Korɛ̃tɩdara 2
2
1Mɛrɛɛ thɛthɛ kɔɔ te kpɩɛrɛ kɛ ɩ̃ bɩnɔ sa yɩ, ma bir na pɔ anɩ pa gbobirera ga. 2Gɩdonɩ ado mɩ cʋʋ nɩ dɩ nɩ gbobi, amɛ na cʋɛ daʋ dɩ a fʋ mɩ saagado ʋrɛra mɩ cʋʋnɩ dɩ gbobi ga. 3Mɩ kɔɔ khere narɛ gɩrɛɛkɛra mɩ kɔɔ kherenɩ, dɩ a ma pɔ anɩ pa, ma‐n yɩ gbobire wɩrɛraakɛ dɔnɩ wɩrɛ na cʋɛnɩ wo dɩ daʋ na fʋ maˈ. Dɩ mɩ hananɛ ga ha pɛɛkɛ, dɩ ɩ̃ daakɛ na fɔ mɩnɩ na dɔ nɛrɛ fɛʋʋda. 4Gɩdonɩ gbobi kɔ̃tɩ̃ɩ, na ha helle, na yilẽbe jɔɔ mɩ kherena nar sɛbɛɛkɛ, ga do dɩ ma cʋʋ nɩ nɩ gbobaˈ, sɩ dɩ na jɩ dɩ naʋʋkɛ mɩ hana narnɩ gɩ kɔ̃tɩnɛ.
Mɔ̃ gɩ teenanɩ wɩ faa sopugodaarɩ so hanaa
5Ado tibil do nɔɔ dɩ gbobire hale, ga do mɛr dɩbara a cʋʋ dɩ ɩ̃ gbobaˈ, sɩ nɛrɛ fɛʋ gɩ; sɩ anaa ga do fɛʋ ga, mɩ sor thakɛ gɩdonɩ ma‐n ƴaal ɩ̃ kaya ɩ̃ dɛɛnɔaˈ. 6Sorɩkɛ ɩkhasɔ bərəəm nɛrɛra kɔɔ pɛrnɩ kuunnaale daan. 7Gɩ baar dɩ na ka na faa ɔɔ sopugo na haa dɩphã, sɩ na ƴɔlʋʋ haar, agado mɛ̃ ga, ha dɩ gbobire na thʋnɛ na jʋɔraa. 8Mɩ‐n bɩɛl nɛr dɩ na nɩnaa naʋ. 9Gɛr dɔ nɔɔ dakha dɩ ɩ̃ khere nar, a be nɩ bɩnɛ ma‐n hɩɩn, ado na nɩrɛ nũu thɩ̃ɛ fɛʋra. 10Sɩ ntɛɛ sopugookɛ nɩ‐n faanɩ, mɩ‐n faarɛ mer. Sɩ ado mɛrra gɩ, gɩrɛ mɩ‐n faanɩ, ado ger mɩ kɔɔ faarɛ dɩkhaa sopugo, nɛr dɔ nɔɔ Kirisitii ƴɛra. 11Dɩ mɛ̃ Satã na yɩ sar hʋɛaˈ, gɩdonɩ jɩɩr na ˈlee sɩ ɔɔ fɩɩlla ga.
Mɔ̃ sɩ bulni kha na Jejuu kəə
12Ɔbɔɔkɛ mɩ kɔɔ danɩ Tʋrʋasɩ ɩ̃ mɩɩ Kirisitii tutugo bʋɔɔ thɩmɩɩ, Kɔ̃tɩn kɔɔ khɛr mɛr loo wer,#Th t t 20:1 13sɩ ɩ̃ ha na kɔɔ jɩɩl cɔcɔaˈ, gɩdonɩ ma kɔɔ yɩ Tɩtɩ ɩ̃ omaˈ, dɩ mɩ kɔɔ bɩɛlɛ hʋɛ sa gba jal Masedʋan. 14Thãgba hɩna fʋɔrɛ, ɔrkɛ n cʋɛ sɩnɩ wire koo dɩ sa‐n kəə, dɩɩ do Kirisiti dɔ nɔɔ, dɩ gba sɩ dɩ cʋʋna dɩ jɩɩrɩkɛ tɩbɩla na jɩnɩ Kirisiti na‐n pɩ paar fɛʋ mɔ̃kɛ latɩkolo n hʋnɩ. 15Gɩdonɩ ado Thãgbara gɩ, sɩ hʋrɛ thɩ̃ɛɛkɛ n hʋnanɩ daʋ, dɩ Kirisiti dɔ nɔɔ, wɩrɛ ˈlɛnɩ taarɛɛ thɩ̃thɩɩn na wɩrɛ n buurenii thɩ̃thɩɩn. 16Wɛra wer, khi hʋnɛ gɩ‐n do war dɩ a‐n jalna wɩ khirrə, sɩ ado wɛra wer, yi hʋnɛ gɩ‐n do war dɩ a‐n jalna wɩ yirera. Dɩ ʋmɔ̃ dana thɩɛnaale? 17Gɩdonɩ sa ho tibil jɔjʋɔɔkɛ n mɩanɩ Thãgbaa thɩmɩɩ dɩ wa‐n pɛ awɩ kũkunoəˈ, sɩ ha phuu ser n mɩɩna, mɔ̃ sɩ donɩ Thãgbaa thɔ̃thɔna Thãgbaa ƴɛra, a ha Jeju Kirisitira.
Currently Selected:
Korɛ̃tɩdara 2: LOBIRI
Highlight
Copy
Compare
Share
Want to have your highlights saved across all your devices? Sign up or sign in
Bible Society of Burkino Faso 1985.
