2 Korinther 13
13
Dit 13. Kapitel.
1Döt es et trädmal, dat ik tö ju kom, nü skel ark Såk dör tau of tri Tjügen ütmåket ud.
2Ik hå-t ju tövoaren said, en si ju dit weder tövoaren, üs ön döt Ogenblek, di taust mål, en skriw dit nü, fir van ju of, danen, welk tövoaren sik forsendigt hå, en di Üdern al, dat wan ik weder kom, da wel ik jam ek skoanige.
3Wil I sjuk, omdat I jenmal dit wår ud, diär ön mi sprakt, nämelk Kristus, diär ön ju ek swak es, mar hi es magtig bi ju.
4En alhurwel hi krütsigt es ön di Swakheid, da lewwet hi dag ön Gottes Kraft. En wan wü uk swak sen ön höm, da lewwe wü dag me höm dör Gottes Kraft ön ju.
5Forsjuk ju sallew, of I ön di Glow sen, prowe ju sallew. Of kän I ju sallew ek, dat Jesus Kristus ön ju es? Hat mai da wis, dat I üntügtig sen.
6Mar ik höpe, dat I inse, dat wü ek üntügtig sen.
7En ik bed Gott, dat I nönt Arigs dö; ek diärom, omdat wü foar tügtig önsen ud; mar omdat I dit Guds dö, en wü üs di Üntügtigen sen.
8For wü kjen nönt tögen di Wårheid, mar foar di Wårheid.
9Mar wü frügge üs, wan wü swak sen, en I stark sen. En dit sallew wenske ik uk, nämelk ju Voarskelkeid.
10Diärom skriw ik uk, fir van ju of, omdat ik ek, wan ik bi ju sen, Strängheid brük mut, eter di Magt, welk di Herr mi iwen hed, om tö beterin, mar ek om tö fordârwin.
11Tölest, lew Brödhem! frügge I ju, dö vol diär foar, tröste ju, hå jens Sen, lewwe ön Frēd; en da wel Gottes Lewde en Fred me ju wīs.
12Gröt arküder me di hellig Tåtj. Alle Helligen gröt ju.
13Di Gnad van üs Herr Jesus Kristus, en di Lewde van Gott, en di Geminskep van di hellig Geist wis me ju al. Amen.
Currently Selected:
2 Korinther 13: NFNT
Highlight
Share
Compare
Copy
Want to have your highlights saved across all your devices? Sign up or sign in
Translated by Peter Michael Clemens (1804-1870)
