Forhandlings 6
6
Dit 6. Kapitel.
1Ön di sallew Dagen, üs di Jünger-Öntal langsen gurter wåd, öntstönd diär en Knorrin mung di Griken tögen di Ebräer, dat jar Inkewüffen forsümmet wad bi di dågligs Ütdiling.
2Diär röp di Twellef di Mängde Jüngers on dit Geminte töhop, en sprok: Hat dōgt nönt, dat wü Gottes Urd töregsät, en bi Stål tine, om di Armen tö önderhoalden.
3Diärom, I lew Brödhem, lukke jens mung ju om sowen Karming (Maner) diär gud ön Beröp sen, en vol van di hellig Geist en Wisheid sen, welk wü bestel tö dös Forrogting.
4Mar wü wel önhoald me Bödigin en ön dit Urds Forlining.
5En dit Urd håget di hil Mängde wel; en wälet Stefanus, en Man vol van Glōw en di hellig Geist, en Filippus, en Progorus, en Nikanor, en Timon, en Parmenas; en Nikolaus, en Judengenōt (Nibekirt) van Antiochien.
6Dössen stelt ja voar di Aposteler, en bödigt, en leid di Hund/en/ üp jam.
7En Gottes Urd nōm tö, en di Öntal van di Jüngers wåd rogt gurt ön Jerusalem; sagar en gurt Kär Pröster nom uk di Glōw ön.
8En Stefanus, vol van Glow en Kraft, död Wunder en gurt Teken mung dit Volk.
9Diär stönd er hokken van di Skul ap, ja wiär van di Synagoge, benämt di Libertiner, en di Cyreners, en di Alexanders, en danen, diär van Cilicien en Asien wiär, en strēd sik me Stefanus.
10En ja küd di Wisheid en di Geist ek wederstun, dör welk hi sprok.
11Diär törogt ja hok Karming, ja said: Wü ha hjert, dat hi lasterlik Urder tögen Moses en tögen Gott spreken hēd.
12En ja hitset dit Volk, en di Olderlid, en di Skreftlirten âp, en kam hjårt, en rēw höm hen, en fört höm voar di Råd.
13En stelt falsk Tjügen, ja said: Dös Mensk halt ek ap skempelk Urder tögen dös hellig Steid en di Wet tö spreken.
14For wü ha hjert, dat hi said hēd: Jesus van Nazareth skel dös Steid diälbrek, en di Skek ändere, diär Moses üs iwen hēd.
15En ja lukket al üp höm, welk ön di Råd sēt, en såg sin Ansegt, üs en Engels Ansegt.
Currently Selected:
Forhandlings 6: NFNT
Highlight
Copy
Compare
Share
Want to have your highlights saved across all your devices? Sign up or sign in
Translated by Peter Michael Clemens (1804-1870)
