2 Timotheus 2
2
Dit 2. Kapitel.
1Sa wis nü stark, min Seen, dör di Gnad ön Kristus Jesus.
2En wat dü van mi hjert hēst voar vul Tjügen, dit befjäl tru Mensken, welk üdern tö dügtig sen om liren.
3Lid Bedrük üs en gud Stridsman van Jesus Kristus.
4Nemmen, diär ön di Krig tinet, forwikkelt sik ön di Bedriw foar-t Lewent; omdat hi höm håget, welk höm önnommen hēd.
5En wan er hokken kämfet, hi ud dag ek krönet, hi kämfe da rogt.
6Mar di Löndman, welk di Eker beårbedt, skel di Frügt jest genēt. Mark wat ik si.
7Di Herr wel di ön alle Dingen Forstand iw.
8Behoald ön Öntänken Jesus Kristus, diär âpstönden es van Doaden, üt Davids Stam, eter min Evangilje.
9Huraur ik Bedrük lid bet tö di Banden, üs en Forbreker; mar Gottes Urd es ek bünden.
10Diärom dulde ik dit al om di Utkwoarten jar wel, omdat ja uk di Seligheid fo ön Kristus Jesus, me ewig Herligheid.
11Dit es wes wår: Sterrew wü me höm, da skel wü uk me höm lewwe.
12Dulde wü, da skel wü uk me höm herske. Forlögne wü, da wel hi üs uk forlögne.
13Liw wü ek, da blewt hi tru; hi kjen sik sallew ek forlögne.
14Help jam diärom tö tänken, en betjug dit voar di Herr, dat ja ek om Urder Strid måke skel; wat nargen gud foar es, üs danen forkirt tö makin, welk töhir.
15Beflitige di voar Gott üs jen di tö wisin, diär ön sin Arbed rogtskaffen es, en ek nödig hēd, sik tö skåmin, diär dit Urd van di Wårheid rogt dilet.
16Di üngeistelk loas Geprätj formeide; for dit måket, dat di Gottloasheid tönemt.
17En jår Urd frat om sik üs di Krēft, mung welken es Hymenäus en Filetus.
18Jat ha di Wårheid forfeilet, en si, dit Apstunen es al sken, en hå Sommen ön di Glow forkirt måket.
19Mar di fast Gründ, welk Gott leid hēd, stånt fast, en hed döt Segel: Di Herr känt sin Einen; en Arkjen stun of van di Lasterhaftigheid, hokken di Nom van Kristus nämt.
20Ön en gurt Hüs sen ek alining Gold= en Sölwerfåten, mar uk van Holt en Örd, en sommen tö Iären, en sommen tö Üniären.
21Wan er nü hokken sik fri halt van sok Lidden, di skel en hellig Fåt tö Iären wis, en brükbar foar di Hüsher, en tö al gud Werken skekket.
22Flögt voar dit wöst Lewent ön di Jungheid, strewe nå di Rogtfârdigheid, di Glow, di Lewde, di Fred, me allen, welk di Herr önröp me en rin Hart.
23Mar di dâsig en netloas Stridfragen formeide; for dü wētst, dat-s man Krakēl foroarsåke.
24En Tinstknegt van di Herr sinen skel ek krakēlsk wis, mar blid tö Arkjen, legtlirig, welk di Arigen fordrai kjen me Sagtmud.
25En di Wederspenstigen bestrāfe; of Gott jam me di Tid Bōt#2.25 Bekiring jewt tö Känels van di Wårheid.
26En weder nügtern ud üt di Düwels-Strik, hurön ja gefangen üs-t sin Wel es.
Currently Selected:
2 Timotheus 2: NFNT
Highlight
Share
Copy
Want to have your highlights saved across all your devices? Sign up or sign in
Translated by Peter Michael Clemens (1804-1870)
