Popular Bible Verses from Ipenbaring 6

Share

En ik sag, en se, en måsig Hingst, en di, welk diärüp ssēt, sin Nōm hjit Doad, en di Hel fölligt höm eter. En jam wåd di Magt iwen, om dit vjart Dil üp di Örd doad tö slåen me dit Swärt, en me Hunger, en me di Doad en dör di Dirten üp di Ord.

En ik sag, en se, en wit Hingst, en di, welk diärüp set, hed en Bōg; en höm wad en Kron iwen, en hi tōg üt, om tö aurwennen, en omdat hi aurwoan.

En diär-t dit füft Segel ipent hed, sag ik onder di Ålter di Selen van dânen, diär wirrigt uden wiär om di wel van Gottes Urd, en om dit Tjügnis wel, wat ja hed.

En ja röp me en gurtem Stem, en sprok: Herr! dü Hellig en Wårhaftig; hur lung rogst dü, en wrögest ek üs Blöd ön dânen, diär üp di Örd une? En Ark van jam wåd en wit Kload iwen, en diär wåd tö jam said: dat ja jit en kurt Tid röst küd, tö dat di Tal van jar Meknegter en Brödhern diärtö kam, welk uk jit doad slain ud skuld, alliküs ja.

En diär ging en üder Hingst üt, wat road wiär, en hom, welk diärüp sēt, wåd di Magt iwen, di Fred van di Örd tö nemmen, en dat ja arküder doad slå skuld; en höm wad en gurt Swärt iwen.

For di gurt Dai van sin Törn es kjemmen, en hokken kjen bestun?

En ik såg, dat et dit sogst Segel brok, en se, diär kam en gurt Ördsjilwin, en di Sen wåd surt üs en hiren Sak, en di Mun wad üs Blöd. En di Stiären fäl van Hemmel djäl üp di Ord, üs en Figenbōm sin Figen ofsmet, wan hi van en hart Windj beweget ud.

En diär-t dit träd Segel ipen maket, hjert ik dit träd Dirt sien: Kom en se tö! En ik sag, en se, en sūrt Hingst, en di, welk diärüp sēt, hed en Wegt ön sin Hund. En ik hjert en Stem medden mung di vjur Dirten sien. Jen Måt Weten foar jen Panning, en tri Måt Berre foar jen Panning; en dit Öli en Win skedt dü ek beskådige.

En di Hemmel wek weg alliküs en Bok, wat töhoprollet wiär, en alle Bâriger en Eilönden wåd beweget van jar Steider. En di Könninger üp di Örd, en di Försten, en di Rikken, en di Oppersten, en di Magtigen, en alle Knegter, en alle Frien, forboarg sik ön di Spleten en Kleppen ön di Bâriger.