2 Timotheus 4
4
Dit 4. Kapitel.
1Nü betjug ik voar Gott en di Herr Jesus Kristus, diär ön di Tökomst di Lewendigen en di Doaden rigte skel, wan hi ön Sjün en me sin Regiment komt.
2Prötje dit Urd, hoald ön, hat mai da wis tö rogter Tid, of tö Üntid, wise törogt, trüwwe, formåne me al Geduld en Lir.
3For diär wel en Tid kom, dat ja di sünd Lir ek fordrai kjen, mar eter jår ein Lest wel ja jam sallew Liärers forskaffe, sa üs jam di Oaren jöke.
4En ja wel di Oaren van di Wårheid ofwänd, en sik tö di Fabeln henwänd.
5Mar wis dü allerwegen wakker ön alle Dingen, lid Bedrük, dö dit Werk üs en evangelisk Pröst, forrogt din Amt redelk.
6Ik ud al åwert, en di Tid es naibi, dat ik ofskäd mut.
7Ik ha en gud Kamf kämfet, en ik hå min Lewentslōp voljendigt, ik hå di Glōw behölden.
8Diärom es mi uk di Kron van di Rogtfardigheid töleid uden, welk di Herr, di rogtfardig Rigter, /mi/ üp di jungst Dai iw wel; ek alining mi, mar uk al dânen, welk sik tö sin Wederkomst frügge.
9Haste, dat dü bald tö mi komst.
10For Demas hēd mi forletten, en hēd dös Warld lew wonnen, en es nå Thessalonik gingen; Crescens nå Galatien, Titus nå Dalmatien.
11Lukas es alining bi mi. Markus nem tö di, en bring höm me di; for ik kjen höm brük tö min Tinst.
12Tychicus hå ik tö Efesus stjürt.
13Di Mantel, welk ik bi Carpus ön Troada ha li letten, bring me, wan dü komst, en di Bokker, mar senderlik dit Pergament.
14Alexander, di Smäd, hēd mi vul Arig bewiset. Di Herr betåle höm eter sin Werken.
15Voar danen nem di uk ön Agt; for hi hed üs Urden vul wederstönden.
16Ön min jest Forswåring stönder Nemmen mi bi, mar ja forlet mi altermal. Hat mai jam ek törekent ud.
17Mar di Herr stönd mi bi, en starkt mi, omdat dör mi di Prötji forsekert ud, en alle Heiden dit hjert. En ik sen reddigt uden üt di Löw sin Raggen.
18Mar di Herr wel mi erlöse van al di Liden, en üthelp tö sin Hemmelrik; höm skel di Iär wis van Ewigheid tö Ewigheid. Amen.
19Gröt Priska en Aquila, en dit Hüs van Onesiforus.
20Erastus blew ön Korinth, en Trofimus ha ik ön Milete krånk bliw letten.
21Make Hast, dat dü voar di Wunter komst. Eubulus en Pudens gröt di, en Linus, en Claudia en alle Brödhern.
22Di Herr Jesus Kristus wis me din Geist. Di Gnad wis me ju al! Amen.
Currently Selected:
2 Timotheus 4: NFNT
Highlight
Share
Copy
Want to have your highlights saved across all your devices? Sign up or sign in
Translated by Peter Michael Clemens (1804-1870)
