1 Korɛ̃tɩdara 2
2
1Mɛrɛ dakha omɩna, ɔbɔɔkɛ mɩ kɔɔ pɔnɩ anɩ pa, ga do thɩmɩɩ cʋno agɩbo kpɛsɛ kʋkʋʋ mɩ pɔna, a mɩɩna nɩ Thãgbaa sobɔ so jɩ thɩmɩaˈ; 2gɩdonɩ ma kɔɔ ƴaal ɩ̃ jɛ thɩ̃ kpɩɩ anɩ thɩ̃thɩɩn, saagado Jeju Kirisiti gɩ, kɛra wɩ kɔɔ kpanɩ thɩrʋra gaaga. 3Mɛrɛɛ thɛthɛrakɛ kɔɔ hanɩ anɩ pa, sʋmʋmʋ̃ mɩ kɔɔ ha, na maar na jẽu.#Th t t 18:9 4Dɩ ɩ̃ thɩmɩɩ na ɩ̃ Thãgba thɩmɩɩ mɩɩ, ga kɔɔ do kpɛsɛ thɩmɩaakɛ dɔnɩ ha fidaa ga, sɩ thɩ̃ cʋʋrɛɛkɛ thɛnɩ Thu Phuu fãgara gɩ kɔɔ do, 5dɩ mɛ̃ ga do tibil kpɛsɛrɛra anɩ ha pɛ dɛ̃aˈ, sɩ Thãgbaa fãgara ga dɛ̃ɛ.
6Sɩrakɛ sɩ‐n mɩɩrɛ kpɛsɛrɛ wɩrɛraakɛ leanɩ gbɩlgbɩlgbɩlɩ thɩ̃thɩɩn, sɩ ga do nɛnɛ̃ bɔɔkɛɛ kpɛsɛ ga, dɩ nɛnɛ̃ bɔɔkɛɛ kɔ̃tɩ̃sɔɔkɛ na bũburonenii kpɛsɛ gɩ woaˈ. 7Sɩ Thãgbaa kpɛsɛ sɩ‐n mɩɩ, kɛ dɔnɩ thɩ̃ gbul a dona thɩ̃ɛɛkɛ keranɩ, kɛ Thãgba kɔɔ maanɩ pɛrɛ sɩ aa kɔɔ ti yɩɛr paˈ aa, sɩ bulo kha na ɔɔ i dʋbɩ. 8Dɩ kpɛsɛrɛ gɩɩkɛ nɛnɛ̃ bɔɔkɛɛ kɔ̃tɩ̃sɔ na jɩnaˈ, gɩdonɩ adora wɩ kɔɔ jɩ gɛr, wa kɔɔ kpa Kɔ̃tɩnɩkɛ hɩnanɩ i dʋbɩrɛ kʋkʋ thɩrʋra ga; 9sɩ gɩ har mɔna gɩ kherenɩ Thãgbaa sɛbɛra ayɩ:
“Thɩ̃ɛɛkɛ yire na kɔɔ yɩnaˈ, kɛ nũu na kɔɔ nɩɛnaˈ,
dɩ ga kɔɔ jaa tibillə dɩ kpɩɛrna ga,
gɛr Thãgba gbɛbɩ thɩɩn wɩrɛraakɛ n naanɛɛnɩ.”#Eja 64:3
10Sɩ sɛr Thãgba kɔɔ gba ɔɔ Thu a nɩnana, gɩdonɩ Thu Phuu n ˈlor thɩ̃ɛ fɛʋ dɩ jɩ tue, narakɛ Thãgbaa thɩ̃ɩkɛ huloneni. 11Gɩdonɩ, tibil ʋmɔ̃ na punone na jɩ tibildaa, saagado ntɛɛ thuukɛ hanɩ ɔɔ bɩnɔ ga? Mɛna gɩ, tibil na puno na jɩ Thãgbaada, saagado Thãgbaa Thu gaaga. 12Sɩ se wer, gɩrɛ sɩ ˈlɛnɩ ga do thɩdaa ga, sɩ Thueekɛ thɛnɩ Thãgbara sɩ ˈlɛ, dɩ mɛ̃ sa jɩ gɩrɛ Thãgba kɔɔ ha sɩnɩ bɔ jɩɩrra. 13Dɩ gɛrra sɩ‐n mɩɩ dakha, sɩ ga do na thɩmɩɩ ca ƴɩrɛ kpɛsɛrɛɛkɛ dɔnɩ thɩdaa n gbanɩ da‐n dɩɩrna ga, sɩ mɔ̃kɛ thɩmɩɩ ca ƴɩrɛ Thu Phuu n dɩɩrnanɩ hanɩ, dɩ sɩ gbana dɩɩrɛɛkɛ dɔnɩ thudaa dɩ sa‐n mɩɛ Thu Phuudara. 14Sɩ tibilikɛ na hananɩ Thãgbaa Thuəˈ, aa‐n tu Thãgbaa Thu thãˈ, gɩdonɩ də̃bəəle gɩ‐n dʋʋraa, dɩ a na puno na jɩ ga, gɩdonɩ Thãgbaa Thu n mɩɛnɛ gele. 15Sɩ tibilikɛ hananɩ Thu Phuu, a‐n jʋʋrɛ thɩ̃ɛ fɛʋ dɩ jɩ gɩ, sɩ ɔr thɛthɛ tibil na jʋʋrʋʋ na jɩaˈ; 16dɩ gɩ kherere Thãgbaa sɛbɛra ayɩ:
“Amɛ kɔɔ jɛ Kɔ̃tɩnɩ kpɩɛr
a punoo a dɩɩr thɩ̃ɛ?”
Sɩ se wer sɩ hananɛ Kirisitii kpɩɛr.#Eja 40:13
Currently Selected:
1 Korɛ̃tɩdara 2: LOBIRI
Highlight
Copy
Compare
Share
Want to have your highlights saved across all your devices? Sign up or sign in
Bible Society of Burkino Faso 1985.
