Titus 3
3
Dit 3. Kapitel.
1Formåne jam, dat ja di Försten en Obrigheid önderdån en gehorsam sen, tö alle gud Werken wellig.
2Nemmen last, ek kiwe, sennig wīs, al Sagtmudigheid bewise tögen alle Mensken.
3For wü wiär uk tövoaren ünforständig, ünfölligsom, forwildjigt, di Lesten en Wellest heniwen, en wandelt ön Bosheid en Nidskheid, en håtet arküder.
4Mar da kam di Gudheid en di Lewde van Gott üs Seligmåker ön Sjün.
5Ek aur di Werken üt di Geregtigheid, welk wü dön hå, mar eter sin Barmhartigheid måket hi üs selig dör dit Bad tö di Wedergeburt en Nimåking dör di hellig Geist.
6Welk hi rikkelk ütgöten hed üp üs dör Jesus Kristus, üs Seligmåker.
7Omdat wü dör disallew Gnad rogtfârdig sen, en Arwing tö dit ewig Lewent eter di Höp.
8Dit es wes wår: Ik wel dat dü Sok standhaft lirst, omdat danen welk ön Gott glowig uden sen, me Iärnst en Iwer strewe gud Werken tö forrogten. Sok es gud en net foar di Mensken.
9Mar hoald di fri van dössig Frågen, di Ofstammings-Berekening, di Krakel en Strid aur di Wet; for dit al es nönt wert.
10En kettersk Mensk formide, wan hi jenlop, en weder en üderlop formånet uden es.
11En wet, dat sajen forkirt es en sik forsendigt, en mut sik sallew forordile.
12Wan ik Artemas of Tychicus tö di stjür, da kom hastig tö Nikopolis tö mi, for ik ha mi voarnommen, di Wunter aur diär tö bliwen.
13Befördere Zenas, di Skreftgeliärter, en Apollon sörrigfoaldig, omdat ja nönt wånt.
14Let uk üs Lid lir, dat ja iwrig sen, om gud Werken tö forrogten, al hur di üdern dit nödig ha, omdat ja ek ünfrugtbar sen.
15Al dânen, diär bi mi sen, let di grot. Gröt al danen, welk üs lew hå ön di Glōw. Di Gnād wis me ju al! Amen.
Currently Selected:
Titus 3: NFNT
Highlight
Share
Copy
Want to have your highlights saved across all your devices? Sign up or sign in
Translated by Peter Michael Clemens (1804-1870)
