Ma dor awɩ Thãgba,
dɩ wa dor ɩ̃ too.”#Lev 26:12; Eje 37:27; 1 Kor 3:16; 6:19
17Gɛr gɩ,
“Nɩ thɛ awɩ thɩ̃thɩɩn,
nɩ lea hana kpɩɩ, Kɔ̃tɩn sɔ.
Na‐n tha gɩrɛraakɛ bisenenəˈ,
dɩ mɛrɛ ma tee ner,#Eja 49:8
18dɩ ma do narɛ Thɩrɛ,
dɩ nɛrɛ na do marɛ bikona na bikhɛna,
mɛr Kɔ̃tɩn fãga fɛʋʋ hɩ̃daar sɔ.”#Th t t 16:23
Currently Selected:
Korɛ̃tɩdara 6: LOBIRI
Highlight
Copy
Compare
Share
Want to have your highlights saved across all your devices? Sign up or sign in
Bible Society of Burkino Faso 1985.
