Efeser 3
3
Dit 3. Kapitel.
1Diärom ik Paulus, di Gefangener van Jesus Kristus foar di Heiden.
2Eter dat I hjert hå van Gottes Gnaden-Amt, welk mi ön ju iwen es.
3Dat ik tö weten fing ha dit Hjemmelkheid dör Ipenbåring, alliküs ik voarhen me litjet Urder skrewwen hå.
4Diärom kjen I, wan I dit lēs, min Forstand van di Hjemmelkheid ön Kristus mârk.
5Wat ön di voarige Tid di Mensken-Biärner ek bekänt måket es, üs dit nü dör di Geist sin hellig Aposteler en Profeten ipenbåret es.
6Nämelk dat di Heiden Meârwing sen, en ön disallew Likhäm, en Megenoten van di Tölöwing ön Kristus dör dit Evangilje.
7Dat ik en Diner uden sen, eter di Gåw van Gottes Gnad, welk mi eter sin magtig Kraft iwen es.
8Dös Gnad es mi, di ollerringst van alle Helligen, iwen, om mung di Heiden di ünrandsåkelik Rikdom van Kristus tö forkindjigen.
9En Arkjen âptöklårin, hurön di Geminskep me di Hjemmelkheid bestånt, wat van di Warlds Begen ön Gott forborgen wessen hēd, diär alle Dinge skåpen hēd dör Jesus Kristus.
10Omdat nü de Förstendommen en Obrigheiden ön Hemmel, dör dit Geminte Gottes mannigfoaldig Wisheid bekänt ud.
11Eter dit Voarnemmen van Warlds Begen, wat hi bewiset hēd ön Kristus Jesus, üs Herr.
12Dör höm ha wü Frügged en Tögang me al Fortruen dör di Glow ön höm.
13Diärom bed ik, dat I ek forsage aur min Bedrüwwetheid, welk ik foar ju lid, en ju en Iär es.
14Om di Wel büg ik min Knebiner voar di Vader van üs Herr Jesus Kristus.
15Hi es di rogt Vader aur Alles, wat Biären hjit ön Hemmel en üp di Örd.
16Dat hi ju Kraft jewt eter sin Rikdom van sin Herligheid, om dör sin Geist stark tö uden ön di inwendig Mensk.
17Omdat Kristus dör di Glow ön ju Hart unet, en I dör di Lewde inwortelt en fast gründigt ud.
18Omdat I begrip mai me alle Helligen, wat diär es di Brede, en di Längde, di Dīpte, en di Hōgte.
19En dat I wet, dat di Lewde tö Kristus vul beter es, üs al dit Weten, omdat I Gottes Volheid ön vol Måt dilhaftig ud mai.
20Höm nü, diär magtig es, om Alles aurflödig tö dön, moar üs wü bed en forstun kjen, na di Kraft, welk ön üs wirket.
21Höm alining skel di Iär wis ön dit Geminte dör Kristus Jesus, tö ark Tid van Stam tö Stam, van Ewigheid tö Ewigheid. Amen.
Currently Selected:
Efeser 3: NFNT
Highlight
Share
Compare
Copy
Want to have your highlights saved across all your devices? Sign up or sign in
Translated by Peter Michael Clemens (1804-1870)
