Hebräer 3
3
Dit 3. Kapitel.
1Diärom, I hellig Brödhern! welk me beröpen sen dör di Berōp van Hemmel, mark üp Jesus Kristus, di Apostel en Hogpröst, welk wü bekän.
2Hi es höm tru, diär höm måket hed, alliküs Moses ön sin hile Hüs.
3Mar dös es en gurter Iär wert üs Moses, alliküs di en gurter Iär van dit Hüs hed, diär-t begt hēd, üs dit Hüs.
4For ark Hüs ud van hokken begt; mar di, diär Alles begt hēd, dit es Gott.
5En Moses hed wel tru wessen ön sin hile Hüs, üs en Diner, om tö betjügen, wat forkindjigt ud skel.
6Mar Kristus, üs en Seen aur sin Hüs, huns Hüs wü sen, wan wü dit Fortruen en di Höp bet tö Jend fast hoald, en di Rum.
7Diärom üs di hellig Geist sprakt: Delling, wan I sin Stem hir.
8Da forstokke ju Harten ek, üs dit ging ön di Bisterheid, üp di Dai, diär I forsågt wåd, on di Wösteni.
9Üs di Väders mi forsågt, ja prowet mi, en såg min Werken ön viärdig Jåren.
10Diäraur wad ik fortörnt üp döt Geslegt, en sprok: Ja gung altid wild ön jår Hart, ja kän min Weien ek.
11Da hå ik swären ön min Fortörning, dat ja ek tö min Ru kom skuld.
12Se tö, lew Brödhern! dat er ek hokken mung ju en arig, ünglowig Hart hēd, om van di lewendig Gott oftöwiken.
13Mar formåne ju sallew alle Dagen, sa lung üs-t delling hjit, om dat er ek hokken mung ju forstokket ud, dör Bedrog van di Send.
14For wü sen ön Kristus dilhaftig uden, wan wü di Begen van di fast Gründ bet tö Jend fast hoald.
15Sa lung üs er said ud, delling, wan I sin Stem hir, da forstokke ju Harten ek, alliküs dit ön di Fortörning ske.
16For Sommen, üs ja hjert, bewiset sik wederspenstig en fortörnt höm, mar dag ek al, welk van Egypten ütgingen wiär dör Moses.
17Aur watfoar hokken wåd hi viärdig Jar fortörnt? Wiär-t ek sa, dat di Senders jar Likhämen ön di Wösteni ombistrit leid?
18Mar hokken hed hi swären, dat ja ek tö sin Ru kom skuld, üs di Ünglowigen?
19En wü se, dat ja hå ek inkom küd van wegen jar Ünglow.
Currently Selected:
Hebräer 3: NFNT
Highlight
Share
Compare
Copy
Want to have your highlights saved across all your devices? Sign up or sign in
Translated by Peter Michael Clemens (1804-1870)
