1 Korɛ̃tɩdara 8
8
Bonɩ ji nʋʋn
1Sɩ ado bonɩ ji nʋ̃daara gɩ, sɩ jɩrɛ wer sɛrɛ fɛʋ hananɛ jɩɩr, sɩ jɩɩr n ˈlaarɛ i kaar, sɩ naʋ n cʋɛ dɩ tibil n khɔ̃ da‐n pɛr. 2Ado tibil pɛr haar ɩnɩ jɩrɛ thɩ̃ɛ, aa jɩ gɩ mɔ̃ gɩ teenanɩ a jɛ ga. 3Sɩ ado tibil na Thãgba, tibil ole Thãgba jɩɩrɛ dakha.
4Sɩ ado bonɩ ji nʋ̃ khodaara gɩ, sɩ jɩrɛ dɩ thɩl na do thɩ̃ɛ thɩɩra ga, dɩ thãgba kpɩɩ na hale saagado bɩɛl gɩ dɩbara gaaga. 5Gɩdonɩ adorakɛ gɩrɛ wɩ‐n wenɩ thãgbasɔ hale, a ƴũ gɩ a thɩɩra gɩ, gɩ hale wer a do thãgbasɔ jɔɔ na kɔ̃tɩnasɔ jɔɔ. 6Sɩ ado serra wer, Thãgba bɩɛl dɩbara haanle, a do Thɩrɛɛkɛ thɩ̃ɛ fɛʋ theronɩ, ɔr te sɩ sɩ dɔ ɔɔda. Kɔ̃tɩ̃ bɩɛl dɩbara haanle dakha, Jeju Kirisiti gɩ, kɛ dɔnɩ ʋrɛ thɩ̃ɛ fɛʋ harɔnɩ, ɔr dɔ ʋrɛ sɩ doronɩ tibil.
7Sɩ ga do tɩbɩla fɛʋ hana ga jɩɩlaˈ; gɩdonɩ ɩkhasɔ kɔɔ mɩlnanɛ thɩla a dana nɛnɛ̃kɛ, wɩ‐n bor dɩ wa‐n hɩɩnnakɛ nʋʋnɩle wɩ‐n khonɩ dɩɩ bo do bonɩ ji nʋʋnna ˈlo, dɩɩ do mɛ̃ awɩ kpɩɛrnɔɔkɛ na tɩɛnnaˈ n cʋʋ wɩ dɩ wɩ ba pɛr haar nʋ̃ khorɩle pɛ narɛ dɩɩ. 8Ga do dɩkor na cʋɛ sɩ dɩ sa ˈli kha na Thãgba ga. A sa kho dɩkoraˈ, dɩkha na ɓɔr saˈ; a sa kho, dɩkha na‐n dɛbɩ sar woaˈ. 9Sɩ na‐n jɩɛ hɩɩn, dɩ anɩ hʋ hana na‐n do nɛ baradaa wɩrɛraakɛ yɔɔnaˈ. 10Gɩdonɩ ado tibil yɩ fɩ, fɛrkɛ hananɩ jɩɩr, dɩ fɩ#8:10 Fɩ too bonɩ ji paar a na kho thɩ̃ɛ: Mɔ̃ thɩldaraale n jini bonɩɛ, nʋʋnɩkɛ n dɔnɩ awɩda gɛr dɔ gɩrɛ wɩ‐n khonɩ le bonɩ ji paar thɩl cʋɔr. Dɩ wɩ‐n wer awɩ kuunsɔ dɩ wɩ pɔ na kho ga dɩkhoole. Dɩkhãa bɔɔ Thãgbadara n haarɛ ga dɩko kho paale, gɩdonɩ gɩ hʋrɛ mɔ̃ ƴatɛ hanɩ nĩ asɩ bɔɔkɛ, sɩ awɩ bonɩ ji thɔna dɩbara wa‐n lõaˈ. too bonɩ ji paar a na kho thɩ̃ɛ, tibilikɛ na tɩɛnnɩ ɔɔ kpɩɛrnɔra ga, ga do ga thɔgʋʋrɛ na pɛr da kho bonɩ ji nʋʋnna orraa? 11Dɩ thale afɩ jɩra na cʋʋ ʋrɛ yɔɔnɩ, kɛ dɔnɩ omineekɛ Kirisiti kɔɔ khironi, da bu. 12Dɩ a na cʋʋ sopugo thale omɩnana, a na cʋʋ awɩ kpɩɛrnɔɔkɛ na tɩɛnnaˈ, dɩ a bũburõ, Kirisitira nɩ‐n cʋʋ sopugo. 13Dɩ gɛr gɩ, ado dɩkor na cʋɛ ɩ̃ omi da bara, ma kho nʋʋn kpɩɩrakɛ, gɩ ba cʋʋ ɩ̃ omi a bara ga.
Currently Selected:
1 Korɛ̃tɩdara 8: LOBIRI
Highlight
Copy
Compare
Share
Want to have your highlights saved across all your devices? Sign up or sign in
Bible Society of Burkino Faso 1985.
