1 Korɛ̃tɩdara 4
4
1Dɔ wa‐n hɩɩn sɩ mɔ̃kɛ sɩ donɩ Kirisitii thɔ̃dara, na wɩrɛ Thãgba pɛrnɩ wa‐n dɔna ɔɔ thɩ̃ gbul thɔma; 2sɩ a thɩɛna gaa mɔ̃ wɩ‐n ƴaalnɩnakɛ thɔ̃ donaale n hana dʋɔn, dɔ wɩ do sobɔ cʋʋdara. 3Sɩ ado mɛrra gɩ, dɩ na hɩɩn mɩ jʋjʋʋr hɩɩnʋʋ yo, dɩ agɩbo tibil n kɩlɛna mɩ kɩɩl paar yo, ga ba mɩ fɩɩʋrakaˈ, dɩ mɛrɛrakɛ ma laar nayɩ ɩ̃ yɛ dɩɩ dɩbara ga, 4gɩdonɩ ma jɩna mɩ hananɛ bara paar dɩkhara fɩɩʋrakaˈ; sɩ ga nɩna dɩ mɩ ˈleere dɩ paar phuphuləˈ, ʋrɛ na kɩlɛna mɩnɩ Kɔ̃tɩn gɩ. 5Gɛr gɩ bɔɔ na danɩ paˈ, na‐n ˈlaa na yɩ dɩaˈ, na‐n pɩɛrɛ Kɔ̃tɩn a ɩ̃, ʋrɛɛkɛ na cʋɛnɩ thɩ̃ɛ fɛʋʋkɛ keranɩ dɩ a the dahɩrɛra, kɛ na nɛrɔnɩ dakha gɩrɛ haar n kpɩɛrnanɩ, liir tɩbɩla fɛʋ bɩɛlbɩɛl na ˈlɛ Thãgbara khɩɩrɛɛkɛ teana wɩnɩ.
6Omɩna, nɛr dɔ nɔɔ dɩ ɩ̃ gba ɩ̃ thɛthɛ na Apolɔsɩɩda a mɩɩna nɩ thɩ̃ɛɛkɛ, dɩ mɛ̃ asɩdaakɛ na dɩɩrnɩ, dɩ na kpãsɛ gɩrɛraakɛ kherenenaˈ, gɩ ho tibil bɩɛl na hananɛ ʋ saa bo ʋaˈ. 7Gɩdonɩ amɛ cʋɛ fɩ dɩ fɩ ha kpɩɩ? Anye fɩ hana, sɩ ga do wɩ kɔɔ ha fɛra? Dɩ ado wɩ kɔɔ ha fɛr, mɔ̃gɩdo dɩ fa‐n məbi ga‐n ho wɩ kɔɔ ha fɛra?
8Nɩ ˈlire hiir waa phi; nɩ ˈlire dʋʋr lɛ̃lɛ; jaa fãgadara nɩ do gɩrɛ, sɩ ser na halaa koe. Ɩ̃ ƴaal werrakɛ dʋɔn nɩ dɔ fãgadara, dɩ mɛ̃ sa bul kha na nɛrɛ fãgadaar dʋʋrra. 9Mee gɩ hʋrɛ Thãgba ka thɩɩnɛ sɛr thɔ̃thɔna, dɩ sɩ do pɩpɩra, dɩ sa‐n hona wɩrɛ teananɩ kʋʋrɛ, gɩdonɩ sɩ kɔɔ debire a do fɛʋra yi ga thɩ̃ɛ, Thãgbaa thɔ̃thɔ̃daar thusɔra na tɩbɩlala. 10Kirisiti dɔ nɔɔ dɩ sɩ do də̃bələ, sɩ ne wer ka do tɩɩ kpɛsɛsɔ Kirisitira; sɛr yɔɔ, sɩ ner ka do dakhena; wɩ‐n cʋrɛ ne wer, sɩ se wer wɩ‐n beesi ser. 11A dana nɛnɛ̃kɛ, sɩ‐n gaarɛ kɔmɛrra, na yɔlkhaara, sɩ ha kẽkẽ bʋɔ, bɩɩr haar wɩ‐n bɩɩr sɩ, sa hana cɔ gʋaˈ; 12sa‐n vɔɔ asɩ nyɛ̃ thɔna kpãkpalã woaˈ; wɩ‐n nɩɩr sɛr sɩ sa‐n bɔna wɩ; wɩ‐n kpoo sarɛ sɩ sa‐n fʋ haar;#Th t t 18:3 13wɩ‐n kʋɛ sɛr ire sɩ ser n mɩɩna wɛr na hɛlɛlɛ fɩlɛ; sɩ kɔɔ debire a ho tɩbɩla fɛʋ thɩɩraa sɔ̃sʋɔn, a hona tɩbɩla fɛʋra puuyʋʋ a dana nɛnɛ̃kɛ.
14Ga do mɩ khere narɛ ga thɩ̃sɔɔkɛ gɩ cʋɛ yicuru gɩ fʋ naˈ, sɩ fɩlɛ mɩ‐n dɩɩr nɩ, mɔ̃kɛ nɩ donɩ ɩ̃ bɩsãsɔɔkɛ mɩ‐n nanɩ. 15Gɩdonɩ adorakɛ nɩ hananɛ dɩɩrdara gbɩlanɩ yʋɔr Kirisitiidara, sɩ na hana thɛ wer jɔaˈ, gɩdonɩ mɛr gɩɩkɛ kɔna nɩnɩ Jeju Kirisitira, dɩɩ the tutugo bʋɔra. 16Gɛr gɩ mɩ‐n phʋʋr nɛr nɩ dɔ ɩ̃ phɛldara.#1 Kor 11:1; Fili 3:17 17Gɛrra dɔ nɔɔ dɩ ɩ̃ kɔɔ thɔ̃ nar Timothe ɩ̃ bikuunikɛ mɩ‐n nanɩ, kɛ dɔnɩ sobɔ tibil Kɔ̃tɩnna, ɔr na cʋɛ nɩ dɩ na jɩ mɔ̃ ɩ̃ ɩɩr pa hanɩ na Kirisiti, kɛ dɔnɩ gɩrɛ mɩ‐n dɩɩrnɩ we gbɛbɩdara fɛʋ paar fɛʋ.
18Sɩ ɩkhasɔ nɛrɛra n kar ire dɩɩ ho ma pɔ laˈ. 19Sɩ ado Kɔ̃tɩn tu, kɩɛr na gbe ma pɔr, sɩ ga do i kadaraa nɔfa thɩmɩɩ mɩ‐n ƴaal ɩ̃ jaˈ, sɩ awɩ fãga. 20Gɩdonɩ Thãgbaa fãgadaar do, ga do nɔfaarra gɩ ha ga, sɩ fãga wɩ‐n yɩ. 21Anye nɩ‐n ƴaal? Ɩ̃ pɔ anɩ pa na ciləmũu yaa, agɩbo ɩ̃ pɔ na naʋ na hɛlɛlɛ fɩlɛ?
Currently Selected:
1 Korɛ̃tɩdara 4: LOBIRI
Highlight
Copy
Compare
Share
Want to have your highlights saved across all your devices? Sign up or sign in
Bible Society of Burkino Faso 1985.
