Bélidɔwesɛbɛ Fiézan 20
20
Sunyanu sile
(WBZ 7:2–7; 2 Tim 2:3–4)
1Dé ka guli dan ka nyanézannu va, yé ka wisoonu valé goronu ye, yé ka léé, wo kiɛre mini ’wo ta, té ka kana wo lee lo; naa, Gakelebale, kalé Bale lé é ka si Éjipiti tɛrɛ la, é a ka va, azama.
2Dé gulidanbléyi pa, Balebanzan é dan bié lɛ yé é dan we fe lɛ munu lɛ. 3É dan a fe lɛ wo lɛ léé: Izraɛl, ’ka tɔné dɔ. Ka a gona guli danna kyɔ ka nyanézannu va. Té ka bli kyɛ é dɔ lo; té kana é zén ka gi lo, té di é kini ka gi lo; té ka gi nyɛ é kini wolé we ma lo. 4Naa, Gakelebale, kalé Bale a tawona ka va, gulidanle we gi ka nyanézannu va, ’bɛ valé ka bélile we gi.
5’Bɛ zuo, guli zilɛzannu wo dan we fe lɛ munu lɛ léé, mi kyɛn ɛ kɔn dɛrɛ dɔ yé é ’ka tan nyana lɛ a gi loo? ’É diéra yé ’é go ’élé kɔn ’léé, dé guli é da a gyɛ yé mi bɛ é nyana alé kɔn gi. 6Mi kyɛn ɛ dɔrɔféi pa, yé é ’ka tan a poro vinin so lɛ loo? ’É diéra yé ’é go ’élé kɔn ’léé, dé guli é da a gyɛ yé mi bɛ alé dɔrɔporo vinin so. 7Mi kyɛn ɛ le pu dɔ yé é ’ka tan a si lɛ loo? ’É diéra yé ’é go ’élé kɔn ’léé, dé guli é da a gyɛ yé mi bɛ a le si. 8Guli zilɛzannu é dan vo lɛ we fena munu lɛ léé, kana a mi kyɛn gi yé a fuu si a taa? ’É diéra yé ’é go ’élé kɔn ’léé, té fuu ’é si a bwenu ta bélé azé zo lo. 9Dé guli zilɛzannu nyaa wefele nya munu lɛ, wo dan sunyanu palu nwiinzannu dɔ lɛ munu ’lɛ.
Flanu sibɛ
(2 BDWS 7:1–5, 16)
10Dé ka bié fla do sɔnɔ gulidanle a va we gi, ’ka fe ana munu lɛ léé, ’ka vo drɔɔ. 11Dé wo vole drɔɔ nyi si yé wo flagɔrɔ lɛ so ka lɛ, ana munu faa é dan pla lɛ ka wuo yé wo dan kalé nyanama pa lɛ. 12Dé wo ’ka vole drɔɔ nyi si lɛ ka lɛ lo, yé é sɔ wo lɛ léé, ’wo guli dan ka va, ’ka fla mabɛn. 13Dé Gakelebale, kalé Bale wo pa ka lee faa, ka dan gɔnénu faa gyɛ lɛ gwɔun nya. 14Naa, lomu koo, nénu koo, winu koo, fɛ faa lé ke fla koo, ’ka ’bɛ faa si; wo faa a gulizarafɛ nya, yé ka nyanézannu lé Gakelebale, kalé Bale a pa ka lee, ka dan wo leefɛ ble lɛ. 15Flanu lé ke ka ma baa, ’té wo ’ka bɛn ’konu lé flanu nya lo, ’bɛ zo lé ka dan a kɛlɛ lɛ wo faa lɛ. 16Naa, bɛnnu lé Gakelebale, kalé Bale a wolé tɛrɛnu nɔna ka lɛ tɔnɔfɛ nya, dé fɛofɛan ke flinna, té ka a vo é yuɛma lo. 17Étinu koo, Amorénu koo, Kanaannu koo, Férézinu koo, Éévinu koo, Jébusinu koo, ’ka munu ’ko gyɛ, Gakelebale, kalé Bale a fe ka lɛ fɛan zo, a zo. 18Dé ka kɛlɛ a zo, wolé bozowenu lé wa kɛlɛna wolé balebɔwenu nya bɛ, ka ’ka dan wo zuosona lɛ lo, yé ka ’ka dan wenyané kɛlɛ lɛ Gakelebale, kalé Bale ma lo.
19Dé ka a guli danna fla do va, yé ka mɔn wo mabɛnna, té ka ana yilinu sɛrɛ kalé zaanu nya lo; ’ka wo mafɛ ble é wo, té ka wo vɔ lo; féiyilinu a mi nya laa, yé ka guli dan wo vaa? 20Naa, yilinu lé mi ’ka womafɛ blé lo, a se a ka lɛ léé, ka wo vɔ yé ka wo kɛlɛ gulidanfɛ nya, fla lé ka ke gulidanna a va, a ma, fɔɔ yé é yɔfalo fu nwa ka lɛ.
Currently Selected:
Bélidɔwesɛbɛ Fiézan 20: GOURU
Highlight
Copy
Compare
Share
Want to have your highlights saved across all your devices? Sign up or sign in
Alliance Biblique de Cote d'Ivoire 1979
