2 Korinther 5
5
Dit 5. Kapitel.
1Mar wü wet, wan üs Hüs van Örd, di Hot, diälbreken ud, dat wü en Begning hå van Gott, en Hüs wat ek me Hunden måket#5.1 Ist hier es Weggelassen?, diär ewig es ön Hemmel.
2En ön disallew läng wü, om di Uning ön Hemmel, en hat forlangt üs, diärme bekloadet tö uden.
3Dag sa, dat wü bekloadet fünden ud, en ek nåken.
4For sa lung wü ön dös Hüt sen, läng wü, en sen beswäret, wil wü lewwer ek ofkloadet wis wel, omdat dit Sterwelik forslängt ud van dit Lewent.
5Mar di, diär üs diärtö bereitet, dit es Gott, diär us di Poand, di Geist iwen hed.
6Mar wü sen altid getrost, en wet, wil wü ön di Likhäm une, dat wü wandere, en sen ek ethüs bi di Herr.
7For wü wandele ön di Glōw, en ek ön di Beskauing.
8Mar wü ha gud Mud, en hå vulmoar Lest, bütten di Likhäm tö wandelin, en ethüs bi di Herr tö wisen.
9Diärom wänd wü uk Flit ön, wü mai ethüs wis, of wü mai wandere, dat wü höm welhage.
10For wü mut al ipenbar ud voar Kristus sin Rigterstöl, omdat Ark faid, alliküs hi handelt hed ön sin Likhäms-Lewent, hat mai gud, of ârig wis.
11Wil wü da wēt, dat di Herr tö fürgten es, sjuk wü, di Mensken sagtis tö wennen; mar voar Gott sen wü ipenbar. Mar ik höpe, dat wü uk ön ju Geweten ipenbar sen.
12Dat wü üs nü ek salw lowe, mar ju en Oarsåk iw, om üs tö rümin, omdat I wat tö rümin ha tögen danen, welk sik na dit Ütterlik rüme, mar ek jar Hart.
13For dö wü tö vul, da dö wü dit Gott; en hoald wü Måt, da hoald wü-t sa foar ju.
14For di Lewde tö Kristus trängt üs tö dit Ordil, dat wan er jen foar alle stürwen es, da sen ja al stürwen.
15En diarom es hi foar alle stürwen, omdat danen, welk lewwe, nü ek länger jam sallew lewwe, mar höm, diär foar jam stürwen en apstönden es.
16Diärom kän wü van nü of ön Nemmen eter dit Flēsk, en wan wü uk Kristus känt ha eter dit Flesk, da kam wü höm dag nü ek moar sadelling.
17Diärom, wan er hokken ön Kristus es, da es hi en ni Skåpning, dit oald es forgingen, hat es Alles ni uden.
18Mar dit Alles es van Gott, diär üs me höm forsonet hed dör Jesus Kristus, en üs dit Amt iwen hed, wat di Forsöning forkindjigt.
19For Gott wiär ön Kristus, en forsönet di Warld me sik sallew, en rekent jam jar Send ek tö, en hed bi üs dit Urd van di Forsöning aprogt.
20Sa sen wü nü Bödskeppen ön Steid van Kristus, for Gott formånet dör üs, en nü bed wü on Steid van Kristus, let ju forsöne me Gott.
21For hi hed di, diär van nin Send wust, for üs tö Send maket, omdat wü ön höm di Rogtfardigheid wåd, welk voar Gott gelt.
Currently Selected:
2 Korinther 5: NFNT
Highlight
Share
Compare
Copy
Want to have your highlights saved across all your devices? Sign up or sign in
Translated by Peter Michael Clemens (1804-1870)
