Efeser 2
2
Dit 2. Kapitel.
1En uk ju, üs I doad wiär dör Mesdåden en Send.
2Hurön I jer wandelt hå, nå di Warlds Löp, en na di Först, diär ön di Logt hersket, nämelk nå di Geist, welk tö dös Tid sin Werk hēd ön di Biärner, welk ünglowsk sen.
3Önder welk wü uk alle jer wandelt hå ön di Begiärelkheid van üs Flesk, en död di Wel van-t Flesk en di Tagten; en wiär van Natur uk Biärner onder di Wredheid, alliküs di Üdern al.
4Mar Gott, diär rik es ön Barmhartigheid, dör sin gurt Lewde, hurme hi üs hēd lew hed.
5Üs wü doad wiär ön di Send, hed hi üs samt Kristus lewendig måket, for üt Gnaden sen I selig uden.
6En hi hēd üs me samt höm âpwäkt, en me höm hēd hi üs ön dit Hemmelrik sät, ön Kristus Jesus.
7Omdat hi ön di Tökomst di aurflödig Rikdom van sin Gnad wiset, dör sin Gudheid aur üs ön Kristus Jesus.
8For üt Gnaden sen I selig uden, dör di Glow, en dit ek van ju, hat es Gottes Gåw.
9Ek dör di Dåden, omdat Nemmen sik rümet.
10For wü sen sin Werk, skåpen ön Kristus Jesus tö gud Werken, hurtö Gott üs tövoaren bereitet hed, omdat wü diärön wandele skuld.
11Diärom tänk diärom, dat I, welk jer na dit Flesk Heiden wessen hå, en di Voarhid nämt wåd van dânen, diär di Beskiäring na dit Flesk nämt uden sen, wat me di Hund ske.
12Dat I tö di sallew Tid sönder Kristus wiär, främed van Israels Borgerskep, en främed van di Testamenten me di Tölöwing, en nin Höp hed, en wiär sönder Gott ön di Warld.
13Mar nü sen I ön Kristus Jesus, en I wiär jer fir weg, mar nü sen I nai bi kjemmen dör dit Blöd van Kristus.
14For hi es üs Frēd, diär üt biding jen måket hed, en hed di Turn wegbreken, welk diärtwesken wiär, omdat hi dör sin Flēsk di Findskep wegnom.
15Nämelk di Wet, welk ön Geboten stelt wiär; omdat hi üt tau en ni Mensk ön höm sallew skaffet, en Fred måket.
16En dat hi biding forsönet me Gott ön jen Likhäm, dör dit Krüts, en hed di Findskep doad maket dör sik sallew.
17En hi es kjemmen, hed di Fred ön-t Evangilje forkindjigt foar ju, diär fir weg wiär, en foar ju, diär naibi wiär.
18For dör höm ha wü di Tögang albiding ön jen Geist tö di Våder.
19Nü sen I ek moar Gasten en Främenden, mar Borger me di Helligen, en Gottes Hüsgenoten.
20Apbegt üp di Grund van di Aposteler en Profeten, hur Jesus Kristus di Hörnstin es.
21Üp welk di hile Begning ön arküder töhopfüget es, en wugset tö en hellig Tempel ön di Herr.
22Üp welk I uk me âpbegt ud, tö Gottes Behüsing ön di Geist.
Currently Selected:
Efeser 2: NFNT
Highlight
Share
Compare
Copy
Want to have your highlights saved across all your devices? Sign up or sign in
Translated by Peter Michael Clemens (1804-1870)
