Efeser 4
4
Dit 4. Kapitel.
1Ik Gefangener ön di Herr formåne ju nü, dat I wandele, üs-t sik gebört nå ju Berōp, hurön I röpen sen.
2Me al Töreghoalden en Sagtmudigheid, me Geduld, en forlikke ju me arküder ön di Lewde.
3En beflitige ju, di Jensheid ön di Geist tö behoalden, dör dit Frēdsbjend.
4Jen Likhäm, en jen Geist, üs I uk beröpen sen üp ju Höpning van ju Berōp.
5Jen Herr, jen Glōw, jen Döp.
6Jen Gott en Våder van üs al, diär es bowen ju al, en dör ju al, en ön ju al.
7Mar ark/jen/ van ĂĽs es di GnĂĄd iwen eter di MĂĄt van Kristus-GĂĄw.
8Diärom sprakt hi: Hi es âpfären ön di Hōgde, en hēd di Gefangenen wegfört, en hēd di Mensken Gåwen iwen.
9Mar dat hi âpfären es, wat es dit üders, üs dat hi tö voaren djälfären es ön di önderst Plåtsen van di Örd.
10Di diär djälfären es, dit es disallew, diär âpfären es bowen alle Hemmel, omdat hi alle Dinge vol måket.
11En hi hēd Sommen tö Aposteler sät, Sommen tö Profeten, Sommen tö Evangelisten, sommen tö Hörder en Liärers önsǟt.
12Dat di Helligen törogt ud, om dit Amt tö forwaltin, hurdör Kristus Likhäm âpbegt ud.
13Tödat wü al henkom tö jen Glow en Känels van Gottes Seen, en en volkommen Man ud, diär dit volwugsen Iäler van Kristus hed.
14Omdat wü ek moar Biärner sen, en üs wäg en wåge let van ark Windj ön di Lirdom, dör di Skalkheid van di Mensken en Bedraieri, om üs me List tö forfören.
15Mar let üs rogtskaffen wis ön di Lewde, en âpwugse ön höm, welk dit Haupt#4.15 Haud. es, nämelk Kristus.
16Üt welk di hile Likhäm töhop fuget es, en di jen Led ön di Üder hinget, dör alle Lǟnken, hurdör di jen di Üder Kraft medilet, eter dit Werk van ark Led ön sin Måt, en måket, dat di Likhäm wugset tö sin ein Aprogting, en dit Alles ön di Lewde.
17Nü si ik da en betjüg dit ön di Herr, dat I ek moar wandele üs di Üder Heiden handele eter jår Sens Tåbigheid.
18Huns Forstand junk uden es, en ja sen dit Lewent främed uden, wat üt Gott es, dör di Unwetenheid, welk ön jam es, en dör di Blindjheid ön jar Hart.
19Welk rökloas sen, en sen di Üntügt heniwen, en bedriw allerlei Ünrinheid mesamt di Gits.
20Mar I hå Kristus ek sa känen lirt.
21Wan I üders van höm hjert hå, en ön höm sa lirt uden sen üs di Rogtskaffenheid ön Jesus es.
22Sa skel I nü ofli di oald Mensk eter di foârige Wandel, diär dör Begiärelkheid ön Dwåling fordârewt.
23En I skel fornit ud ön ju Geist en Sen.
24En ti di ni Mensk ön, diär nå Gott skåpen es ön di ware Rogtfärdigheid en Helligheid.
25Diärom li di Lögen, en sprek di Wårheid, wil wü arküders Leden sen.
26Ud I wrēd, da forsendige ju ek, let di Sen ek aur ju Fortörning öndergung.
27Iw di DĂĽwel nin PlĂĄts.
28Hokken stälen hēd, di stjäl ek moar, mar arbede en Skaffe me di Hunden wat Guds, omdat I wat ha om metödilin ön danen, diär-t nödig ha.
29Let nin fül Snak üt ju Müd gung, mar wat gud es tö Aprogting, hur-t nödig däd, en dat et hold hjert ud.
30En bedrüwwe Gottes hellig Geist ek, hurme I forsegelt sen üp di Oflösings-Dai.
31Alle Betterheid en Grimmigheid, en Wrēdheid, en Skreien, en Forspotting wis fir weg van ju, samt alle Bosheid.
32Mar wis tö arküder fründlik, hartlik, en di jen foriw di Üder, alliküs Gott ju foriwen hēd ön Kristus.
Currently Selected:
Efeser 4: NFNT
Highlight
Share
Compare
Copy
Want to have your highlights saved across all your devices? Sign up or sign in
Translated by Peter Michael Clemens (1804-1870)
