Korɛ̃tɩdara 3
3
Ʋlfɛ pha thɔ̃ dona
1A thɩɛna gaa, sɩ bire ma sa‐n nɩna asɩbara dɩ tɩɩ teenaa sɩ doaa bɛ? Dɩ agɩbo ʋkhasɔɔ kha sa ƴaal tetee sɛbɛ sɩ nɩna nɩ, agɩbo sɩ ba ƴaal nar? 2Nɛrɛɛ thɛthɛra ka do asɩ sɛbɛ, a khere asɩ hara, dɩ tɩbɩla fɛʋ jɩ gɩ dɩ wa‐n hɩɩn. 3Sɛbɛɛkɛ Kirisiti kherenɩ nɩ do gbelẽ gbelẽ, kɛ sɩ doronɩ thɔ̃ dona. Ga do sɛbɛ khere nyʋɔn wɩ kherena ga, sɩ Thãgba yidaarɩ Thu gɩ kherena, ga do boka thelnaana gɩ kheraˈ, sɩ tibil haarra gɩ khere. #Thɩɩ 24:12; Jer 31:33; Eje 11:19; 36:26
4Gɛr dɔ tu jɩɩrɩkɛ sɩ hananɩ Thãgbara dɩɩ the Kirisitira. 5Ga do sɛrɛɛ thɛthɛ hɩna punone a na ba kpɩɛr dɩkha gɩ ho asɩ pa gɩ thaˈ, sɩ asɩ puno Thãgbara gɩ‐n the. 6Ɔr hana sɩ punone dɩ sɩ do thɔ̃ dona nɔ bɩɛl ʋlfɛ phaara, ga do jɔfʋraakɛ kherenenɩ gɩ bã, gɩdonɩ jɔfʋʋkɛ kheranɩ n kʋrɛ, sɩ Thu Phuu n ˈlaanɛ yire.#Jer 31:31
7Gɩdonɩ ado jɔfʋ ˈlaarɛɛkɛ kherenenɩ bokaarra kɔɔ ɩnanɛ khir sɩɩ dorakɛ gɩ kɔɔ ɩɩrnanɛ carbararɛ dɩɩ do Thãgbaa i dʋbɩra gɩ the, dɩ Ɩjɩrayɛl bɩsana na‐n ba puno na jɩɩ hɩɩn Mʋɩjɩɩ ƴaˈ, gɩdonɩ ɔɔ ƴɛ carbaraalera dɔ kɩrʋ, sɩɩ dorakɛ dakananɛ gɩ,#Thɩɩ 34:29 8na jɩ dɩɩ do thɔmaakɛ dɔnɩ Thu Phuuda n carbararɛ a ka gelaa? 9Ado so heen thɔma hananɛ carbara caale, ga do fɩl sar thɔma na‐n carbararɛ ka gɩ jɔ gele fĩiəə? 10Mɔ̃ thɩ̃ɛ hanɩ thaa, gɩrɛra n kɔɔ carbaranɛnɩ na do thɩ̃ɛ bã, gɩdonɩ gɩrɛ jɔ gɩnɩ fĩi na carbararɛ ɩnɛ a thi gar. 11Dɩ ado gɩrɛ dɔnɩ dakananɛ kɔɔ hananɛ carbararɛ, dɩ mɔ̃ gɩrɛ n tɔɔnɩ khorrɩ carbara na ha?
12Dɩ mɔ̃ sɩ hananɩ ga nũ pɛ caakɛ, sɩ‐n mɩɩrɛ na ˈlar casɩ. 13Sa‐n cʋʋ Mʋɩjɩɩ kha ga, kɛ kɔɔ gbaannɩ kɩ̃kɩɩn a thi ɔɔ ƴɛra, gɩ do nɔɔ Ɩjɩrayɛl bɩsana na‐n ba hɩɩn kirkirkir gɩrɛ dɔnɩ dakananɛ gɩ dana khu paaraa ga.#Thɩɩ 34:33 14Awɩ kpɩɛr dibi warɛ, gɩdonɩ a dana nĩ ɔbɔɔkɛ wɩ‐n sonɩ ʋlfɛ tɩ̃ sɛbɛ, kẽkẽ ca gelela bor hale ˈlo ga təˈ, gɩdonɩ Kirisiti dɩbara na te gɩ dɩ a ther. 15Sɩ a dana nĩkɛ ɔbɔɔkɛ wɩ‐n sonɩ Mʋɩjɩɩ sɛbɛ, kɩ̃kɩɩn n hale awɩ hara dɩɩ kɛɛ. 16“Sɩ ɔbɔɔkɛ tibil n kɛrnɩ da‐n kpa Kɔ̃tɩnna, kɩ̃kɩɩn n tire.”#Thɩɩ 34:34 17Dɩ Kɔ̃tɩn, Thu Phuu gɩ; dɩ ka Kɔ̃tɩnɩ Thu n hanɩ, le wa dʋʋr n ha. 18Dɩ gɛr gɩ sɛrɛ fɛʋʋkɛ na hananɩ dɩkha dɩɩ kɛɛ sɩ ƴɩɛra bã Kɔ̃tɩnɩ carbara n caranɛ sɩ ƴɛ bire mɛ̃ hɩɩn khaa, dɩ sɩ debi na hʋ a na pɛr, dɩɩ do Kɔ̃tɩnɩkɛ dʋɔnnɩ Thu Phuu pa gɩ‐n the.
Currently Selected:
Korɛ̃tɩdara 3: LOBIRI
Highlight
Copy
Compare
Share
Want to have your highlights saved across all your devices? Sign up or sign in
Bible Society of Burkino Faso 1985.
