3 Johannes 1
1
Dit 1. Kapitel.
1Di Iäldst, ön di lew Gajus, welk ik ön Wårheid lew ha.
2Min Lewst! Ik wenske voar allen Dingen, dat et di wel geid, en dat dü sünd best, üs-t da uk din Seel wel gung mai.
3Ik ha mi rogt vul frügged, üs di Brödhern kam, en tjügt van di Wårheid, alliküs dü wandelst ön di Wårheid.
4Ik ha nin gurter Frügged üs di, wan ik hir, dat min Biärner ön di Wårheid wandele.
5Min Lewst! dü dädst tru, wat dü dädst ön di Brödhern en ön di Främenden.
6Diär van din Lewde tjügt hå voar dit Geminte; en dü dädst wel, wan dü jam firder forthelpst, sa üs Gott dit hå wel.
7For om sin Noms wel sen ja ütgingen, en ha van di Heiden nönt önnommen.
8Diärom sen wü skildjig, Sokken öntönemmen, omdat wü Mehelpers foar di Wårheid ud.
9Ik hå ön dit Geminte skrewwen, mar Diotrefes, diär mung jam foar di Gurtst önsen wis wel, nemt üs ek ön.
10Diärom wan ik kom, wel ik höm ön sin Werken erinnere, welk hi däd; en sladdert me ârig Urden om üs; en dit es höm ek jit nog. Hi sallew nemt di Brödhern ek ön, en danen, diär dit dö wel, wiäret hi of, en skopt jam üt dit Geminte.
11Min Lewst! föllige ek eter dit Arig, mar eter dit Guds. Hokken Guds däd, di es van Gott; hokken Arigs däd, di sjogt Gott ek.
12Demetrius hēd Tjügnis van Arkjen, en van di Wårheid sallew; en wü tjüg uk, en I wēt, dat üs Tjügnis wår es.
13Ik ha vul tö skriwen, mar ik wild ek me Feder en Blak ön di skriw.
14Mar ik höpe, di bald tö sen, da wel wat naier diäraur me arküder snakke.
15Fred wis me di. Di Frindjer gröt di. Gröt di Frindjer, ark senderlik.
Currently Selected:
3 Johannes 1: NFNT
Highlight
Share
Compare
Copy
Want to have your highlights saved across all your devices? Sign up or sign in
Translated by Peter Michael Clemens (1804-1870)