1 Petrus 1
1
Dit 1. Kapitel.
1Petrus, en Apostel van Jesus Kristus, ön di ütwälet Främenden, diär ombistrit sen ön Pontus, Galatien, Cappadocien, Asien en Bithynien.
2Üs Gott Våder dit beslöten hed, dör di Helligmåking van di Geist, tö Fölligsomheid, en tö Bespränking me dit Blöd van Jesus Kristus, Gott iw ju vul Gnåd en Frēd.
3Gott en di Våder van üs Herr Jesus Kristus wis lowet, diär üs eter sin gurt Barmhartigheid wedergeboren hēd tö en lewendig Höpning, dör Jesus Kristus sin Apstunen van Doaden.
4Tö en ünforgängelk en ek forwellet Arfdil sönder Plakken, wat behölden ud on Hemmel.
5Diär dör Gottes Magt ön di Glow bewåret ud tö di Seligheid, welk törēd es, omdat-s ipenbar ud on di lēst Tid.
6Ön di Tid skel I ju frügge, wan I uk en kurt Tid, (wan-t sa wis mut) bedrüwwet sen ön manningerlei Önfegtinger.
7Omdat ju Glow rogtskaffen en vul köstelker ön di Prow befünden ud, üs al dit forgängelk Gold, wat dör dit Jöld prowet ud, tö Low, Pris en Iär, wan Jesus Kristus nü ipenbaret ud.
8Welk I ek sen ha, en höm dag lew ha, en nü ön höm liw, alhurwel I höm ek se, diäraur skel I ju frügge me en herrelk Frügged, welk ek üttöspreken es.
9En di Loan van ju Glow diärvan bring, nämelk di Selen Seligheid.
10En di Seligheid hå di Profeten sågt en forsket, welk van di Gnad ön di tökommen Tid voarütsaid ha, welk ju tö Dil uden es.
11En ja hå eterforsket, tö welk en watfoar en Tid düdet di Geist van Kristus, diär ön jam wiär, en tovoaren betjügt hēd di Liden, diär ön Kristus sen, en di Herlikheid, welk diärüp fölligt.
12Danen dit ipenbåret es, dat ja dit ek jam sallew, mar üs tö Guden dön ha, dat ja dit Evangilje forkindjigt hå, dör di hellig Geist, diär van Hemmel stjürt ud, hurtö uk di Engel Lest hed, om dit tö skauin.
13Diärom apskort di Lunken van ju Gemüt, wis nügtern, en sät ju Höp hilental üp di Gnad, welk ju önböden ud dör di Ipenbåring van Jesus Kristus.
14Üs Biärner, diär frai harke, en stel ju ek alliksa üs tövoaren, üs ju jit ünwis wiär, en ön Wellest lewwet.
15Mar eter di, diär ju beröpen hed, en hellig es, skel I uk hellig wis, ön al ju Wandel.
16For diär stånt skrewwen: I skel hellig wis, for ik sen hellig.
17En wan I höm üs Våder önröp, diär sönder Önsen van di Person rigtet, eter ark sin Werk, da för ju Wandel, sa lung üs I hjir wandele, me Fürgt.
18For I wet, dat I ek me forgängelk Sölwer en Gold erlöset sen van ju aurdådig Wandel, eter di Wis van ju Våders.
19Mar me dit jür Blöd van Kristus, üs en ünskiljig Lum sönder Plakken.
20Welk diärtö bestemmet wiär, jer dat di Gründ tö di Warld leid wåd, mar ipenbåret ön di lest Tid om ju wel.
21Dör höm liw I ön Gott, diär höm âpwäkt hed van Doaden en höm di Herrelkheid iwen hed, omdat I di Glow en di Höp tö Gott hå mai.
22En måke ju Selen rin ön di Fölligsomheid van di Wårheid dör di Geist, tö âprogtig Brödher- Lewde, en hå arküder hartlik lew me en frai#1.22 from Gemüt.
23Üs dânen, diär wedergeboren sen, ek ut forgangelk, mar üt ünforgängelk Sit, nämelk üt dit lewendig Urd van Gott, wat ewig blewt.
24For al dit Flesk es üs Gärs en alle Menskens Herrelkheid üs di Gärs Kröllen. Dit Gärs es fordorret, en di Kröllen sen offälen.
25Mar di Herr sin Urd blewt ön Ewigheid. En dit es dit Urd, wat bi ju forkindjigt uden es.
Currently Selected:
1 Petrus 1: NFNT
Highlight
Share
Copy
Want to have your highlights saved across all your devices? Sign up or sign in
Translated by Peter Michael Clemens (1804-1870)
