Popular Bible Verses from Ipenbaring 7

Share

Diäreter sag ik, en se, en gurt Kär, welk Nemmen täl kjen, üt alle Heiden, en Stammen en Volken, en Moalen, diär stond voar di Tron en voar dit Lum, me wit Kloader öntein, en Palmtwiggen ön jår Hunden.

Ja röp me gurtem Stem, en sprok: Di Seligheid hjert üs Gott, diär üp di Tron set, en dit Lum!

For dit Lum, wat ön di medden, van di Tron es, wel jam weide, en henleite tö di lewendig Weter-Soad; en Gott wel al jar Toaren ofdrügge van jar Ogen.

Diärom sen ik ja voar Gottes Tron, en tine höm Nagt en Dai ön sin Tempel. En di, diär üp di Tron set, wel sin Skar aur jam ütbrede. Ja skel ek moar hungere, en ek moar törstig wis, uk di Sen skel ek moar üp jam fål, of en üder Hit.

En hi sprok: Beskådige ek dit Lönd, nog di See, nog di Bomer, tödat wü us Gottes Tinstknegter forsegelt fo üp jår Voarhaud. En ik hjert di Öntal van dânen, diär forsegelt wåd, höndert vjur en vjärdig düsend, diär forsegelt wiär van alle Stammer, diär tö Israels Biärner hir.