Efeser 5
5
Dit 5 Kapitel.
1Wis nü Gottes Nåfölligers, üs di lew Biärner.
2En wandelt ön di Lewde, alliküs Kristus ju hed lew hed, en hed sik sallew heniwen foar ju tö en Gåw en Slagtåfer, foar Gott tö en dalk Hârm.
3Mar Hureri en al Ăśnrinheid, of Gits, let ek van ju said ud, ĂĽs-t sik skekket foar di Helligen.
4Uk gröggelk Urder en Üniärbårheid, of legtfârdig Skemp, wat sik ek skekket foar ju, mar vulmoar Danksien.
5For dit skel I wēt, dat nin Hurer, of Ünrin, of Gitshals, welk en Ofgottsdiner es, Arwing hēd ön dit Könningrik van Kristus en Gott.
6Let ju ek forför dör en Lir sönder Gründ, for om dös wel komt Gottes Töm aur di Biärner, diär nin Glow hå.
7Diärom wis ek jår Megenoten.
8For I wiär jer ön Junkens, mar nü sen I en Lägt ön di Herr.
9Wandelt üs di Biärner ön Lägtens. Di Frügt van di Geist es allerlei Gudheid, Rogtfärdigheid en Wårheid.
10En prise, wat di Herr Gott wel hĂĄget.
11En ha ek Geminskep me di ünfrügtbar Werken ön Junkens mar bestrafes vul jer.
12For wat hjemmelk van jam ske, dit es uk skandelk tö sien.
13Mar dit ud al ipenbår, want van-t Lägt strafet ud. For Alles, wat ipenbar es, dit es Lägt.
14Diärom sprakt hi: Wåke âp, diär släpt, en stun ap van Doaden, da wel Kristus Lägt öntjend foar ju.
15Sa se nü tö, hurdelling I voarsigtig wandele, ek üs di Ünwissen, mar üs di Wissen.
16En skekke ju ön di Tid, for hat es en slim Tid.
17Diärom ud ek ünforständig, mar forständig, wat di Herr sin Wel es.
18En süp ju ek drunken ön Win, diärüp en aurdådig Lewent fölligt, mar ud vol Geist.
19En sprēk me arküder van Psalmen en Lowsonger, en geistelk Lieder, sjung en spölle di Herr ön ju Hart.
20En si altid Dank foar Alles, Gott en di Våder, ön üs Herr Jesus Kristus sin Nōm.
21En wis arküder önderdånig ön di Gottesfürgt.
22Di Wüffen skel jår Maner önderdånig wis üs di Herr.
23For di Man es dit Haupt van di Wüf, alliküs Kristus dit Haupt van dit Geminte es, en hi es sin Likhäms Seligmåker.
24Mar alliküs dit Geminte nü Kristus önderdån es, alliksa skel di Wüffen jar Måner önderdån wis ön alle Dinge.
25I Måner skel ju Wüffen lew ha, alliküs Kristus dit Geminte lew hēd, en hēd sik foar jam heniwen.
26Omdat hi jam helligt, en hēd-s rin måket, dör dit Weterbad ön-t Urd.
27Om höm sallew en Geminte hertöstellen, welk herlik wiär, diär ek en Plak of Skrumpel of desglikken hed, mar dat-s hellig en stråffri wiär.
28Alliksa skel uk di Måner jår Wüffen lew ha, üs jar ein Likhämen. Hokken sin Wüf lew hēd, di hēd sik sallew lew.
29For Nemmen hed older sin ein Flesk hatet, mar hi niäret dit, en pleget sik, alliküs di Herr dit Geminte.
30For wü sen Leden van sin Likhäm, van sin Flesk, en van sin Biner.
31Om dös Wel skel en Mensk Våder en Moder forlet, en sin Wüf önhinge, en jat skel biding jen Flēsk wis.
32Dit Hjemmelkheid es gurt; mar ik si van Kristus en sin Geminte.
33Dag uk I, ja Arkjen hĂĄ sin WĂĽf lew, ĂĽs sik sallew. Di WĂĽf fĂĽrgte di Man.
Currently Selected:
Efeser 5: NFNT
Highlight
Share
Compare
Copy
Want to have your highlights saved across all your devices? Sign up or sign in
Translated by Peter Michael Clemens (1804-1870)
