2 Korinther 6
6
Dit 6. Kapitel.
1En wü, üs Mehelper, bed ju, dat I Gottes Gnad ek foriws fo mai.
2For hi said: Ik ha di ön di Gnaden-Tid hjert, en ha di üp di Reddings-Dai holpen. Betänk, nü est di Gnaden-Tid, nü est di Reddings-Dai.
3Mar let üs Nemmen üp di jen of Üder Wis en Önstot iw, omdat üs Amt ek last ud.
4Mar foar allen Dingen let üs, om wel leden tö uden, üs bewise üs Diner Gottes ön gurt Geduld, on Trungheid, ön Noad, ön Benautheid.
5Ön Slikker, ön Gefangenskep, ön Aprör, ön Nagtwåkin on Fastin.
6Ön Rinheid, ön Känels, ön Sagtmudigheid, ön Welligheid ön di hellig Geist, ön Lewde sönder Forstelling.
7Ön dit Urd van di Wårheid, ön Gottes Kraft, dör Wåpen me Geregtigheid, bid tö di rogt, en tö di left Sid.
8Dör Iär en Skemp, dör slim en gud Gerügten, üs di Forförers, en dag wårhaftig.
9Üs di Unbekänten, en dag bekänt; üs ön Doadsgefår, en se, wü lewwe; üs di Ofstråften, dag ek doad slain.
10Üs bedrüwwet, mar altid blid; üs di Armen, mar dag Vulen rik måke; üs sokken, diär nönt ha, mar dag Alles hå.
11O I Korinther! üs Müd hed sik tö ju apdön, us Hart es rum.
12Om üs wel tört I ju ek Ungstige. Mar dat I ju Ungstige, dit dö I eter ju Hartens Mining.
13Ik sprek me ju üs me min Biärner, dat I ju uk sa tögen mi stel, en ha uk en rüm Hart.
14Ti ek ön dit främed Jok me di Ünglowigen. For wat hed di Geregtigheid foar Genēt me di Ungeregtigheid? Watfoar en Geminskep hed dit Lägt me dit Junkens?
15Hur stemmet Kristus me Belial? Of watfoar en Dil hēd di Glowig me di Ünglowig?
16Watfoar en Lik hed Gottes Tempel me di Ofgotten? Mar I sen di lewendig Gott sin Tempel, alliküs Gott sprakt: I#6.16 Lies: Ik. wel ön jam une, en ön jam wandele, en wel jår Gott wis, en ja skel min Volk wis.
17Diärom gung üt van jam, en sendert ju of, said di Herr, en rör dit Ünrins ek ön, da wel ik ju önnem.
18En ju Vader wis, en I skel min Seens en min Dagters wis, said di almagtig Herr.
Currently Selected:
2 Korinther 6: NFNT
Highlight
Share
Compare
Copy
Want to have your highlights saved across all your devices? Sign up or sign in
Translated by Peter Michael Clemens (1804-1870)
