2 Johannes 1
1
Dit 1. Kapitel.
1Di Iäldst, ön di ütwälet Wüffen en hör Biärner, welk ik lew ha ön di Wårheid, en ek alining ik, mar uk al dânen, welk di Wårheid känt hå.
2Om di Wårheids wel, welk ön üs blewt, en bi üs bliw skel on Ewigheid.
3Gnad, Barmhartigheid, en Fred van Gott, di Våder, en van di Herr Jesus Kristus, di Seen van di Vader ön di Wårheid en ön di Lewde wis me ju.
4Ik frügge mi rogt vul, dat ik fünden hå mung din Biärner, diär ön di Wårheid wandele, üs wü en Gebot van di Vader fingen hå.
5En nü bed ik di, Wüf! ik skriw dit ek üs en ni Gebot, mar wat wü hed hå van jest Begen of ön, dat wü arküder lew ha.
6En dit es di Lewde, dat wü wandele eter sin Gebot. Dit es dit Gebot, üs I hjert hå van jest Begen of ön, omdat I diärön wandele.
7For diär sen vul Forförers ön di Warld kjemmen, diär ek bekän, dat Jesus Kristus ön dit Flesk kjemmen es. Dit es di Forförer en Tögenkrist.
8Se tö foar ju sallew, dat wü dit ek forlēs, hurfoar wü årbed hå, mar di vol Loan fo.
9Hokken aurskred, en blewt ek ön di Lir van Kristus, di hed nin Gott. Hokken ön di Lir van Kristus blewt, di hed bid di Våder en di Seen.
10Wan er hokken tö ju komt, en bringt ek dös Lir, di mut I ek tö Hüs nem, en höm uk ek gröt.
11For hokken höm grot, di måket sik dilhaftig ön sin arig Werken.
12Ik hed jit vul ön ju tö skriwen, mar ik wild ek me Brewer en Blak. En ik höpe, tö ju tö kommen, en me min Müd tö ju tö spreken, omdat üs Frügged volkommen wis mai.
13Din Sesters Biärner gröt di, jü es jen van di Ütwäleten. Amen.
Currently Selected:
2 Johannes 1: NFNT
Highlight
Share
Compare
Copy
Want to have your highlights saved across all your devices? Sign up or sign in
Translated by Peter Michael Clemens (1804-1870)
