Fwile 22
22
1Dé dirigɔné léé, dé ’blané léé, dé mi do a sia kyeen nya yé é a bɔrɔ bo yé é a dan, é dan dirigɔné soru nɔ lɛ dirigɔné pa gi, yé é dan ’blané ziɛn nɔ lɛ ’blané pa gi. 2-4É dan a lɛgi nɔ lɛ; dé we do ’ka a lee lo, wo dan a dan lɛ alé kyeenwole we ma. Dé dirigɔné léé, dé sokofale léé, dé ’bla léé, dé é a kyeenwo yé wo bɔ a ma a lee, é yuɛma, é dan a lɛgi nɔ lɛ fié. Dé wo bɔ kyeenzan ma kyeenwona kɔn ’wiile nya, dé wa gyɛ yé é ga, wo ’ka dan migyɛwe dɔ lɛ wo nwiin lo; naa, dé yiéyi lé, wo dan migyɛwe dɔ lɛ wo nwiin.
5Dé mi do féi do gifɛnu sɛrɛ, taa, dé é dɔrɔféinu sɛrɛ, dé ’élé winu vo, léé, ’wo mi bɛ lé féifɛnu ble, é dan a lɛgi nɔ lɛ élé féifɛ zima valé élé dɔrɔféifɛ zima nya.
6Dé kyɛ do lɛ si yé é vɔ klala ’léé, dé ’sazun léé, dé ’saféi léé, dé féi boen léé, dé kyɛ a ble, kyɛvɔzan é dan a banwo lɛ.
7Dé gɔɔli léé, dé fɛnu léé, dé mi do a yɔɔ mi bɛ va, dé wo wo sia kyeen nya ’bɛzan lé kɔn gi yé wo kyeenzan ye, é dan a lɛgi nɔ lɛ fié. 8Dé wo ’ka kyeenzan ye lɛ lo, kɔnzan é dan da lɛ Kazambale ’lɛ, a fele we gi léé, ’é ’ka é bɔluzan lé fɛnu si lɛ lo.
9Dé dirigɔné léé, dé sokofale léé, dé ’blané léé, dé sɔ léé, dé é a fɛofɛan nya yé é san yé wo bɔa a fele lɛ léé, yee lé ke bɛ, dé dabliwe kɛlɛ wo do lé we gi, mi fié ’ko lé we é dan go lɛ fɔɔ Kazambale va; mi lé Kazambale a gyɛ we nya é dan a lɛgi nɔ lɛ é bɔluzan lɛ gɔnɔ fié.
10Dé sokofale léé, dé dirigɔné léé, dé ’blané léé, dé é a wiowian nya, dé mi do a bɛ pa mi do lee alé yuɛpale a ta we gi, dé wi ga, ɛɛ, dé a mɛn do yéli, ɛɛ, dé wa kyeenwo yé mi ’ka a ye lɛ lo, 11Gakelebale ’nyɔɔnle ɛ dan we ’ko yuɛ gi bo lɛ, yé mi lé é yuɛ pa wi va é dan a fe lɛ léé, ’é ’ka é bɔluzan lé fɛ si lɛ lo; wizan é dan bale ’nyɔɔnle ’ko nyi si lɛ yé a koɛzan ’ka dan a lɛgi nɔ lɛ lo. 12Naa, dé wo wi kyeenwo a lee, é dan a lɛgi nɔ lɛ azan lɛ. 13Dé wi ma mian yé é tuo, é dan a nagɔɔn lɛ wenayefɛ nya, yé é ’ka dan a ma mianle banwo lɛ lo.
14Dé mi do é bɔluzan lé wi do laa é lee, nyanama pale we ma, yé wi ’ko, dé a mɛn do yéli, taa, dé é ga, yé azan ’ka ana lo, é dan a lɛgi nɔ lɛ. 15Dé azan ana, é ’ka dan a lɛgi nɔ lɛ lo. Dé é wi ’ko si luéma nya, a banwo gɔɔli é dan vo lɛ a ’léé.
16Blɛnzan lé é ’ka tan gɔné dɔɔ lɛ lo, ’té a bwɛ ’ka lo, dé mi do dabli kɛlɛ a lɛ yé é yi gyɛ a va, é dan a bo lɛ yé é dan a si lɛ é na nya. 17Dé a ti ’ka a nɔle a lɛ nyi si lɛ lo, é dan gɔɔli nɔ lɛ, blɛnnu lé wo ’ka tan gɔné dɔɔ lɛ lo, wo bogɔɔli ’léé nya.
18Té ka yokɛlɛlezan vo é yuɛma lo.
19Dé mian yi gyɛ wi va, wo dan ga dɔ lɛ a nwiin.
20Mian éé bale bɛnu baan Gakelebale pa gi, wo dan a si lɛ tɛrɛ la tata.
21Té i nyané pa bɛn ta lo; té i kle pa wo ta lo; naa, ka a turu bɛnnu nya Éjipiti tɛrɛ la.
22Dé zanagalale léé, dé bu valé tigala né léé, té i nyané pa wo ta lo. 23Dé i nyané pa wo ta, dé wo da maa va, maa dan tɔné dɔ lɛ wolé siaalenu lɛ; 24an bli é dan fli lɛ yé maa dan ka gyɛ lɛ gwɔun nya; ka nanu é dan kɛlɛ lɛ zanagala lomu nya, yé kalé nénu é dan kɛlɛ lɛ bu valé tigala nénu nya.
25Dé i drɔn pa anlé munu ma, nyanégyɛzan lé ke i va, a ma, té i vɛɛn pa a ma plɛplɛ lo, té i gɔɔlipamale si a lee lo.
26Dé i bɔluzan élé sɔ dɔ i lɛ, bé nɔ a lɛ é ziin yiri vɔle ’lɛ; 27naa, atasɔ do kpen lé, sɔ lé éé a zén‐é é kɔlɛ ta, yee lé; é dan yi gyɛ lɛ mɛ nya é taa? Dé é siaa an lɛ, maa dan a ’ma lɛ, maa a nyanaizénzan nya, azama.
28Té i bale pa Kazambale ma lo; té i bale pa ilé munu nwiinzan ma lo.
29Té i mɔn ilé féifɛ vininnu valé ilé dɔrɔféifɛ vininnu nɔna an lɛ lo. Ilé né vinin lé ke gɔné nya, i dan a nɔ lɛ an lɛ. 30I dan ilé diri valé ilé ’bla lé né vinin nɔ lɛ an lɛ é ziin; é dan vo lɛ é bu va yi sɔrafié; a yi sɔraazan nya, yé ’i da a nya an lɛ.
31’Ka kɛlɛ anzé munu sauunnu nya ma. Wi lé winu a ma mian bwi gi, té ka a ble lo. ’Ka a vuli blénnu lɛ.
Currently Selected:
Fwile 22: GOURU
Highlight
Copy
Compare
Share
Want to have your highlights saved across all your devices? Sign up or sign in
Alliance Biblique de Cote d'Ivoire 1979
