2 Timotheus 3
3
Dit 3. Kapitel.
1Mar dit skedt dü wēt, dat ön di lēst Dagen gefårelk Tiden kom skel.
2For hat wel Mensken iw, welk van jam sallew olter vul hoald, gitsig, gurtprålerisk, hoffârdig, Spotter, üngehōrsom tögen di Åldern, ündankbar, ünhellig.
3Halsstarrig, ünforsönelk, fülmüdig, ünmåtig, mal, sönder en gud Wel.
4Forreder, rökloas. Âpblögen, welk di Wellest moar lew hå üs Gott.
5Ja ha wel din Skin van Gottseligheid, mar sin Kraft forlögne ja. Ha nin Omgang me jam.
6Van sokken sen dânen, welk ön di Hüsing inslik hen en weder, en di Wüffen ön sik håle, diär me Send beleden sen, en van manning Begjärligheiden drewwen ud.
7Welk altid lir, en nimmer tö di Känels van di Wårheid kom.
8Alliksa üs Jannes en Jambres Moses wederstönd, sa wederstun uk dössen di Wårheid; hat sen Lidden me forrüttelt Sennen, en ündögsom tö di Glow.
9Mar ja skel dit ek stidigs sa driw; for jar Dōrheid skel ipenbår ud voar Arkjen, allik üs-t me jam#3.9 di jündern di Fal wiär.
10Mar dü hēst min Lir tö weten fingen, min Wis, min Mining, min Glow, min Geduld, min Lewde, min Lidsomheid.
11Min Forfölliging, min Liden, welk ik ön Antiochien, ön Iconien, en ön Lystra erfåren hå, watfoar en Forfölliging ik leden ha, en üt dit al hēd di Herr mi erlöset.
12En al dânen, welk gottselig lewwe wel ön Kristus Jesus, mut Forfölliging lid.
13Me di gottloas Mensken en Forförers ūdt jå lǟnger, ja ariger, ja forför, en ud forfört.
14Mar bliw dü ön dit, wat dü lirt hēst, en di önbitrut es, eter dat dü wētst, van hokken dü lirt hēst.
15En wil dü van din Biärenskep of ön di hellig Skreft känst, kjen disallew di önderwise tö di Seligheid, dör di Glow ön Kristus Jesus.
16For alle Skreft, van Gott iniwen, es net tö di Lir, tö Törogtwising, tö Betering, tö Tügt ön di Rogtfardigheid.
17Omdat sa en Gottes-Mensk volkommen es, tö alle gud Werken skekket.
Currently Selected:
2 Timotheus 3: NFNT
Highlight
Share
Copy
Want to have your highlights saved across all your devices? Sign up or sign in
Translated by Peter Michael Clemens (1804-1870)
