Korɛ̃tɩdara 11
11
Polɩda wɩrɛraakɛ n sɔnɩ dɩ wɩ yɩ thɔ̃thɔna ha nɩ
1Ga da marɛ ado na punone na fʋ haar ɩ̃ mɩɩ də̃bəəle fɩɩʋ, sɩ nɩ‐n fʋrɛrakɛ haar. 2Gɩdonɩ gbugiikɛ thɛnɩ Thãgbara fʋ mɛr anɩ sora, gɩdonɩ mɩ kɔɔ gba nɛr a ha kũu bɩɛl dɩ Kirisiti gɩ, dɩ nɩ dʋʋraa khɛ biir phuukɛ na jɛnɩ kuunaˈ. 3Sɩ mɔ̃kɛ sii kɔɔ fɩɩlnɩ Ɛvɩ na ɔɔ fɩɩlla, maar n fʋ mɛr dɩ anɩ kpɩɛr na kʋɛrɛ, gɩ kɛr sɩ gɩ faa sobɔr na phur Kirisitira.#Jən 3:1–5, 13 4Gɩdonɩ a tibil pɔ nar na mɩɩ nar Jeju kpɩɩ na ʋrɛ sɩ kɔɔ mɩɩ narnɩ, dɩ agɩbo nɩ ˈlɛr Thue dɩ ha kpɩɩ na ʋrɛɛkɛ nɩ kɔɔ ˈlɛnɩ, agɩbo tutugo bɔ kpɩɩ gɩ na gɩrɛɛkɛ nɩ kɔɔ teenɩ, nɩ‐n fʋrɛ haar bɔɔbɔɔ. 5Mɩ pɛrɛ haar ma ˈlũ thɩ̃ bɩɛllalakɛ a jɔ wa thɔ̃thɔnaale bʋɔnɔnɩ ka ga. 6Dɩ ado mɩ hor tibil ba thɩmɩɩ mɩɩrɛra, sɩ jɩɩr wer na ɓɔr maˈ, dɩ sɩ kɔɔ nɩna gɛr anɩ thɩ̃thɩɩn tɩbɩlala fɛʋ thɩ̃ɛ fɛʋra.
7Sopugo mɩ ba cʋʋ gɩrɛraakɛ mɩ kɔɔ mɩɩ nɩnɩ Thãgbaa tutugo bʋɔ khaar yaa? Mɛr wuro mɛ̃ sɩ ner n ka nɩ ɩɩr. 8Ɩkhaa we gbɛbɩdarara mɩ kɔɔ ˈlɛ bulle, wɛrra mɩ‐n ˈlɛ loka nɔɔ dɩ ma‐n dona nar thɔma. 9Dɩ ɔbɔɔkɛ mɩ kɔɔ hanɩ anɩ pa dɩ bʋɔ kɔɔ fʋ mɩ, ma kɔɔ do heendaa tibillə ga; gɩdonɩ omɩnaakɛ thɛnɩ Masedʋan n kɔɔ hana mɩ gɩrɛ n ɓɔra mɩnɩ. Dɩ thɩ̃ɛ fɛʋra mɩ kɔɔ fʋrɛ dɩbara dɩ ma do nar heendaa ga, dɩ ma fʋrɛ dɩbarararakɛ ˈlo.#Fili 4:15–18 10Sobɔrraakɛ n thɛnɩ Kirisitiraakɛ ha marnɩ, mɩ sor ayɩ: Thɩ̃ɛ na hale na tɔ̃ mɩ məbire ga thɩnaakɛ Akaɩ dɩɩra ga. 11Mɔ̃ dɔ nɔɔ? Gɩdonɩ a thɩɛna gaa ma na naa ya? Thãgba jɩ gɛr.
12Gɩrɛra mɩ‐n cʋʋnɩ ma cʋʋrɛrakɛ ma‐n jalna, dɩ mɛ̃ ga khaan hʋɛ wɩrɛraakɛ n ƴaalɛnɩ hʋɛ wɩ yɛ sɩ mãkhanɛ kha gɩrɛraakɛ wɩ‐n məbironi. 13Tɩbɩlaale sõso thɔ̃thɔna wɛ, dɩ fɩfɩɩl thɔ̃ dona wɛ, dɩ wɩ debi ho Kirisitii thɔ̃thɔ̃sɔ. 14Sɩ gele ga do nɔ kpaa thɩ̃ɛ ga, gɩdonɩ Satãa thɛthɛ n debire dɩ ho thɔ̃thɔ̃daar thu hɩrɛ. 15Dɩ ga do nɔ kpaarɛ gɩ ado ɔɔ thɔ̃ dodaarsɔɔle debi a ho fɩl sar thɔ̃ dona ga. Awɩ khu pa na har mɔ̃ awɩ thɔ̃ hanɩ.
Polɩ bɔ gaar thɔmanaakɛ Thãgba pɩɛraanɩ
16Mɩ bire ˈloro wo, tibil na‐n hɩɩn mɩ ɩ̃ ho dbələˈ, dɩ a gɩ harakɛ mɛ̃, sɩ nɩ tea mɩ ɩ̃ dole də̃bəllə, dɩ mɛ̃ ma məbi dakha e. 17Gɩrɛ mɩ sonɩ gɩrɛ, ga do mɔ̃ Kɔ̃tɩn n ƴaalnɩ mɩ soaˈ, sɩ gɩ hor mɔ̃kɛ də̃bəəle n ɩɩrnanɩ tibil dɩ mɩɩ thɩ̃ɛ, dɩ gɩrɛra mɩ‐n məbironi tu jɩɩr harrɛ. 18Gɩdonɩ tibil jɔjʋɔ hale n məbəni sɩɩ do awɩ məbira məbire gɩɩkɛ dɔnɩ tibili tibil do pada, mɛrɛ dakha ma‐n məbire. 19Gɩdonɩ nɩ‐n fʋrɛ haar də̃bələla ka nɛrkɛ jɛnɩ fɩlɛ. 20Ado tibil na pɔtɔrɔ nɩ, ado tibil na kho nɩ, ado tibil na tagɩrɩ nɩ, ado tibil na so nar kuune, ado tibil be nɩ ƴɩɛ, nɩ‐n fʋ garɛ haar. 21Yicuru fʋ mɛr dɩ ma so nayɩ: Sɩ kɔɔ nɩna nɛr mɔ̃kɛ asɩda na khɩɩrnaˈ. Sɩ gɩrɛ tibil n kpãgarɔnɩ dɩbara, mɩ punone cʋʋ mɛ̃ mer, də̃bəəlela mɩ mɩɩ. 22Ebirəsɔ ha wɩ ya? Mɛrɛ dakha Ebirəra ha mɩ mer. Ɩjɩrayɛldara ha wɩ ya? Mɛrɛ dakha. Abɩrahamɩ məl ha wɩ ya? Mɛrɛ dakha. 23Kirisitii thɔ̃dara ha wɩ ya? Mɩ do ger dɩɩ jɔ mɛ̃, sɩ dəbəəlela mɩ mɩɩ wo. Thɔ̃ khe dʋʋrra mɩ jɔ wɛr, khaɩ pɛrra mɩ jɔ wɛr, bɩɩrɛra mɩ jɔ wɛr fii, bɔɔ jɔɔjɔɔ mɩ‐n thɔɔ khir.#Jən 3:1–5, 13 24Balamɔɩ Juifisɔ kɔɔ bɩɩr mɩ be nʋɔ kpalanyɔ phe bire.#Fili 4:15–18 25Balãther wɩ kɔɔ ciil mi na khasa, babɩɛl wɩ kɔɔ dʋʋr mɩ na bokana, balãther gborõo kɔɔ mʋʋna mɩ, dɩ wi bɩɛl na dɩtɩ̃ bɩɛl nyʋɔn kɔɔ gba mɩ dɩ ɩ̃ cʋʋ.#Th t t 16:22; 14:19 26Ɩ̃ kpaarɩkɛ mɩ‐n kpaarnɩ gɩ jɔrɛ ka, nɩwɛ nɔ mɛr mɩɩrra, nɩwɛ nɔ mɛr yu hɔ̃hɔlaa pa, nɩwɛ nɔ mɛr ɩ̃ caa pa, nɩwɛ nɔ mɛr ca kpalaa pa, nɩwɛ nɔ mɛr dɩɩra, nɩwɛ nɔ mɛr bəənnə, nɩwɛ nɔ mɛr lanyʋɔnna, nɩwɛ nɔ mɛr wɩrɛ n cʋɛnɩ wɩ yɛ omɩna hanɩɩ thɩ̃thɩɩn.#Th t t 9:23; 14:15 27Mɩ jɩrɛ gɩrɛ n dɔnɩ thɔ̃ dʋʋr, na vɔɔrɛ, na yi cɔnanɛ bɔɔ jɔɔjɔɔ, na kɔmɛr na yɔlkhaa fʋʋr, na kɔmɛr cɔnanɛ bɔɔ jɔɔjɔɔ, na ie fʋʋr na kẽkẽ ˈleere. 28Thɩ̃ jɔjʋɔ hale na mɩanaˈ, sɩ gɩrɛɛkɛ heene mɩnɩ a jɔrakɛ fɛʋ dʋɔn dɛrɩkɛ mɩ‐n hananɩ wire fɛʋ we gbɛbɩdarara fɛʋ. 29Ʋmɔ̃ na yɔɔnɛ sɩɩ do ma yɔɔ mera? Ʋmɔ̃ na baranɛ na ji sɩɩ do haar na hel ma?
30Ado gɩ dor ɩ̃ məbə, ɩ̃ yɔɔda ma məbiro. 31Thãgbaakɛ dɔnɩ Jeju Kɔ̃tɩnɩ Thɩ, kɛ hɩnanɩ fʋɔrɛ khorr, jɩrɛ dɩ ma‐n kur sõsoraˈ. 32Aretasɩ fãgadaarɩ gobanɛr kɔɔ pɛrɛ wa‐n bɛra Damasɩ dɩɩ a fɔ mɩ,#Th t t 9:23–25 33sɩ wɩ kɔɔ gbũ mer kpʋʋnɔ a tona fɛnɛtɩrɩ dɩ ɩ̃ gbũ sortoto, dɩɩ do mɩ taarɛ ɔɔ nyɔ̃kɔɔ.
Currently Selected:
Korɛ̃tɩdara 11: LOBIRI
Highlight
Copy
Compare
Share
Want to have your highlights saved across all your devices? Sign up or sign in
Bible Society of Burkino Faso 1985.
