Galalater 4
4
Dit 4. Kapitel.
1Nü si ik, sa lung üs di Arwing en Biären es, da es-er twesken höm en en Knegt nin Forskel, alhurwel hi en Herr van al dit Gud es.
2Mar hi es önder di Voarmünders en Forwalters bet tö di van di Våder fastsät Tid.
3Alliksa uk wü, üs wü Biärner wiär, wiär wü gefangen önder di Warlds Skek.
4Mar üs di Tid tö folling kam, stjürt Gott sin Seen, geboren van en Wüf, tökjemmen önder di Wet.
5Omdat hi danen, diär onder di Wet wiär, oflöse skuld, omdat wü di Biärenskep fing.
6Wil I nü Biären sen, hed Gott sin Seens Geist stjürt ön ju Harten, di räpt: Abba, lew Våder!
7Also es er nü nin Knegt moar, mar lutter Biärner; en best dü en Biären, da best dü uk Arwing dör Kristus.
8Mar da, üs I Gott ek küd, tinet I danen, welk van Natur ek Gotten sen.
9Mar nü I Gott kän, (ja vulmoar van Gott küd ud) hurom kir I ju da weder om tö di swak en arem Begenning foar Biärner, welk I nü van voaren ön tine wel?
10I hoald Dågen en Mun, en Fästen, en Jårstiden.
11Ik fürgte foar ju, dat ik meskin foriws ön ju arbed hå.
12Wis dag, alliküs ik, for ik sen, alliküs I. Lew Brödhem! (ik bed ju) I hå mi nönt tö Lid dön.
13For I wēt, dat ik ju ön Swakheid eter dit Flēsk dit Evangilje forkindjigt ha dit jest mål.
14En min Önfegtninger, welk ik lid na dit Flēsk, ha ik ek foragt en forsmoait, mar üs en Engel Gottes nom I mi âp, ja üs Kristus Jesus.
15Wat wiär I di Tid selig? Ik sen en gud Tjüg, dat, wan-t mögelk wessen wiär, I hed ju di Ogen ütrewwen, en mi iwen.
16Sen ik da sa ju Find uden, wil ik ju di Wårheid said ha.
17Ja iwere ek rogt om mi, mar ja wel-t sa måke, dat I van mi offål, en dat I om mi iwere skel.
18Dit Iwerin es gud, want altid om dit Guds ske, en ek alining wan ik bi ju sen.
19Min lew Biärner! welk ik weder me Werk gebär, bet dat Kristus ön ju en Gestalt went.
20Mar ik wild, dat ik nü bi ju wiär, om min Stem tö hewen; for ik sen ön Twiwel om ju.
21Si mi nü, I diär önder di Wet wis wel, ha I di Wet ek hjert?
22For diär stånt skrewwen, dat Abraham tau Seens hed, jen van di Tinstfåmen, en jen van di fri Wüf.
23Mar di, diär van di Tinstfåmen wiär, es na dit Flesk geboren, mar di van di fri Wüf es dör di Tölöwing geboren.
24Di Urder bedüde en Forglik: For dit sen di tau Testamenten, jen van di Bârig Sinai, wat tö di Knegtskep gebårt; dit es Hagar.
25For Hagar hjit ön Arabien di Barig Sinai, en langt bet tö Jerusalem, wat tö dös Tid es, en es tinstbar me sin Biärner.
26Mar dit Jerusalem, wat bowen es, dit es di fri Wüf, diär Moder es tö üs al.
27For diär stånt skrewwen: Wis blid, dü Unfrügtbar, di ek gebårt, brek üt en röp dü di, diär ek üp Wei es, for di ledig en loas Tinstfamen hed vul moar Biärner, üs di, diär di Man hed.
28Mar wü, lew Brödhem! sen Biärner nå di Tölöwing, üs Isaak wiär.
29Mar alliküs tö di Tid, diär nå di Flēsk geboren wiär, forfölligt di, diär na di Geist geboren wiär, also uk nü.
30Mar wat sprakt di Skreft? Skop di Tinstfamen ut me hör Seen, for di Seen van di Tinstfåmen skel ek arwe, me di Seen van di fri Wüf.
31Sa sen wü nü, lew Brödhem! ek Biärner van di Tinstfåmen, mar van di fri Wüf.
Currently Selected:
Galalater 4: NFNT
Highlight
Share
Compare
Copy
Want to have your highlights saved across all your devices? Sign up or sign in
Translated by Peter Michael Clemens (1804-1870)
