Popular Bible Verses from Kolosser 3

Share

En forlikke ju me arküder, en foriw arküder, wan er hokken en Klag hed tögen di üder; alliküs Kristus ju foriwen hēd, alliksa skel I foriw.

Tragte eter dit, wat bowen es, ek eter dit, wat üp di Örd es.

Al wat I dö, dit dö van Harten, üs voar di Herr, en ek voar Mensken.

Sa ti da nü ön üs di Ütwäleten, Gottes Helligen en Lewsten, hartlik Erbarmen, Frindelkheid, Demud, Sagtmudigheid, Geduld.

Let di Urd van Kristus rikkelk ön ju une me al Wisheid, lir en formåne ju sallew me Psalmen en Lowsōnger, en geistelk lewlik (Lēder), en sjung di Herr ön ju Hart. En Alles, wat I dö me Urder of me Werken, dit dö Alles ön di Herr Jesus sin Nom, en danke Gott en di Våder dör höm.

En bowen dit Alles ti di Lewde ön, welk dit Bjend van Volkommenheid es.

Wan I nü me Kristus âpstönden sen, da sjuk di Dinge, diär bowen sen, hur Kristus es, hur hi set tö Gottes rogt Hund.

En Gottes Fred regire ön ju Harten, hurtö I uk beröpen sen ön jen Likhäm, en wis dankbar.

Doadige nü ju Led, diär üp di Örd sen, Hureri, Unrinheid, skandelk Wellest, arig Begjärelkheid, en di Gits, welk Ofgotterie es.

For I sen stürwen en ju Lewent es forborgen me Kristus ön Gott.

Mar nü li I dit Alles of van ju, Törn, Grim, Bosheid, Spot, ful Snak üt ju Müd.

Lög arküder nönt voar, ti di oald Mensk me sin Werken of. En ti di ni Mensk ön, diär fornit ud tö di Känels, eter Iwenbild van di, diär en skåpen hēd.

I Måner hå di Wüffen lew, en wis ek bister üp jam.

I Biärner! hârke di Åldern ön alle Dinge, for dit håget di Herr.

I Wüffen, wis ju Måner önderdån ön di Herr, üs-t sik gebört.