Ipenbaring 7
7
Dit 7. Kapitel.
1En diäreter sag ik vjur Engeler stunen ön di vjur Hokker van di Örd, omdat er nin Windj üp di Örd weit, nog üp di See, nog tögen en iningst Bōm.
2En ik såg en üder Engel âpkommen van Sens Apgang, di hed dit Segel van di lewendig Gott, en hi röp me en gurtem Stem tö di vjur Engeler, welk di Magt iwen es, om Fordârew aur Lönd en See tö bringen.
3En hi sprok: Beskådige ek dit Lönd, nog di See, nog di Bomer, tödat wü us Gottes Tinstknegter forsegelt fo üp jår Voarhaud.
4En ik hjert di Öntal van dânen, diär forsegelt#7.4 betekent wåd, höndert vjur en vjärdig düsend, diär forsegelt wiär van alle Stammer, diär tö Israels Biärner hir.
5Van Judas Stam twellew düsend forsegelt. Van Rubens Stam twellew düsend forsegelt. Van Gads stam twellew düsend forsegelt.
6Van Asers Stam twellew düsend forsegelt. Van Naphtalis Stam twellew düsend forsegelt. Van Manasse Stam twellew düsend forsegelt.
7Van Simeons Stam twellew düsend forsegelt. Van Levis Stam twellew düsend forsegelt. Van Isaskars Stam twellew düsend forsegelt.
8Van Sebulons Stam twellew düsend forsegelt. Van Josefs Stam twellew düsend forsegelt. Van Benjamins stam twellew düsend forsegelt.
9Diäreter sag ik, en se, en gurt Kär, welk Nemmen täl kjen, üt alle Heiden, en Stammen en Volken, en Moalen, diär stond voar di Tron en voar dit Lum, me wit Kloader öntein, en Palmtwiggen ön jår Hunden.
10Ja röp me gurtem Stem, en sprok: Di Seligheid hjert üs Gott, diär üp di Tron set, en dit Lum!
11En alle Engeler stond rundom di Tron, en om di Olderlid, en om di vjur Dirten, en fäl djäl voar di Tron üp jar Ansegt, en bödigt Gott ön.
12En sprok: Amen! Low, en Iär, en Wisheid, en Dank, en Pris, en Kraft, /en Stärkte/ wis üs Gott, van Ewigheid tö Ewigheid! Amen.
13En jen van di Olderlid swåret, en sprok tö mi: Hokken es dit me wit Kloader öntein? En hurvan sen ja kjemmen?
14En ik sprok tö jam: Herr! dü wētst et. En hi said tö mi: Dössen sent, diär kjemmen sen üt gurt Bedrük, en ha jår Kloader tauet, en ha jår Kloader lägt måket on dit Blöd van dit Lum.
15Diärom sen ik ja voar Gottes Tron, en tine höm Nagt en Dai ön sin Tempel. En di, diär üp di Tron set, wel sin Skar aur jam ütbrede.
16Ja skel ek moar hungere, en ek moar törstig wis, uk di Sen skel ek moar üp jam fål, of en üder Hit.
17For dit Lum, wat ön di medden, van di Tron es, wel jam weide, en henleite tö di lewendig Weter-Soad; en Gott wel al jar Toaren ofdrügge van jar Ogen.
Currently Selected:
Ipenbaring 7: NFNT
Highlight
Share
Compare
Copy
Want to have your highlights saved across all your devices? Sign up or sign in
Translated by Peter Michael Clemens (1804-1870)
