Galalater 5
5
Dit 5. Kapitel.
1Bliw standhaft ön di Friheid, hurme Kristus üs fri måket hed, en let ju ek weder tö dit Slawen-Jok twing.
2Se, ik Paulus si ju: Wan I ju beskiär let, da es Kristus ju nin Net.
3Ik betjüg weder Arkjen, diär sik beskiär let, dat hi jit skildjig es, di hile Wet tö dön.
4I hå me Kristus nönt tö dön, for I wel dör di Wet rogtfârdig ud, en sen van di Gnåd offälen.
5Mar wü sen dör di Geist ön di Glow di Rogtfardigheid forwagten, hurüp wü höpe mut.
6For ön Kristus Jesus gelt nogweder Beskiäring of Voarhid, mar di Glōw, diär dör di Lewde wirket.
7I wiär gud üp di Wei. Hokken hendert ju, di Wårheid tö harkin?
8Sa en Töreden es ek van di, diär ju röpen hed.
9En litjet SĂĽring maket dit hile Jei sur.
10Ik forlet mi üp üp#5.10 Das zweite üp ist zu streichen. ju ön di Herr, dat I ek Üder Sens ud. Hokken ju ön Twiwel bringt, skel sin Ordil drai, hi mai wis, hokken hi wel.
11Mar ik, lew Brödhem! wan ik di Beskiäring jit prötje, hurom lid ik da Forfölging? Da wiär dit Argernis van dit Krüts âphewen.
12Wilds Gott, dat dânen ütrottet wåd, welk ju forwirre.
13Mar I, lew Brödhem! sen tö di Friheid röpen. Se tö, dat I di Friheid na dit Flesk ek mesbrük, mar dör di Lewde tine di jen di Üder.
14For alle Wetten kom me jen Urd tö folling, namelk ön dit: Ha din Naist lew, üs disallew.
15Mar wan I arküder bit en frēt, da se tö, dat ik#5.15 Lies: I. arküder ek apit.
16Mar ik si: Wandelt ön di Geist, da wel I di Lest na dit Flesk ek volbring.
17For dit Flēsk begiärt tögen di Geist; en di Geist tögen dit Flēsk. En dânen sen biding tögen arküder, dat I ek dö, wat I wel.
18Wan di Geist ju drewt, da sen I ek onder di Wet.
19Di Werke nå dit Flesk sen ipenbår, üs: Eebrēk, Hureri, Ünrinheid, Üntügt.
20Ofgotten, Tråleri, Findskep, Kreteli, Nidskheid, Ofgönst, Töm, Strid, Ünjensheid, Rotten, Håt, Mūrd.
21Drunkenheid, Prasseri en döslikken; hurvan ik ju tövoaren said hå, alliksa si ik jit weder tövoaren, dat dânen, diär sok dö, Gottes Rik ek arwe skel.
22Mar di Frügt van di Geist es Lewde, Frügged, Frēd, Geduld, Mildheid, Gudheid, Glow, Sagtmudigheid, Küskheid.
23Tögen Sokken es di Wet ek.
24Dânen, welk Kristus töhir, krütsige jar Flesk samt di Lest en Begiärligheid.
25Lewwe wü ön di Geist, da let üs uk ön di Geist wandele.
26Let üs ek gitsig wis eter idel Iär, om üs tögen arküder aptöhitsen en tö håtin.
Currently Selected:
Galalater 5: NFNT
Highlight
Share
Compare
Copy
Want to have your highlights saved across all your devices? Sign up or sign in
Translated by Peter Michael Clemens (1804-1870)
