Mi Nɔnɔle 26
26
Wo munu nɔnɔ é ziin
1Migyɛgyɛ ’ko zuo, Gakelebale lé Moizi valé Balebanzan Arɔn be Éléazaa lɛ léé: 2’I Izraɛlnu faa nɔnɔ wo gɔnɔla ma gɔnɔla ma, ’é valé wo tranu gɔnɔ ma gɔnɔ ma, ’té wo lɛɛ yɔ do bɔ, Izraɛlnu lé munu faa lé woo bɔa gulidanfɛnu kɔné sile lɛ, woo lé. 3Moizi valé Balebanzan Éléazaa we fe wo lɛ Moab lé fɛna pɛblɛɛna, Juudɛn yuu sɔnɔ, Jériko yara zia. Wo léé: 4Wo dan munu nɔnɔ lɛ, munu lé wo lɛɛ yɔ do bɔ, Gakelebale we fe Moizi valé Izraɛlnu lɛ, bléyia va lé wo si Éjipiti tɛrɛ la, a yɛrama.
5Rubɛn ɛ ke Izraɛl lé né vininzan nya.
Rubɛn benu lé ke ’ko: Énɔk lé é ke Énɔk munu tra nya koo, Palu lé é ke Palu munu tra nya bɛ koo, 6Esrɔn lé é ke Esrɔn munu tra nya bɛ koo, Kaami lé é ke Kaami munu tra nya bɛ koo, woo lé. 7Munu ’ko ɛ ke Rubɛn kulunu nya; munu lé wo wo nɔnɔ, wa mi baa yɔ do wɔlɛ do wuru sɔraa yɔ suiɛdo wɔlɛ vu. 8Palu be lé ke Éliab nya. 9Éliab benu lé ke Némuɛl koo, Datan valé Abiram koo, wo nya. Datan ’ko valé Abiram ’ko, wo ɛ ke munu lé wo wo laa léé, ’wo zén ékeva, wo vamunu nya, yé wo ɛ nwa Moizi valé Arɔn ma. Koré palu lé é nwa Gakelebale ma, wa wo vamunu nya. 10Tɛrɛ lɛ so, yé é wo valé Korénu mini, bléyian va lé zén‐ékevamunu ga, ’té kyɛ mi wuru do yɔ fié wɔlɛ vu ble. We ’ko kɛlɛ weplale munu lɛ nya. 11Koré benu ’ka ga lɛ lo.
12Siméɔn benu lé ke ’ko, wo gɔnɔla ma gɔnɔla ma: Némuɛl lé é ke Némuɛl munu tra nya koo, Jamɛn lé é ke Jamɛn munu tra nya koo, Jakɛn lé é ke Jakɛn munu tra nya koo, 13Zérak lé é ke Zérak munu tra nya koo, Saul lé é ke Saul munu tra nya koo, woo lé. 14Munu ’konu ɛ ke Siméɔn kulunu nya, wa mi baa vu ta do mi wuru do.
15Gad benu lé ke ’ko, wo gɔnɔla ma gɔnɔla ma. Séfɔn lé é ke Séfɔn munu tra nya koo, Agi lé é ke Agimunu tra nya koo, Suni lé é ke Suni munu tra nya koo, Ozni lé é ke Ozni munu tra nya koo, 16Éri lé é ke Éri munu tra nya koo, 17Arɔdi lé é ke Arɔdi munu tra nya koo, Arééli lé é ke Arééli munu tra nya koo, woo lé. 18Munu ’konu ɛ ke Gad kulunu nya, wo nɔnɔle yɛrama, wa mi baa yɔ do wuru fié yɔ soru.
19Juda benu lé ke ’ko: Eɛ valé Onan, naa, Eɛ valé Onan ga Kanaan tɛrɛ la. 20Juda benu lé ke ’ko, wo gɔnɔla ma, gɔnɔla ma: Sééla lé é ke Sééla munu tra nya koo, Pérɛs lé é ke Pérɛs munu tra nya koo, Zérak lé é ke Zérak munu tra nya koo, woo lé. 21Pérɛs benu lé ke ’ko: Esrɔn lé é ke Esrɔn munu tra nya koo, Amul lé é ke Amul munu tra nya koo, woo lé. 22Munu ’konu ɛ ke Juda kulunu nya, wo nɔnɔle yɛrama; wa mi baa yɔ do wɔlɛ vu ta sɔraa wuru fié yɔ soru.
23Isakaa benu lé é ke ’ko wo gɔnɔla ma gɔnɔla ma: Tola lé é ke Tola munu tra nya koo, Puva lé é ke Puva munu tra nya koo, 24Jasub lé é ke Jasub munu tra nya koo, Simrɔn lé é ke Simrɔn munu tra nya koo, woo lé. 25Munu ’konu ɛ ke Isakaa kulunu nya, wo nɔnɔle yɛrama; wa mi baa yɔ do wɔlɛ vu ta fié, wuru do yɔ soru.
26Zabulɔn benu lé ke ’ko, wo gɔnɔla ma gɔnɔla ma: Sérɛd lé é ke Sérɛd munu tra nya koo, Élɔn lé é ke Élɔn munu tra nya koo, Jaléɛl lé é ke Jaléɛl munu tra nya koo, woo lé. 27Munu ’konu ɛ ke Zabulɔn kulunu nya, wo nɔnɔle yɛrama; wa mi baa yɔ do wɔlɛ vu wuru fié yɔ soru.
28Jozɛfu benu lé é ke ’ko, wo gɔnɔla ma gɔnɔla ma: Manasé valé Éfraim.
29Manasé benu: Makii lé é ke Makii munu tra nya. Makii a Galaad ti nya. Galaad lé é ke Galaad munu tra nya. 30Galaad benu lé ke ’ko: Jézɛɛ lé ke Jézɛɛ munu tra nya koo, Élɛk lé é ke Élɛk munu tra nya koo, Azriɛl lé é ke Azriɛl munu tra nya koo, 31Sisɛm lé é ke Sisɛm munu tra nya koo, 32Sémida lé é ke Sémida munu tra nya koo, Éfɛɛ lé é ke Éfɛɛ munu tra nya koo, woo lé. 33Éfɛɛ be Sɛlofesad ’ka né yaa lɛ gɔné nya lo, naa, é nélomu ɛ yaa. Sɛlofesad lunu tɔnu lé ke ’ko: Makla koo, Noa koo, Ogla koo, Milka koo, Tiisa koo, woo lé. 34Munu ’konu ɛ ke Manasé kulunu nya, wo nɔnɔle yɛrama; wa mi baa yɔ do wɔlɛ suiɛdo, wuru yaa yɔ soru.
35Éfraim benu lé ke ’ko, wo gɔnɔla ma gɔnɔla ma: Sutélak lé é ke Sutélak munu tra nya koo, Békɛɛ lé é ke Békɛɛmunu tra nya koo, Takan lé é ke Takan munu tra nya koo, woo lé. 36Sutélak benu lé ke ’ko: Éran lé é ke Éran munu tra nya, yee lé. 37Munu ’konu ɛ ke Éfraim kulunu nya, wo nɔnɔle yɛrama; wa mi baa vu ta suiɛdo wuru fié yɔ soru.
Jozɛfu benu lé ke bɛ, wo kulunu yɛrama.
38Bɛnjamɛn benu lé ke ’ko, wo gɔnɔla ma gɔnɔla ma: Béla lé é ke Béla munu tra nya koo, Asibɛl lé é ke Asibɛl munu tra nya koo, Asiram lé é ke Asiram munu tra nya koo, 39Sufam lé é ke Sufam munu tra nya koo, Ufam lé é ke Ufam munu tra nya koo, woo lé. 40Béla benu lé ke ’ko: Aad valé Naaman. Aad lé é ke Aad munu tra nya; Naaman lé é ke Naaman munu tra nya. 41Bɛnjamɛn benu lé ke bɛ, wo gɔnɔla ma gɔnɔla ma, wo nɔnɔle yɛrama; wa mi baa yɔ do wɔlɛ fié, wuru sɔraa.
42Dan benu lé ke ’ko, wo gɔnɔla ma gɔnɔla ma: Susam lé é ke Susam munu tra nya, yee lé; Dan kulunu lé ke bɛ, wo gɔnɔla ma. 43Susam munu faa a mi baa yɔ do wɔlɛ vu ta fié, wuru fié, wo nɔnɔle yɛrama.
44Azɛɛ benu lé ke ’ko, wo gɔnɔla ma gɔnɔla ma: Jimina lé é ke Jimina munu tra nya koo, Jisivi lé é ke Jisivi munu tra nya koo, Béria lé é ke Béria munu tra nya koo, woo lé. 45Béria benu lé ke ’ko: Éébɛɛ lé é ke Éébɛɛ munu tra nya koo, Malkiɛl lé é ke Malkiɛl munu tra nya koo, woo lé. 46Azɛɛ lu tɔ lé Séra. 47Azɛɛ kulunu lé ke bɛ, wo gɔnɔla ma gɔnɔla ma, wo nɔnɔle yɛrama; wa mi baa yɔ do wɔlɛ suiɛdo ’é ta lé mi wuru sɔrafié.
48Néfitali benu lé ke ’ko, wo gɔnɔla ma gɔnɔla ma: Jaasiɛl lé é ke Jaasiɛl munu tra nya koo, Guni lé é ke Guni munu tra nya koo, 49Jésɛɛ lé é ke Jésɛɛ munu tra nya koo, Silɛm lé é ke Silɛm munu tra nya koo, woo lé. 50Néfitali benu lé ke bɛ, wo gɔnɔla ma gɔnɔla ma, wo nɔnɔle yɛrama: wa mi baa yɔ do wɔlɛ fié, ’é ta lé mi wuru sɔrafié.
51Izraɛl munu lé wo wo nɔnɔ, wo tɔnu lé ke bɛ: wa mi baa wuru do baa yɔ soru ’é ta lé mi wuru sɔraa yɔ suiɛdo wɔlɛ vu.
52Gakelebale we fe Moizi lɛ yé é léé: 53Wo dan tɛrɛ guli lɛ wo ma, yé é kɛlɛ wozé nya, wo tɔ ’léé yɛrama. 54Woan wo ’léé ke di, ’i fɛna blɛn nɔ wo lɛ, yé woan wo ’léé ke sɛ, ’i fɛna sɛ nɔ wo lɛ. ’Wo mi faa do do zé fɛna nɔ mi nɔnɔle ’léé yɛrama. 55Naa, tɛrɛ gulile é dan kɛlɛ lɛ ’munnu zunle nya. Wo dan a ye lɛ ’wozé nya wo tranu bɛn tɔ yɛrama. 56’Munnu zunle nya lé wo dan tɛrɛ guli lɛ, woan wo ’léé ke di, ’é valé woan wo ’léé ke sɛ, wo ma.
57Lévi munuan wo wo nɔnɔ wo gɔnɔla ma gɔnɔla ma, wo lé ke ’ko: Gɛɛsɔn lé é ke Gɛɛsɔn munu tra nya koo, Kéat lé é ke Kéat munu tra nya koo, Mérari lé é ke Mérari munu tra nya koo, woo lé. 58Lévi kulunu lé ke ’ko: Libini munu koo, Ébrɔn munu koo, Makli munu koo, Musi munu koo, Koré munu koo, woo lé. Kéat ɛ ke Amaram ti nya. 59Amaram na tɔ lé Lévi lu Jokébɛd. Wa yaa Lévi lɛ Éjipiti tɛrɛ la; Arɔn koo, Moizi koo, wo buru Mari koo, Jokébɛd wo yaa Amaram lɛ. 60Arɔn benu lé ke ’ko: Nadab valé Abiu koo, Éléazaa valé Itamaa koo, woo lé. 61Nadab valé Abiu ga, bléyian va lé wo go kyɛ bɛ nya Gakelebale ’lɛ, a bléyi va. 62Munu lé wo wo nɔnɔ, moné do gɔnénu faa valé gɔnénu lé wozé mini ’bɛ ta, wo ’léé a mi baa vu ta do, ’é ta lé mi wuru soru. Wo ’ka wo nɔnɔ lɛ Izraɛl munu va lo; wo ’ka wozé fɛ nɔ lɛ Izraɛl zé va lo, azama.
63Izraɛl munu lé Moizi valé Balebanzan Éléazaa wo nɔnɔ Moab lé fɛna pɛblɛɛna, Juudɛn yuu sɔnɔ, Jériko yarazia, wo lé ke bɛ. 64Izraɛl munuan Moizi valé Balebanzan Arɔn wo nɔnɔ Sinai bwi la, wo va mi do kpen ’ka wo va lo. 65Naa, Gakelebale a fe léé, wo faa é dan ga lɛ bwi gi; wo va mi do kpen ’ka dan vo lɛ lo, ’té dé é ’ka Jéfuné be Kalɛb valé Nɛn be Jozué nya lo, azama.
Currently Selected:
Mi Nɔnɔle 26: GOURU
Highlight
Copy
Compare
Share
Want to have your highlights saved across all your devices? Sign up or sign in
Alliance Biblique de Cote d'Ivoire 1979
