1 Korɛ̃tɩdara 5
5
So heene bɔdɛl cʋʋrɛra
1Wɩ‐n mɩɩrɛ paar fɛʋ ayɩ, bɔdɛl cʋʋrɛ n har anɩ thɩ̃thɩɩn, dɩ bɔdɛl cʋʋ caakɛ na‐n hanɩnakɛ thɩldaraa pa gaa gɩ, dɩ tibil bɩɛl ba gbananakɛ ɔɔ thɩɩ khɛr.#Dət 22:30 2Sɩ dɩ nɩ borakɛ sɩ na ka iree. Mee bʋɔ ka teena gɩ fɔ nɩ, wɩ ti tibil ca ole cʋɛnɩ thɩ̃ɛ thale a hɛllɔ anɩ thɩ̃thɩɩn. 3Sɩ ado me wer ma hanɩ kha na nɛrɛ tomɩrra gbelẽ gbelãˈ, sɩɩ do thue haan kha na nɛrɛ; mɩ ˈlire kɩɩlna tibilile cʋɛnɩ ga thɩ̃ caale pɩ, dɩɩ ho mɩ kɔɔ hale. 4Jeju Kɔ̃tɩnɩ iikɛ sɩ‐n gbɛbɩrɔnɩ kha, dɩ ɩ̃ thu n hale, dɩ Jeju Kɔ̃tɩnɩ fãga n ha kha na sɛrɛ, 5nɩ dɔ tibil ca ole n do ʋrɛ wɩ‐n faanɩ ha Satã, a kʋɛsʋʋ tomɩr, dɩ mɛ̃ ɔɔ thu na ˈlɛ taarɛ Jeju Kɔ̃tɩnɩ wirə.
6Khaar nɩ‐n məbi mɔlɔ; na jɩ dɩɩ do tabɩɩr fɩɩʋ n cʋʋrɛ buru mɩ̃ boloo fɛʋ dɩɩ bʋ̃aa?#Gal 5:9 7Nɩ cʋɛ tabɩ tɩ̃ɩ gɩ buur, dɩ mɛ̃ na do buru mɩ̃ bolo phaa, gɩ the gɩrɛraakɛ na hananɩ tabɩɩraˈ; gɩdonɩ wɩ jinəne Kirisiti asɩ Pakɩ bana bi bonɩɛ.#Thɩɩ 12:5 8Gɛr gɩ sa‐n cʋɛ fɛtɩɩle ga‐n do na tabɩ tɩ̃aˈ, na tabɩɩrɩkɛ hananɩ puu cʋʋrɛ dɩ kpallɛ ga, sɩ gɩ dɔ buruukɛ tabɩɩr na harnaˈ, gɛr dʋɔn phur nakha sobɔr.#Thɩɩ 13:7; Dət 16:3
9Mɩ kɔɔ kherere ɩ̃ sɛbɛra a ha nɩ ayɩ: Na‐n bɔ kha na bɔdɛl cʋʋdara ga. 10Sɩ ga do waa bɔdɛl cʋʋdaraakɛ hanɩ thɩɩraakɛ ba, na ha pɩɛrdara, na tɩɩ tagɩrɩdara, na thɩldara mɩ soaˈ, gɩdonɩ ado thale gɩ, ga dor gɩ teenanɛ nɩ thɩɩr thɩɩraakɛ. 11Sɩ gɩrɛ mɩ khere narnɩ gɩrɛ dʋɔn wɔɔ: Na‐n bɔ kha na tibilikɛ yɛnɩ omine ha nɩ, sa do bɔdɛl cʋʋdaar, agɩbo ha pɩɛrdaaraˈ, dɩ agɩbo thɩl a hana, dɩ agɩbo tɩɩ nɩɩrdaar ga, agɩbo ta laardaar gɩ, na tɩɩ tagɩrɩdaaraˈ; na‐n kho kha dɩkorrakɛ na tibil ca olaˈ. 12Gɩdonɩ anye mɩ ha kha na tɩɩ khɩna a na kɩɩlna wɩ? Ga do wɩrɛ nɩ donanɩ kha pa bɩɛldara na kɩɩlna gaa? 13Mee gɩ kherere Thãgbaa sɛbɛra ayɩ: “Nɩ te tɩɩ puu anɩ thɩ̃thɩɩn a faa.” Ado wɩrɛ dɔnɩ tɩɩ khɩna wɛ, Thãgba na kɩlɛna wɩ.#Dət 13:5; 17:7
Currently Selected:
1 Korɛ̃tɩdara 5: LOBIRI
Highlight
Copy
Compare
Share
Want to have your highlights saved across all your devices? Sign up or sign in
Bible Society of Burkino Faso 1985.
