Titus 2
2
Dit 2. Kapitel.
1Dag lir dü, let din Forstand betäm eter di gottselig Lir.
2Di Oalden dat ja nügtern sen, iärbår, iärnsthaftig, sünd ön di Glōw, ön di Lewde, ön di Geduld.
3Alliksa di oald Wüffen, dat ja sik stel, üs-t sik skekket foar di Helligen, dat ja Nemmen besnakke, ek Win süp, mar gud Liren iw.
4Omdat ja di jung Wüffen lir, küsk tö wisen, jar Måner lew hå, en di Biärner lew hå.
5Beskiden, skåmhaftig, hüsselk, mild, jår Måner önderdan, omdat ek aur Gottes Urd spottet ud.
6Formåne alliksa di jung Måner tö en skekkelk Âpföring.
7Allerwegen stel di sallew tö en Voarbild van gud Dåden, me en rin Lir, me Iärbarheid.
8En sünd Lir, welk ek tö lasten es, omdat di Tögenspreker sik skåme mut, en nönt Arigs om üs etersi kjen.
9Di Tinstknegter, dat ja jar Herren önderdånig sen, ön alle Dingen wellig sen, en nönt öntögen si.
10Nönt foröntru, mar al gud Truheid bewise, omdat ja di Lir van Gott, üs Seligmåker, ön Alles sire.
11For Gottes Gnåd tö üs Seligheid es ön Sjün kjemmen.
12En halt üs iärnsthaft ön, dat wü di Gottloasheid en di Begjärligheiden eter di Wârld forlögne skel, sik ön Tügt hoald, rogtfardig en gottselig lewwe ön dös Wârld.
13En tew eter di selig Höpning en Sjün van di Herligheid, hurön Gott en üs Selikmaker Jesus Kristus stråle.
14Diär sik sallew heniwen hēd, omdat hi üs erlöset van al Üngeregtigheid, en helligt sik sallew en ein Volk, wat flitig es ön gud Werken.
15Lir dit en formåne, en strafe me al Iärnst. Let di van Nemmen foragte.
Currently Selected:
Titus 2: NFNT
Highlight
Share
Copy
Want to have your highlights saved across all your devices? Sign up or sign in
Translated by Peter Michael Clemens (1804-1870)
