Ipenbaring 6
6
Dit 6. Kapitel.
1En ik såg, dat dit Lum jen van di Segeler ipen måket; en ik hjert, dat jen van di vjur Dirten said, üs me en Tönder=Stem: Kom, en se!
2En ik sag, en se, en wit Hingst, en di, welk diärüp set, hed en Bōg; en höm wad en Kron iwen, en hi tōg üt, om tö aurwennen, en omdat hi aurwoan.
3En diär-t dit üder Segel breken hed, hjert ik dit üder Dirt sien: Kom, en se tö!
4En diär ging en üder Hingst üt, wat road wiär, en hom, welk diärüp sēt, wåd di Magt iwen, di Fred van di Örd tö nemmen, en dat ja arküder doad slå skuld; en höm wad en gurt Swärt iwen.
5En diär-t dit träd Segel ipen maket, hjert ik dit träd Dirt sien: Kom en se tö! En ik sag, en se, en sūrt Hingst, en di, welk diärüp sēt, hed en Wegt ön sin Hund.
6En ik hjert en Stem medden mung di vjur Dirten sien. Jen Måt Weten foar jen Panning, en tri Måt Berre foar jen Panning; en dit Öli en Win skedt dü ek beskådige.
7En diär-t dit vjårt Segel brok, hjert ik di Stem van dit vjart Dirt, di said: Kom, en se!
8En ik sag, en se, en måsig Hingst, en di, welk diärüp ssēt, sin Nōm hjit Doad, en di Hel fölligt höm eter. En jam wåd di Magt iwen, om dit vjart Dil üp di Örd doad tö slåen me dit Swärt, en me Hunger, en me di Doad en dör di Dirten üp di Ord.
9En diär-t dit füft Segel ipent hed, sag ik onder di Ålter di Selen van dânen, diär wirrigt uden wiär om di wel van Gottes Urd, en om dit Tjügnis wel, wat ja hed.
10En ja röp me en gurtem Stem, en sprok: Herr! dü Hellig en Wårhaftig; hur lung rogst dü, en wrögest ek üs Blöd ön dânen, diär üp di Örd une?
11En Ark van jam wåd en wit Kload iwen, en diär wåd tö jam said: dat ja jit en kurt Tid röst#6.11 wile küd, tö dat di Tal van jar Meknegter en Brödhern diärtö kam, welk uk jit doad slain ud skuld, alliküs ja.
12En ik såg, dat et dit sogst Segel brok, en se, diär kam en gurt Ördsjilwin, en di Sen wåd surt üs en hiren Sak, en di Mun wad üs Blöd.
13En di Stiären fäl van Hemmel djäl üp di Ord, üs en Figenbōm sin Figen ofsmet, wan hi van en hart Windj beweget ud.
14En di Hemmel wek weg alliküs en Bok, wat töhoprollet wiär, en alle Bâriger en Eilönden wåd beweget van jar Steider.
15En di Könninger üp di Örd, en di Försten, en di Rikken, en di Oppersten, en di Magtigen, en alle Knegter, en alle Frien, forboarg sik ön di Spleten en Kleppen ön di Bâriger.
16En sprok tö di Bâriger en Kleffen: Fål üp üs, en forbârige üs voar sin Ansegt, diär üp di Tron set, en voar dit Lums Törn.
17For di gurt Dai van sin Törn es kjemmen, en hokken kjen bestun?
Currently Selected:
Ipenbaring 6: NFNT
Highlight
Share
Compare
Copy
Want to have your highlights saved across all your devices? Sign up or sign in
Translated by Peter Michael Clemens (1804-1870)
