Hebräer 2
2
Dit 2. Kapitel.
1Diärom skel wü om sa vul moar dit Urd fast hoald, wat wü hjert ha, omdat wü ederst ek ofwik.
2For wan dit Urd, wat dör di Engel spreken es, fast uden es, en ark Aurskridden en Üngehorsam sin rogt Loan fingen hēd:
3Hur wel wü henflögt kjen, wan wü sa en gurt Seligheid ek agt? Welk eterdat di Herr dit jest forkindjigt hed, uk tö üs kjemmen es, en befestigt van danen, welk höm hjert hå.
4En Gott hed diärtö Tjügnis iwen me Teken, Wunder en manningerlei Kraften, en me di Ütdiling van di hellig Geist, eter sin Wel.
5For hi hēd di tökommende Warld, hurvan wü sprēk, ek di Engeler önderdånig måket.
6Mar diär es jen Man, hi betjügt ön jen Steid, en sprakt: Wat es di Mensk, dat dü om höm tänkst, en di Menskenseen, dat dü höm önnemst?
7Dü hest höm en kurt Tid wat mender måket üs di Engeler, me Pris en Iär hest dü höm krönet, en hēst höm sät aur di Werken van din Hunden.
8Dü hēst Alles höm önder di Fet leid. Dat hi höm Alles önderdånig måke hēd, diärme hēd hi nönt wegnommen, wat höm ek önderdånig wiär; mar nü se wü jit ek, dat höm Alles önderdånig es.
9Mar wü se Jesus dör di Doads Liden me Pris en Iär krönet, diär en kurt Tid mender wiär üs di Engel, omdat hi dör Gottes Gnad foar alle di Doad smakt.
10For hat skekket sik foar höm, om huns wel alle Dinge sen, diär vul Biärner tö di Herrelkheid fört hed, dat hi di Stifter van jar Seligheid dör Liden volkommen måket.
11For di, diär helligt, en dânen, diär helligt ud, stamme al van Jen of. Diärom skammet hi sik uk ek, jam Brödhern tö nämen.
12En said: Ik wel din Nom min Brödhern forkindjige, en medden ön dit Geminte di Low sjung.
13En wederom: Ik wel min Fortruen üp höm sät. En wederom: Lukke diär, ik en di Biärner, welk Gott mi iwen hēd.
14Eterdat nü di Biärner Flesk en Blöd hå, es hi dit alliksa dilhaftig uden, omdat hi dör di Doad höm di Magt nom, diär di Doads Gewalt hed, dit es di Düwel.
15En måket danen fri, diär dör di Fürgt voar di Doad jår hile Lewent Knegter wis måst.
16For hi nemt di Engeler gar ek ön, mar hi nemt Abrahams Ofkomst tö sik.
17Diärom måst hi voar allen Dingen sin Brödhern lik ud, omdat hi barmhartig wiär, en tru Hogpröst voar Gott, om di Volks Send tö forsönin.
18For hurön hi ledden hed en forsagt uden es, diärön kjen hi danen help, diär forsågt ud.
Currently Selected:
Hebräer 2: NFNT
Highlight
Share
Compare
Copy
Want to have your highlights saved across all your devices? Sign up or sign in
Translated by Peter Michael Clemens (1804-1870)
