Galalater 6
6
Dit 6. Kapitel.
1Lew Brödhern! Wan en Mensk meskin van en Mesdåd aurilet ud, da, I Geistelken, help höm weder törogt me en sagtmudig Geist. En se üp disallew, dat uk dü ek forsjukt ud.
2Di jen drai di Üder sin Last, da dö I vol foar di Wet van Kristus.
3Mar wan-er hokken tinkt, dat hi wat es, en hi es dag nönt, di bedrait höm sallew.
4Ark prowe sin ein Werk, en da wel hi ön sik sallew Rüm hå, en ek ön udern.
5For Ark skel sin ein Last drai.
6Mar di diär lirt ud me dit Urd, di dile al dit Guds me ön di, diär höm lirt.
7Twiwelt ek! Gott let sik ek forspotte. For wat di Mensk sä, dit skel hi bârige.#6.7 arne.
8Hokken üp sin Flēsk sä, di skel van dit Flesk di Fordârew ârne. Mar hokken üp sin Geist sä, di skel van di Geist dit ewig Lewent arne.
9Let üs dag Gud dö, en ek trät ud; for tö sin Tid skel wü uk arne, wan wü uk olter eder mat ud.
10Wil wü nü Tid ha, da let üs Gud dö ön Arkjen, mar ollermist ön üs Einen, diär di Glōw ha.
11I se, me hur vul Urder ik ju skrewwen ha me min ein Hund.
12Danen welk sik Önsen na dit Flesk forskaffe wel, twing ju, dat I ju beskiär let skel, alining, omdat ja ek me dit Krüts van Kristus forfölligt ud.
13For uk ja sallew, welk sik beskiär let, hoald di Wet ek; mar ja wel, dat I ju beskiär let, omdat van ju Flesk sik rüme mai.
14Mar ik sen fir diärvan, om mi tö rümin, üs alining van üs Herr Jesus Kristus sin Krüts; dör höm es mi di Warld krütsigt, en ik di Warld.
15For ön Kristus Jesus gelt nogweder Beskiäring, of Voarhid wat, mar en ni Kreatur.
16En sa Vulen, üs er eter dös Regel wandele, aur danen wis Fred en Bârmhartigheid, en aur Israel van Gott.
17Van nü of ön måke Nemmen mi firder Meit; for ik drai di Markteken van di Herr Jesus ön min Likhäm.
18Di Gnåd van üs Herr Jesus Kristus wis me ju Geist, lew Brödhem! Amen.
Currently Selected:
Galalater 6: NFNT
Highlight
Share
Compare
Copy
Want to have your highlights saved across all your devices? Sign up or sign in
Translated by Peter Michael Clemens (1804-1870)
