Filemon 1
1
1Paulus, en Gefangener van Jesus Kristus, en Timotheus, di Brödher, on Filemon, üs lew Mearbeider.#1.1 Helper.
2En Appia, di lew Wüf, en Archippus, üs Mestrider, en dit Geminte ön din Hüs.
3Gnade wis me ju en Fred van Gott, üs Våder, en di Herr Jesus Kristus.
4Ik danke min Gott, en tänk altid om di ön min Gebet.
5Eter dat ik hir van di Lewde en di Glow, welk dü hest ön di Herr Jesus, en tögen alle Helligen.
6Dat din Glōw, diär wü me arküder ha, ön di sin Kraft bewiset, dör Känels van al dit Guds, wat I hå ön Kristus Jesus.
7Mar wü ha gurt Frügged en Trost aur din Lewde, for di Helligen jår Harten sen erkwikket uden dör di, lew Brödher.
8Diärom, alhurwel ik gurt Frügged ön Kristus ha, di tö befjälen, wat di gebört.
9Da wel ik dag di bed ön di Lewde, sa üs ik sen, Paulus, en oald Man, mar nu uk en Gefangener van Jesus Kristus.
10Ik bed di da om min Seens wel, Onesimus, welk ik töwonnen hå ön min Banden.
11Diär tövoaren foar di ünnet wiär, mar nü foar di en mi wel net es, höm ha ik wederstjürt.
12Mar dü wedt höm, hi es min ein Hart, âpnem.
13For ik wild höm bi mi behoald, dat hi mi ön din Steid tinet ön di Banden van-t Evangilje.
14Mar sönder din Wel wild ik nönt dö, omdat din Guddön ek üs en Twong wis skuld, mar friwellig.
15Meskin es hi diärom en Tidlung van di of wessen, omdat dü höm ewig weder hå skudt.
16Nü ek moar üs en Tinstknegt, mar moar üs en Tinstknegt, en lew Brödher, senderlik mi, mar om hur vul moar di, bid ön dit Flēsk en ön di Herr.
17Wan dü mi nü haltst foar din Frindj, da nem ik ön, dat dü höm âpnem wedt, alliküs mi sallew.
18Mar wan hi di wat Skåd dön hed, of di wat skildjig es, dit rekene mi tö.
19Ik Paulus ha dit skrewwen me min ein Hund, ik welt betåle; omdat ik ek ederst si, dat dü mi wat skildjig best.
20Ja, lew Brödher! gön mi, dat ik mi aur di frügge ön di Herr, erkwikke min Hart ön di Herr.
21Ik hå ön Fortruen tö di Fölligsomheid ön di skrewwen, foar ik wēt, dü wedt moar dö, üs ik si.
22Me ditsallew bereite mi en Herbârig; for ik höpe, dat ik dör ju Bödig ju skǟnkt ud.
23Epafras, min Megefangener ön Kristus Jesus, gröt di.
24Markus, Aristarchus, Demas, Lukas, min Helpers.
25Di Gnad van üs Herr Jesus Kristus wīs me ju Geist!
Amen.
Currently Selected:
Filemon 1: NFNT
Highlight
Share
Copy
Want to have your highlights saved across all your devices? Sign up or sign in
Translated by Peter Michael Clemens (1804-1870)
