Kolosser 3
3
Dit 3. Kapitel.
1Wan I nü me Kristus âpstönden sen, da sjuk di Dinge, diär bowen sen, hur Kristus es, hur hi set tö Gottes rogt Hund.
2Tragte eter dit, wat bowen es, ek eter dit, wat ĂĽp di Ă–rd es.
3For I sen stürwen en ju Lewent es forborgen me Kristus ön Gott.
4Mar wan Kristus ju Lewent ipenbåre wel, da skel I ipenbår ud me höm ön di Herrelkheid.
5Doadige nü ju Led, diär üp di Örd sen, Hureri, Unrinheid, skandelk Wellest, arig Begjärelkheid, en di Gits, welk Ofgotterie es.
6Aur di Skildj komt Gottes Wrēdheid aur di Biärner van di Ünglow.
7I hå uk jer diärön wandelt, üs I diäreter lewwet.
8Mar nü li I dit Alles of van ju, Törn, Grim, Bosheid, Spot, ful Snak üt ju Müd.
9Lög arküder nönt voar, ti di oald Mensk me sin Werken of.
10En ti di ni Mensk ön, diär fornit ud tö di Känels, eter Iwenbild van di, diär en skåpen hēd.
11Diär es ek Grik, Jud, Beskjäring, Voarhid, Bütlönder, Scythe, Tinstknegt, fri Man; mar Kristus es Alles ön Al.
12Sa ti da nü ön üs di Ütwäleten, Gottes Helligen en Lewsten, hartlik Erbarmen, Frindelkheid, Demud,#3.12 Ligmud Sagtmudigheid, Geduld.
13En forlikke ju me arküder, en foriw arküder, wan er hokken en Klag hed tögen di üder; alliküs Kristus ju foriwen hēd, alliksa skel I foriw.
14En bowen dit Alles ti di Lewde ön, welk dit Bjend van Volkommenheid es.
15En Gottes Fred regire ön ju Harten, hurtö I uk beröpen sen ön jen Likhäm, en wis dankbar.
16Let di Urd van Kristus rikkelk ön ju une me al Wisheid, lir en formåne ju sallew me Psalmen en Lowsōnger, en geistelk lewlik (Lēder#3.16 Letjis), en sjung di Herr ön ju Hart.
17En Alles, wat I dö me Urder of me Werken, dit dö Alles ön di Herr Jesus sin Nom, en danke Gott en di Våder dör höm.
18I Wüffen, wis ju Måner önderdån ön di Herr, üs-t sik gebört.
19I MĂĄner hĂĄ di WĂĽffen lew, en wis ek bister ĂĽp jam.
20I Biärner! hârke di Åldern ön alle Dinge, for dit håget di Herr.
21I Våders! terre ju Biärner ek, omdat ja ek sku ud.
22I Knegter! harke ju Herren ön alle Dinge, ek me Tinst voar ogen, alliküs di Mensken tö hågin, mar me Jenfoaligheid ön-t Hart, en me Gottesfürgt.
23Al wat I dö, dit dö van Harten, üs voar di Herr, en ek voar Mensken.
24En wēt, dat I van di Herr di Forgelting van dit Arfdil fo skel, for I tine di Herr ön Kristus.
25Mar hokken Ünrogt däd, di skel foar sin Ünrogt di Loan fo, for bi Gott gelt nin Önsen üp di Person.
Currently Selected:
Kolosser 3: NFNT
Highlight
Share
Compare
Copy
Want to have your highlights saved across all your devices? Sign up or sign in
Translated by Peter Michael Clemens (1804-1870)
