2 Korinther 7
7
Dit 7. Kapitel.
1Wil dat wü nü sa-n Tölöwing hå, min Lewsten! da let üs van alle Plakken on-t Flēsk en ön di Geist üs renske, en fortfår me di Helligheid ön Gottesfürgt.
2Begrip üs wel: Wü hå Nemmen Ünrogt dön, wü hå Nemmen forfört, wü ha Nemmen bedrain.
3Ik si dit ek tö ju, om ju wat tö forwitten; for ik hå jå tövoaren said, dat I ön üs Harten sen, om me üs tö sterwin, en me üs tö lewwin.
4Ik hå me vul Frimudigheid tö ju spreken, ik rüme mi vul aur ju; ik sen vol van Trost, ik ha aurleidig Frügged ön al üs Bedrüwwetheid.
5For üs wü ön Macedonien kam, hed üs Flēsk nin Ru, mar allerwegen wiär wü ön Bedrük, ütwendig Strid, inwendig Fred.
6Mar Gott, diär di Nederigen tröstet, hi tröstet üs uk dör Titus sin Onkomst.
7Mar ek alining dör sin Önkomst, mar uk dör di Trost, hurme hi tröstet wåd aur ju, en uk üs ju Forlangen fortelt, ju Skroalin, en ju Iwer om mi, sa dat ik mi jit moar frügget.
8For hat fortröt mi ek, dat ik ju dör dit Bref bedrüwwet maket ha. En alhurwel mi dit ek fortröt hed, wan ik se, dat dit Bref meskin üp en kurt Tid ju bedrüwwet hed.
9Da frügge ik mi dag nü, ek diäraur dat I bedrüwwet uden sen, mar aurdat I bedrüwwet uden sen tö Bekiring. For I sen üp en Wis bedrüwwet uden, üst Gott håget, omdat I van üs ön nin Ding Skåd lid.
10For di Bedrüwwetheid, üs-t Gott haget, wirket en Bekiring, diäraur Nemmen Beruen hed; di Bedrüwwetheid eter di Warld wirket di Doad.
11Betank ditsalwige, dat ju Bedrüwwetheid, üs-t Gott gefallt, watfoar en Flit dit ön ju wirket hed, diärtö Forswåring, Fortörning, Furgt, Forlangen, Iwer, Wrög? I ha ju ön al dös Dingen bewiset, dat I rin sen ön di Dåd.
12Alhurwel ik ön ju skrewwen hå, da es dit dag ek sken, om di sin wel, diär Ünrogt dön hed, uk ek om di sin wel, diär Ünrogt lad, mar omdat üs Sörrig foar ju ipenbar ud voar Gott.
13Diärom sen wü diäraur tröstet uden, dat I tröstet wåd. Wü hå üs voarskel frügget aur Titus sin Blidheid; for sin Geist wiär van ju al sa apheitert uden.
14For wat ik voar höm van ju rümet hå, diäraur ha ik ek nödig, mi tö skamin; mar, alliküs Alles wår es, wat ik tö ju said ha, sa es uk üs Rum bi Titus tö Wårheid uden.
15En hi es aurüt hartlik töfred me ju, wan hi ju Welligheid betänkt, hur hold I höm me Türgt#7.15 Lies: Fürgt. en Sjilwin önnommen ha.
16Ik frügge mi, dat ik ön Alles Fortruen tö ju ha kjen.
Currently Selected:
2 Korinther 7: NFNT
Highlight
Share
Compare
Copy
Want to have your highlights saved across all your devices? Sign up or sign in
Translated by Peter Michael Clemens (1804-1870)
