Mi Nɔnɔle 12
12
Mari valé Arɔn gun gyɛ
(2 BDWS 24:9; 2 MNzfs 26:16–21)
1Moizi Étiopi le do si é na nya. Mari valé Arɔn vo Moizi ma we blena Étiopi le lé é a si bɛ, alé we ma. 2Wo léé: Moizi do lɔlu nya lé Gakelebale éé we féé? É ’ka we fé é ziin ko lɔlu nya loo? Yé Gakelebale a ’ma. 3Naa, Moizi a bli tiéézan bozen nya, é mini tɛrɛlamunu faa la.
4Kele tɔɔn Gakelebale lé Moizi valé Arɔn valé Mari lɛ léé: ’Kaa mi yaa, ’ka go zén‐ékevasɔkɔn ’léé. Yé woo mi yaa go ana. 5Gakelebale zun lati pɔrɔlɔ gi, yé é dɔ sɔkɔn ’léé. É Arɔn valé Mari laa, yé woo mi fiénu bié. 6Yé é léé: ’Ka tɔné dɔ an dére lɛ é zima. Dé balelayezan kɛlɛ ka méléna, maa, Gakelebale, maa dan anbozen nagɔɔn lɛ ’bɛzan lɛ yuɛzi gi, maa dan we fe lɛ a lɛ nyɛ fla. 7An wuozan Moizi zé ’ka ’bɛ zo lo. É a yarapawelazan nya anlé we faa gi. 8Ko valé yee éé we fé ko ke lɛ kpaklaa, ’té we yɔɔle ’ka a gi lo, yé maa, Gakelebale a fɛan zo, éé a yé. Mɛmalé ka ’ka kanaan we fele ma an wuozan Moizi ma loo?
9Gakelebale bli fli wo ma yé é go. 10Lati si sɔkɔn ta. Yé bé ye, pantɛn zén Mari ma yé a kɔlɛ kɛlɛ fu wuruluu kyɛyee zo. Arɔn yara nɔla Mari va, ’té pantɛn zén a ma. 11’Bɛ zuo, Arɔn lé Moizi lɛ léé: Anzan, ilé zanté, wenyané lé ko a kɛlɛ ’tu nya, yé ko kɛlɛ a gi wegyɛzannu nya, té bé dɔ ko nwiin lo. 12Yuu! té Mari zé é kɛlɛ bélé né sɛrɛle lé wa yaa bléyian va, ’té é a é gale yé a nɛ ke ma pɛlo, a zo lo. 13Moizi siaa Gakelebale lɛ léé: Oo Bale, ilé zanté, ’i le ’ko béli ma. 14Yé Gakelebale lé Moizi lɛ léé: Dé é kɛlɛ léé, a ti é ’léli vɔ a yara é pla, ’té é ’ka dan kɛlɛ lɛ yaragyɛzan nya yi sɔrafié gi loo? ’É vo fla gini ma yi sɔrafié. ’Bɛ zuo é dan zi ye lɛ. 15Mari vo fla gini ma yi sɔrafié, yé munu ’ka soowɔla lɛ lo fɔɔ yé Mari wɔra wo va.
16’Bɛ zuo, munu si Asérɔt yé wo sɔkɔnnu dɔ Paran bwi la.
Currently Selected:
Mi Nɔnɔle 12: GOURU
Highlight
Copy
Compare
Share
Want to have your highlights saved across all your devices? Sign up or sign in
Alliance Biblique de Cote d'Ivoire 1979
