1 Korɛ̃tɩdara 16
16
War pɛr tɩɩ phuusɔra
1Ado warraakɛ nɩ pɛnɩ tɩɩ phuusɔra gɩ, mɔ̃kɛ mɩ kɔɔ pɛrnɩ gɩ hana Galasɩ we gbɛbɩdarasɔɔ pa, nɛrɛ dakha nɩ cʋɛ ɔmɛ̃.#Rɔm 15:25–26 2Nɛrɛ fɛʋ bɩɛlbɩɛl, caca wire fɛʋ wire makonyɔra, nɩ te gɩrɛ nɩ‐n ˈlɛnɩ a na tɩnɛ; ga‐n too ɩ̃ pɔ dɩphã sɩ war n teaˈ. 3Dɩ a mɩ pɔr tɩbɩlaakɛra na tini, wɛr ma ha sɛbɛ, wɩ jalana na anɩ khaardara Jerujalɛm. 4Dɩ ado gɩ teenanɛ mɛrɛɛ thɛthɛ n jala dakha, wɩ cʋrna mɩ sɩ jal.
Polɩ ƴaal mɔ̃ a na jalnɩ Korɛ̃tɩ
5Ma pɔr anɩ pa sɩ Masedʋan ma kɔɔ the ɓo, gɩdonɩ Masedʋan ma kana.#Th t t 19:21 6Agakpaana ma toore anɩ pa gbe, anaa ma toorerakɛ dɩ ie bɔɔ na kana, dɩ mɛ̃ na thɔɔ mɩ ka ma‐n jalnɩ. 7Gɩdonɩ nɛnɛ̃ ma ƴaal ɩ̃ yɩ nɩ sɩ ɩ̃ kpãsaˈ, sɩ mɩ pɛrɛ haar ma toona nɛr gɩ ma gbe ado Kɔ̃tɩn tu. 8Sɩ Efɛjɩ ma too na dana fɛtɩɩkɛ wɩ‐n wenɩ Pãtɩkotɩ,#Lev 23:15–21; Dət 16:9–11#Th t t 19:8–10 9gɩdonɩ lõfonɔ kɔ̃tɩ̃ɩ khɛr marɛ hoo, ɩ̃ puno ɩ̃ do le bɔ taa thɔma, sɩ lãlara jɔrɛ.
10Ado Timothe pɔ, nɩ dɔ a toona nɩ sɩ maar na fʋʋaˈ, gɩdonɩ ɩ̃ kha a‐n do Kɔ̃tɩnɩ thɔ̃.#1 Kor 4:17 11Na‐n do tibil n ˈlũə koe. Nɩ thɔgɔɔ na ha ɩɩ a bir a ɩ̃ ɩ̃ pa, gɩdonɩ mɩ‐n pɩɛrʋʋrɛ nakha omɩna. 12Sɩ ado Apolɔsɩɩkɛ dɔnɩ omine gɩ, mɩ kɔɔ bɩɛlʋʋlɛ ka dɩ a na pɔ anɩ pa, nakha omɩna, sɩ ɔɔ ƴaalla aa pɛr haar a pɔ nɛnãˈ, sɩ ado a yɩ hʋɛ a na pɔr.
Pɩpɩɩ kpãkpaanɛ na fʋɔrɛ
13Na‐n jʋrɛ, nɩ tɔɔ ha pɛrɛra kɩbɩ, nɩ hana kũu bɩnɛ, nɩ ˈlɛ fãga na pɩɛr. 14Dɔ thɩ̃ɛ fɛʋʋkɛ nɩ‐n cʋʋnɩ na‐n cʋʋ na naʋ.
15Mɩ‐n kpãkpãa narɛ gɩrɛ wo omɩna: Nɩ jɩrɛ Sɩtefanasɩ na ɔɔ cɔdara; caca tɩbɩla wɛɛkɛ ˈlɛnɩ Akaɩ dɩɩra, a dona dakha wɩrɛ faanɩ dɩbara tɩɩ phuusɔɔ bul thɔmana.#1 Kor 1:16 16Nɛrɛ dakha a nɩ jɩ nɩ wuro jɔ wa tibil casɔraale, na wɩrɛraakɛ n gbũgbuloneni kha thɔmana na wɛr. 17Mɩ‐n kãkarɛ Sɩtefanasɩ, na Fɔrtunatusi, na Akaɩkusii ɩna, wɛr lona anɩ ba mɛ̃. 18Gɩdonɩ wɩ cʋʋrɛ dɩ ɩ̃ ha ie na anɩda dakha; nɩ gba wa tibil casɔɔle wɩ do nar tibil. 19We gbɛbɩdaraakɛ hanɩ Ajɩ fʋɔr nɛr. Akɩlasɩ na Pirisika na we gbɛbɩdaraakɛ n gbɛbanɩ kha awɩ cɔ fʋɔr nɛr jɔɔ Thãgba bɩsã fʋɔrɛ.#Th t t 18:2 20Omɩna fɛʋ fʋɔr nɛr. Na‐n fʋɔrɛ kha bɩɛlbɩɛl na ha lõ fʋɔrɛɛkɛ dʋɔnnɩ daphuu. 21Mɛr Pol khera fʋɔrɛɛkɛ na ɩ̃ nyɛ̃. 22Ado tibil yɩ, ɩna‐n na Kɔ̃tɩnaˈ, dɔ sʋɔn n ˈlii. Maranata: Ɩna ya asɩ Kɔ̃tɩ̃. 23Jeju Kɔ̃tɩn na‐n jɛ nɩ bʋɔra. 24Mɩ na nɛr fɛʋ dɩɩ do Jeju Kirisitii pa gɩ the.
Currently Selected:
1 Korɛ̃tɩdara 16: LOBIRI
Highlight
Copy
Compare
Share
Want to have your highlights saved across all your devices? Sign up or sign in
Bible Society of Burkino Faso 1985.
