Titus 1
1
Dit 1. Kapitel.
1Paulus, en Knegt Gottes, mar en Apostel Jesus Kristus, eter di Glōw van di Ütkwoarten Gottes, en di Känels van di Wårheid, tö di Gottseligheid.
2Ön di Höp van-t ewig Lewent, wat Gott, diär ek lög kjen, tölöwet hed, van Warlds-Begen van Ewigheid.
3Mar hed nü tö sin Tid ipenbåret sin Urd dör di Prötji, welk mi önbetrut es eter di Befel van Gott, üs Seligmaker.
4Ön Titus, min rogtskaffen Seen, eter di Glow van unk biding, Gnåde, Barmhartigheid, Fred van Gott, di Våder, en di Herr Jesus Kristus, üs Seligmåker.
5Diärom let ik di ön Kreta bliw, omdat dü diär foar vol inrogst, wan er jit wat wånt, en hen en weder ön di Städer Olderlid önsätst, üs ik di befälen ha.
6Wan er Jen ünbeskildjigt es, jens Wüfs Man, diär glowige Biärner hēd, ek ön di Berōp stånt, dat hi rökloas es, of dat hi ek harke wel.
7For en Biskop skel ünbeskildjigt wis, üs Gottes Hüshoalder, ek einhaudet, ek legt wrēd, nin Winsüpper, ek pogge, ek üniärelk Handtiring driw.
8Mar gastfri, diär hold Gud däd, en sik sallew beherske kjen, rogtfârdig, hellig, küsk.
9En diär fast halt ön dit Urd, wat wes es, en diär lir kjen, omdat hi magtig es tö formånin dör di sünd Lir, en di Tögensprekers aurtjüg kjen.
10For diär sen vul freg en rökloas Krakelers#1.10 Pråtjers en Forförers, senderlik dânen van di Beskjäring.
11Danen mut em di Müd stoppe. Ja forwirre hil Hüsing, en lir, wat nönt dogt, om skandelk Gewenst diärvan tö håen.
12Jen van ja rein Profeten hed van jam said: Di Kreter sen stidigs Lögner, arig Besten, en lai Bükken.
13Dit Tjügnis es wår. Diärom bestråfe jam sträng, omdat ja sünd wis mai ön di Glow.
14En dat ja ek agte üp di jüdisk Fabeln en Geboten van di Mensken, welk van di Wårheid ofwik.
15Foar de Rinen es Alles rin; mar foar di Ünrinen en Ünglowigen es nin Ding rin, mar jar Sen en Geweten sen ünrin.
16Ja iw voar, dat ja Gott kan, mar me jar Werken forlögne ja höm. Gott hēd en Grul voar jam, ja harke ek, en sen üntügtig tö alle gud Werken.
Currently Selected:
Titus 1: NFNT
Highlight
Share
Copy
Want to have your highlights saved across all your devices? Sign up or sign in
Translated by Peter Michael Clemens (1804-1870)
